Astrology: ఇంట్లో బల్లులు పదే పదే శబ్ధం చేస్తూ తిరుగుతున్నాయా? దాని అర్థం ఇదే!

సాధారణంగా అందరి ఇళ్లల్లో బల్లులు ఉంటాయి. అవి అప్పుడప్పుడు శబ్ధం చేస్తుంటాయి. అటు, ఇటూ పరిగెడుతూ ఉంటాయి. అయితే ఈ చర్యలకు కొన్ని అర్థాలు, ఫలితాలు, కారణాలు ఉంటాయని వాస్తుశాస్త్రం చెబుతోంది. మరి అవేంటో తెలుసుకుందామా..  

వాస్తు శాస్త్రం ప్రకారం..

హిందూ సంస్కృతిలో వాస్తు శాస్త్రానికి చాలా ప్రాధాన్యం ఉంది. వాస్తు ప్రకారం నడుచుకుంటే అంతా మంచే జరుగుతుందని చాలామంది నమ్ముతారు. వాస్తు శాస్త్రం ప్రకారం.. బల్లులను లక్ష్మీదేవి అంశంగా లేదా సందేశాన్ని తెచ్చే దూతగా భావిస్తారు. అయితే కొన్నిసార్లు వాటిని రాబోయే సమస్యకు సంకేతంగా కూడా చూడవచ్చు. 

ఇంట్లో ఎక్కువ బల్లులు ఉంటే...

కొన్ని నమ్మకాల ప్రకారం.. ఇంట్లో బల్లులను చూడటం సంపద, శ్రేయస్సును సూచిస్తుంది. ముఖ్యంగా.. ఒకేసారి ఒకటి కంటే ఎక్కువ బల్లులను చూడటం చాలా శుభప్రదంగా భావిస్తారు.

బల్లి శబ్దం చేయడం కూడా శుభవార్తకు సంకేతమని భావిస్తారు. బల్లి కొన్ని అసాధారణ చర్యలు చేయడాన్ని (ఉదాహరణకు.. వేగంగా పరుగెత్తడం, లేదా గోడ నుంచి పడటం) హెచ్చరిక సంకేతంగా పరిగణిస్తారు.

బల్లి మీదపడితే దాని అర్థం ఏంటి?

బల్లి ఏ శరీర భాగంలో పడుతుందో దాని ఆధారంగా అనేక అర్థాలను కలిగి ఉంటుంది. దీన్ని ఒక శకునంగా పరిగణిస్తారు.

తల: తలపై బల్లి పడటం భవిష్యత్తులో గొడవ లేదా తగాదాను సూచిస్తుంది. దీన్ని చెడు శకునంగా పరిగణిస్తారు.

ముఖం: ముఖంపై బల్లి పడటం ఊహించని అదృష్టం లేదా కొత్త అవకాశాలను సూచిస్తుంది.

కుడి చేయి/భుజం: ఇది మంచి శకునం. రాబోయే విజయం, సంపద లేదా కొత్త ఉద్యోగాన్ని సూచిస్తుంది.

ఎడమ చేయి/భుజం: ఇది చెడు శకునం. రాబోయే సమస్యలు, నష్టం లేదా అనారోగ్యాన్ని సూచిస్తుంది.

ఛాతీ: ఛాతీపై పడటం ఆర్థిక లాభాలను సూచిస్తుంది.

కడుపు: కడుపుపై పడటం చిన్న సమస్యను సూచిస్తుంది. 

కాళ్లు: కాళ్లపై పడటం ఒక ప్రయాణాన్ని లేదా కొత్త ప్రారంభాన్ని సూచిస్తుంది.

బల్లి శబ్ధం.. దేన్ని సూచిస్తుంది?

శుభవార్త: కొన్నిసార్లు, బల్లి శబ్ధం శుభవార్త రాబోతుందని సూచిస్తుంది. ముఖ్యంగా ఉదయం వేళ మీరు శబ్ధం విన్నట్లయితే అది శుభప్రదం.

అతిథులు: బల్లి శబ్ధం అతిథుల రాకను కూడా సూచిస్తుంది.

ప్రమాదం: కొన్నిసార్లు బల్లి అసాధారణంగా శబ్దం చేస్తే.. ప్రమాదం లేదా సమస్య వస్తుందని అర్థం.

లక్ష్మీ కటాక్షం: పూజ గదిలో లేదా డబ్బు పెట్టె దగ్గర బల్లి శబ్ధం చేస్తే.. లక్ష్మీదేవి అనుగ్రహాం దక్కుతుందని నమ్మకం.

బల్లి వచ్చే దిశను బట్టి...

ఉత్తర దిశ: ఉత్తరం నుంచి బల్లి రావడం ఆర్థిక లాభాలను సూచిస్తుంది.

తూర్పు దిశ: తూర్పు నుంచి రావడం కొత్త అవకాశం లేదా శుభవార్తను సూచిస్తుంది.

దక్షిణ దిశ: దక్షిణం నుంచి రావడం చిన్న సమస్యను లేదా పాత స్నేహితుడి రాకను సూచిస్తుంది.

పడమర దిశ: బల్లి పడమర నుంచి రావడం ప్రయాణం లేదా ముఖ్యమైన సమావేశాన్ని సూచిస్తుంది.