నిద్రలో కలలు రావడం సహజం. కొందరికిి మంచి కలలు వస్తాయి. మరికొందరికి పీడ కలలు వస్తాయి. వాటిలో కొన్ని ఉదయం లేచేసరికి గుర్తుంటాయి. మరికొన్ని మర్చిపోతుంటాము. అయితే శాస్త్రాల ప్రకారం కొన్ని కలలు వస్తే ధనవంతులు అవుతారని చెబుతారు. అవేంటో ఇక్కడ చూద్దాం.
కలలు వ్యక్తుల జీవితాల్లో ముఖ్యమైన భాగం. జ్యోతిష్యంలో కలల గురించి ప్రత్యేకంగా చెప్పబడింది. ఈ శాస్త్రంలో కలల రహస్యం, వాటి అర్థాలు వివరించబడ్డాయి. మనం చూసే కలల ఫలితాలు శాస్త్రాల్లో ముందే చెప్పబడ్డాయి.
ప్రతి ఒక్కరికీ రాత్రి పడుకున్నప్పుడు కలలు రావడం సహజం. ఈ కలలు మన జీవితంతో చాలా సంబంధం కలిగి ఉంటాయి. స్వప్న శాస్త్రం ప్రకారం, ప్రతి కలకి ఒక అర్థం ఉంది. దాన్ని అర్థం చేసుకుంటే భవిష్యత్తులో జరిగే విషయాల గురించి తెలుసుకోవచ్చు.
మీ కలలో అగ్గిపెట్టె కనిపిస్తే వెంటనే డబ్బు వచ్చే అవకాశం ఉంది. చిన్న మంట కనిపిస్తే జీవితంలో ఐశ్వర్యం వస్తుంది. అలాగే, బంగారం, వెండి పోగుపడుతుందని నమ్మకం.
మంటల మీద నడుస్తున్నట్లు కల వస్తే సమస్యలో చిక్కుకునే సూచన. ఎక్కడో మంటలు అంటుకుని కాలుతున్నట్లు కల వస్తే చెడు వార్త వినాల్సి వస్తుంది. మీ ఒంటికి మంటలు అంటుకుని కాలుతున్నట్లు కల వస్తే మీకు దగ్గరి వాళ్ళకి ఇబ్బంది జరిగే సూచన ఉన్నట్లు.
కలలో తెల్ల పాము కరిస్తే ఆర్థిక విషయాల్లో మంచి వార్త వస్తుంది. ఒకరి కలలో పాము కరిచినట్లు కల వస్తే కష్టాలు తొలగిపోతాయి అని అర్థం. అప్పుల సమస్యలు తీరిపోతాయి అని అర్థం.
ఒకరికి కలలో నారింజ పండు కనిపిస్తే వారికి డబ్బు వచ్చే అవకాశం ఉంది. నారింజ పండ్లు తింటున్నట్లు కల వస్తే జీవిత స్థాయి బాగుంటుంది అని అర్థం. నారింజ తినడం పెళ్లి సూచన లేదా కొత్త ప్రారంభం సూచన.
కలలో పండ్లు తింటున్నట్లు కనిపిస్తే డబ్బు వస్తుంది. కలలో దాచిన బంగారం లేదా విలువైన వస్తువులు కనిపిస్తే నిధి దొరుకుతుంది. కలలో పండిన గోధుమ కంకులు కనిపిస్తే మంచిది. దీనివల్ల కూడా డబ్బు వచ్చే అవకాశం ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి