Today Rasi Phalalu: ఈ రాశివారికి చుట్టుపక్కల వారితో ఊహించని విభేదాలు వస్తాయి.. జాగ్రత్త!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 7.07.2025 సోమవారానికి సంబంధించినవి.

మేష రాశి ఫలాలు

పిల్లలు కొన్ని విషయాల్లో మీ మాటతో విభేదిస్తారు. దూర ప్రయాణాల్లో వాహన ఇబ్బందులు ఉంటాయి. చేపట్టిన పనుల్లో అవరోధాలు ఉన్నపటికీ నిదానంగా పూర్తిచేస్తారు. వృత్తి, వ్యాపారాలు ఆశించిన స్థాయిలో రాణించవు. ఉద్యోగంలో అదనపు బాధ్యతల వల్ల విశ్రాంతి ఉండదు. దీర్ఘకాలిక రుణ ఒత్తిడి పెరుగుతుంది.

వృషభ రాశి ఫలాలు

కుటుంబ సభ్యుల ప్రవర్తన చికాకులు తెప్పిస్తుంది. వాహన కొనుగోలు ప్రయత్నాలు వాయిదా వేస్తారు. ముఖ్యమైన వ్యవహారాల్లో తొందరపాటు నిర్ణయాలు పనికిరావు. ఆర్థిక వ్యవహారాలు మందగిస్తాయి. నిరుద్యోగులకు కలిసిరాదు. వ్యాపార, ఉద్యోగాల్లో నిలకడ లోపిస్తుంది.

మిథున రాశి ఫలాలు

కొత్త పరిచయాలు లాభసాటిగా ఉంటాయి. ఇతరులతో జాగ్రత్తగా వ్యవహరించాలి. ఆర్థిక ఇబ్బందుల నుంచి కొంతవరకు బయటపడతారు. పాత అప్పులు తీరుతాయి. కుటుంబ సభ్యుల నుంచి వ్యతిరేకత పెరుగుతుంది. వృత్తి, ఉద్యోగాల్లో సానుకూల ఫలితాలుంటాయి.

కర్కాటక రాశి ఫలాలు

దూరప్రాంతాల నుంచి అరుదైన సమాచారం అందుతుంది. ఆదాయం అంతగా ఉండదు. ఒక వ్యవహారంలో ఇంటా బయట సమస్యలు పెరుగుతాయి. చిన్ననాటి మిత్రులతో స్వల్ప మాటపట్టింపులుంటాయి. ఉద్యోగంలో తొందరపాటు నిర్ణయాలు తీసుకోవడం మంచిది కాదు. పిల్లల ఆరోగ్యం విషయంలో శ్రద్ధ వహించాలి.

సింహ రాశి ఫలాలు

ఆకస్మిక ధన ప్రాప్తి కలుగుతుంది. కుటుంబ సభ్యుల ఆరోగ్యం విషయంలో శుభవార్తలు వింటారు. బంధు మిత్రులతో సంతోషంగా గడుపుతారు. కొత్త వ్యాపారానికి సన్నిహితుల నుంచి పెట్టుబడులు అందుతాయి. దాయాదులతో స్థిరాస్తి వివాదాలు పరిష్కారం దిశగా సాగుతాయి. వృత్తి, ఉద్యోగాల్లో పదోన్నతులు పెరుగుతాయి.

కన్య రాశి ఫలాలు

డబ్బు వ్యవహారాల్లో చిన్నపాటి ఇబ్బందులు ఉంటాయి. పిల్లల ఉద్యోగ ప్రయత్నాలు కొంత నిరాశ కలిగిస్తాయి. చుట్టుపక్కలవారితో ఊహించని విభేదాలు కలుగుతాయి. భాగస్వామ్య వ్యాపారాలు అంతంత మాత్రంగా సాగుతాయి. ఆదాయానికి మించి ఖర్చులు ఉంటాయి. ఇతరుల వ్యవహారాల్లో జోక్యం చేసుకోకపోవడం మంచిది.

తుల రాశి ఫలాలు

కీలక వ్యవహారాల్లో కుటుంబ సభ్యుల సహకారం ఉంటుంది. ఆర్థిక పరిస్థితి ఆశాజనకంగా ఉంటుంది. అవసరాలకు సన్నిహితుల నుంచి డబ్బు సహాయం లభిస్తుంది. కొత్త వ్యాపారాల ప్రారంభానికి శ్రీకారం చుడతారు. దైవ సేవా కార్యక్రమాలపై ఆసక్తి పెరుగుతుంది. నిరుద్యోగులకు శుభవార్తలు అందుతాయి.

వృశ్చిక రాశి ఫలాలు

చేపట్టిన పనుల్లో విజయం సాధిస్తారు. స్థిరాస్తి వివాదాల్లో సోదరులతో కొత్త ఒప్పందాలు చేసుకుంటారు. దూరపు బంధువుల నుంచి కీలక నమాచారం అందుతుంది. ఆర్థిక పరిస్థితి గతం కంటే మెరుగుపడుతుంది. కుటుంబ సభ్యులతో సఖ్యతగా వ్యవహరిస్తారు. ఉద్యోగంలో అధికారుల ఆదరణ పెరుగుతుంది.

ధనుస్సు రాశి ఫలాలు

వృత్తి, ఉద్యోగాల్లో వివాదాలు పరిష్కారం దిశగా సాగుతాయి. ఆధ్యాత్మిక సేవా కార్యక్రమాల్లో విశేషంగా పాల్గొంటారు. దైవ అనుగ్రహంతో అనుకున్న పనులు పూర్తి చేస్తారు. వృత్తి, వ్యాపారాల్లో లాభాలు అందుకుంటారు. ఆప్తుల నుంచి శుభకార్యాలకు ఆహ్వానాలు అందుతాయి. ప్రయాణాల్లో స్వల్ప ఇబ్బందులు కలుగుతాయి.

మకర రాశి ఫలాలు

ఆరోగ్యం విషయంలో వైద్యులను సంప్రదించాల్సి వస్తుంది. ఇంటా బయట కొన్ని పరిస్థితులు చికాకు కలిగిస్తాయి. కుటుంబ సభ్యులతో కారణం లేకుండా వివాదాలు కలుగుతాయి. ఉద్యోగులు అధికారులతో మరింత అప్రమత్తంగా వ్యవహరించాలి. ఆర్థిక ఇబ్బందులు వల్ల ఒత్తిడి పెరుగుతుంది. నూతన రుణ ప్రయత్నాలు అంతగా కలిసిరావు.

కుంభ రాశి ఫలాలు

ఉద్యోగంలో అదనపు బాధ్యతల నుంచి ఉపశమనం లభిస్తుంది. పాత అప్పులు తీరుతాయి. ప్రయాణాల్లో కొత్త పరిచయాలు ఏర్పడుతాయి. ఆర్థికంగా అనుకూల వాతావరణం ఉంటుంది. ఇంటి నిర్మాణ ఆలోచనలు కార్యరూపం దాల్చుతాయి. వ్యాపార బాధ్యతలు సమర్థవంతంగా నిర్వహించి లాభాలు పొందుతారు.

మీన రాశి ఫలాలు

ఇంటా బయట శ్రమకు తగ్గ గుర్తింపు లభిస్తుంది. వ్యాపారాలు విజయవంతంగా సాగుతాయి. సోదరుల సహకారంతో నూతన కార్యక్రమాలకు శ్రీకారం చుడతారు. నిరుద్యోగులకు అప్రయత్న కార్యసిద్ధి కలుగుతుంది. ఆర్థిక పరిస్థితి ఆశాజనకంగా ఉంటుంది. ప్రయాణాల్లో అప్రమత్తంగా వ్యవహరించాలి.