కొంతమంది తల్లిదండ్రులు పిల్లలతో స్నేహితుల్లా ఉంటారు. మరికొందరు డిక్టేటర్ లా వ్యవహరిస్తారు. ఇంకొందరు పట్టింకోనట్టే ఉండి పట్టించుకుంటారు. అదంతా రాశిచక్రం ప్రకారమే ఉంటుందట.
మేషరాశి : ఈ రాశివారు చిన్నపిల్లల మనస్తత్వం కలిగి ఉంటారు. అందుకే బాధ్యతలనుంచి తప్పించుకోవడానికి ప్రయత్నిస్తారు. లేదా చాలా కూల్ పేరెంట్ గా ఉంటారు.
వృషభరాశి : ఈ రాశి తల్లిదండ్రులు చాలా స్ట్రిక్ట్ గా ఉంటారు. తమ పిల్లలు కూడా చక్కగా మర్యాదగా ఉండాలని.. మంచి ప్రవర్తన కలిగి ఉండాలని కోరుకుంటారు.
మిధునరాశి : వీరెప్పుడూ నేర్చుకోవడానికి చాలా ఆసక్తిగా ఉంటారు. పిల్లలనుంచైనా సరే. వారితో సరదాగా ఉంటారు. పిల్లలకు మంచి విద్య అందించాలనేదే వీరి ఫోకస్.
కర్కాటకరాశి : పిల్లలకు ప్రేమపూరిత, సురక్షితమైన వాతావరణాన్ని కల్పించడానికి ఏం కావాలో, ఏం చేయాలో సాధ్యమైనంత వరకు చేస్తారు.
సింహరాశి : చాలా ఉత్సాహంగా ఉంటారు. వీరికి పేరెంట్ హుడ్ చాలా ఇష్టం. పిల్లలతో సరదాగా, సంతోషంగా గడపడానికి ఇష్టపడతారు.
కన్యారాశి : వీరు కాస్త కఠినంగానే ఉంటారని చెప్పాలి. తమ పిల్లలు అన్నింట్లోనూ పర్ ఫెక్ట్ గా ఉండాలని కోరుకుంటారు. ఆ క్రమంలో వచ్చే ఎలాంటి అడ్డంకులనైనా ఎదుర్కొంటారు.
తులారాశి : వీరికి శాంతం ఎక్కువ. ఎలాంటి పరిస్థితినైనా శాంతించేలా చేస్తారు. పిల్లలతో ఎలాంటి వాదనలు వచ్చినా.. ఎలా కూల్ చేయాలో వీరికి బాగా తెలుసు.
వృశ్చికరాశి : ఈ రాశి తల్లిదండ్రులు పిల్లలు ఏం నమ్ముతున్నారో దానికోసం నిలబడేలా సహాయపడతారు. పిల్లలు శక్తివంతంగా, ధైర్యంగా ఎదగడానికి.. జీవితంలో ఎదురయ్యే కష్టసమయాల్ని ఎదుర్కునే విధంగా ఎదిగేలా చేస్తారు.
ధనుస్సురాశి : తమ పిల్లలు ప్రపంచాన్ని తెలుసుకోవడానికి సహాయపడతారు. వారు ఏదైనా ఎక్స్ ప్లోర్ చేసేలా ప్రోత్సహిస్తారు. ఆ క్రమంలో అద్బుతాలు జరుగుతాయి.
మకరరాశి : మీది మకరరాశి అయితే.. పిల్లలతో కాస్త జాగ్రత్తగానే ఉండాలి. ఎక్కువగా ప్రయోగాలు చేయకపోవడమే మంచిది.
కుంభరాశి : వీరు చాలా సృజనాత్మకంగా ఉంటారు. తమ పిల్లల్ని స్వతంత్రంగా, కాన్ఫిడెంట్ గా ఉండేలా పెంచడంతో వీరిది అందెవేసిన చేయి.
మీనరాశి : మీనరాశి వారు తల్లిదండ్రులుగానే కాదు.. సహజంగానే ప్రతీవారి పట్ల కేరింగ్ గా ఉంటారు. కాబట్టి ఇక తల్లిదండ్రులుగా వీరు చాలా ప్రేమగా ఉంటారని చెప్పడంలో సందేహమే లేదు.