Birth Date: ఈ తేదీల్లో పుట్టినవారిని డబ్బు వెతుక్కుంటూ వస్తుంది.. సంపదకు వీళ్లే చిరునామా!

డబ్బు కోసం కొందరు జీవితాంతం కష్టపడతారు. మరికొందరిని మాత్రం డబ్బే వెతుక్కుంటూ వస్తుంది. అయితే అది కష్టం, అదృష్టమే కాదు పుట్టిన తేదీ ప్రభావం కూడా అని సంఖ్యా శాస్త్రం చెబుతోంది. మరి ఏ తేదీల్లో పుట్టినవారు డబ్బు కోసం పరుగులు తీయాల్సిన పనిలేదో చూద్దాం. 

Birth Date Astrology

జ్యోతిష్య శాస్త్రం, సంఖ్యా శాస్త్రం ప్రకారం పుట్టిన తేదీ మన స్వభావాన్ని మాత్రమే కాదు, మనకు డబ్బు ఎలా వస్తుంది, ఎలా నిలుస్తుంది అన్నదానిపై కూడా ప్రభావం చూపుతుంది. ముఖ్యంగా కొన్ని తేదీల్లో పుట్టినవారు డబ్బు కోసం ఎక్కువగా పరుగెత్తాల్సిన అవసరం ఉండదని, సరైన సమయంలో సరైన అవకాశాలు వారిని వెతుక్కుంటూ వస్తాయని జ్యోతిష్య పండితులు చెబుతున్నారు. మరి ఆ అదృష్ట తేదీలేంటో చూద్దామా..

1వ తేదీన పుట్టినవారు

న్యూమరాలజీ ప్రకారం 1, 5, 6 తేదీల్లో పుట్టినవారు సహజంగానే నాయకత్వ లక్షణాలు, కమ్యూనికేషన్ స్కిల్స్, ఆకర్షణీయమైన వ్యక్తిత్వం కలిగి ఉంటారు. 1వ తేదీన పుట్టినవారు సూర్యుడి ప్రభావంతో ఉంటారు. వీరికి నిర్ణయాలు తీసుకునే శక్తి ఎక్కువగా ఉండటం వల్ల బిజినెస్, మేనెజ్‌మెంట్, ప్రభుత్వ సంబంధిత రంగాల్లో డబ్బు అవకాశాలు ఎక్కువగా వస్తాయి. వీరు డబ్బు వెనుకపడరు. కానీ వీరి ఆలోచనలు, ఆత్మవిశ్వాసమే డబ్బును ఆకర్షిస్తుందని జ్యోతిష్య శాస్త్రం చెబుతోంది.

5వ తేదీన పుట్టినవారు

ఏ నెలలో అయినా 5వ తేదీన పుట్టినవారు బుధ గ్రహ ప్రభావంతో ఉంటారు. వీరు చాలా చురుకుగా ఉంటారు. తెలివితేటలతో పాటు మంచి మాటతీరు వీరి సొంతం. మార్కెటింగ్, సేల్స్, మీడియా, ట్రేడింగ్ వంటి రంగాల్లో వీరికి అనుకోని లాభాలు వచ్చే అవకాశాలు ఎక్కువ. జ్యోతిష్య పండితుల ప్రకారం వీరికి ఒకేసారి పెద్ద మొత్తంలో డబ్బు రావడం కంటే, తరచూ అవకాశాలు రావడం విశేషం.

6వ తేదీన పుట్టినవారు

సంఖ్యా శాస్త్రం ప్రకారం ఏ నెలలో అయినా 6వ తేదీన పుట్టినవారు శుక్ర గ్రహ ప్రభావంతో ఉంటారు. వీరు సుఖ సౌకర్యాలు, విలాసవంతమైన జీవితం వైపు ఆకర్షితులవుతారు. ఫ్యాషన్, రియల్ ఎస్టేట్, హాస్పిటాలిటీ, ఆర్ట్స్ వంటి రంగాల్లో వీరికి అదృష్టం కలిసివస్తుంది. ముఖ్యంగా వీరికి డబ్బును ఎలా జాగ్రత్త చేసుకోవాలో తెలుసు. సరైన వ్యక్తులు, సరైన సంబంధాలే వీరికి ఆదాయ మార్గాలను పెంచుతాయి.

8వ తేదీన పుట్టినవారు

అదే విధంగా ఏ నెలలో అయినా 8వ తేదీన పుట్టినవారు శని ప్రభావంతో ఉంటారు. వీరి జీవితంలో మొదట కష్టాలు, ఆలస్యం ఉన్నా, ఒక దశ తర్వాత డబ్బు స్థిరంగా రావడం మొదలవుతుంది. జ్యోతిష్య శాస్త్రం ప్రకారం 8వ తేదీన పుట్టినవారు డబ్బు కోసం ఎక్కువ కష్టపడినా, ఒక్కసారి అదృష్టం కలిసివస్తే మాత్రం సంపద దీర్ఘకాలం నిలుస్తుంది.