Today Rasi Phalalu: ఈ రాశివారిని ముఖ్యమైన విషయాల్లో నమ్మినవారే మోసం చేస్తారు!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 12.07.2025 శనివారానికి సంబంధించినవి.

మేష రాశి ఫలాలు

సమాజంలో పలుకుబడి పెరుగుతుంది. నూతన వస్తువులు కొనుగోలు చేస్తారు. పాత మిత్రులు నుంచి అందిన సమాచారం ఆనందం కలిగిస్తుంది. చేపట్టిన పనులు సకాలంలో పూర్తి చేస్తారు. వృత్తి, వ్యాపారాల్లో నూతన పెట్టుబడులు పొందుతారు. ఉద్యోగులకు పదోన్నతులు పెరుగుతాయి.

వృషభ రాశి ఫలాలు

ముఖ్యమైన వ్యవహారాల్లో శ్రమకు తగిన ఫలితం ఉంటుంది. నూతన కార్యక్రమాలకు శ్రీకారం చుడతారు. స్థిరాస్తి వివాదాలకు సంబంధించి ఆప్తుల నుంచి కీలక సమాచారం అందుతుంది. నిరుద్యోగ ప్రయత్నాలు ఫలిస్తాయి. వృత్తి, వ్యాపారాలు అనుకూలం. విద్యార్థులకు మంచి ఫలితాలు వస్తాయి.

మిథున రాశి ఫలాలు

కుటుంబ విషయాల్లో స్థిరమైన ఆలోచనలు చేయలేరు. సన్నిహితులతో మాటపట్టింపులు కలుగుతాయి. చేపట్టిన పనులు మధ్యలో నిలిచిపోతాయి. ఇతరులతో వివాదాలకు దూరంగా ఉండటం మంచిది. వృత్తి, వ్యాపారాలు అంతంత మాత్రంగా సాగుతాయి. ఉద్యోగంలో అధికారుల నుంచి ఒత్తిడి తప్పదు.

కర్కాటక రాశి ఫలాలు

దీర్ఘకాలిక రుణాలు తీర్చడానికి కొత్త అప్పులు చేస్తారు. ఆర్థిక పరిస్థితి కొంత మందగిస్తుంది. దూరప్రయాణ సూచనలు ఉన్నాయి. కుటుంబ సభ్యులతో గొడవలు జరగవచ్చు. దైవ సేవా కార్యక్రమాల్లో పాల్గొంటారు. వృత్తి, ఉద్యోగాల్లో అధికారులతో మరింత అప్రమత్తంగా వ్యవహరించాలి. వ్యాపారాలు మందకొడిగా సాగుతాయి.

సింహ రాశి ఫలాలు

ఇంట్లో వివాహాది శుభకార్యాలు నిర్వహిస్తారు. ఆర్థికంగా మెరుగైన వాతావరణం ఉంటుంది. చేపట్టిన వ్యవహారాల్లో ఆశించిన పురోగతి సాధిస్తారు. విలువైన వస్తువులు కొనుగోలు చేస్తారు. వృత్తి, వ్యాపారాల్లో మరింత ఉత్సాహంగా పనిచేసి లాభాలు అందుకుంటారు. ఉద్యోగులకు ట్రాన్స్ ఫర్ సూచనలు ఉన్నాయి.  

కన్య రాశి ఫలాలు

ఆదాయానికి మించి ఖర్చులుంటాయి. సన్నిహితులతో మాటపట్టింపులు ఉంటాయి. వృత్తి, ఉద్యోగాల్లో పని ఒత్తిడి పెరుగుతుంది. సమయానికి నిద్ర, ఆహారం ఉండదు. చేపట్టిన పనులు శ్రమతో కానీ పూర్తికావు. ముఖ్యమైన విషయాల్లో నమ్మినవారే మోసం చేస్తారు. వ్యాపారంలో ఆలోచించి నిర్ణయాలు తీసుకోవడం మంచిది.

తుల రాశి ఫలాలు

సోదరులతో దీర్ఘకాలిక వివాదాలు పరిష్కారం దిశగా సాగుతాయి. వృత్తి, వ్యాపారాల్లో లాభాలు అందుకుంటారు. ముఖ్యమైన విషయాల్లో కీలక నిర్ణయాలు తీసుకుంటారు. ఉద్యోగం విషయంలో జాప్యం కలిగినా.. అనుకున్న సమయానికి పనులు పూర్తి చేస్తారు. విద్యార్థులు మరింత కష్టపడాలి.

వృశ్చిక రాశి ఫలాలు

దూర ప్రయాణాలు లాభసాటిగా సాగుతాయి. జీవిత భాగస్వామితో పుణ్యక్షేత్రాలు సందర్శిస్తారు. వృత్తి, వ్యాపారాల్లో లాభాలు అందుకుంటారు. అన్ని వైపుల నుంచి ఆదాయం అందుతుంది. ఉద్యోగ వాతావరణం అనుకూలంగా ఉంటుంది. నిరుద్యోగ ప్రయత్నాలు ఫలిస్తాయి. స్థిరాస్తి కొనుగోలుకు ఆటంకాలు తొలగుతాయి.

ధనుస్సు రాశి ఫలాలు

వృత్తి, వ్యాపారాల్లో నూతన ప్రోత్సాహకాలు అందుకుంటారు. భూ సంబంధిత క్రయ విక్రయాల్లో లాభాలు అందుతాయి. సమాజంలో విశేషమైన గౌరవ మర్యాదలు దక్కుతాయి. ఉద్యోగులు అధికారుల అనుగ్రహంతో నూతన అవకాశాలు అందుకుంటారు. నిరుద్యోగులకు శుభవార్తలు అందుతాయి.

మకర రాశి ఫలాలు

బంధు మిత్రులతో మాటపట్టింపులు కలుగుతాయి. కుటుంబ సభ్యుల ఆరోగ్య సమస్యలు మరింత కలవరపెడతాయి. చేపట్టిన పనులు నిదానంగా సాగుతాయి. వృత్తి, వ్యాపారాలు అంతంత మాత్రంగా ఉంటాయి. ఉద్యోగులకు అదనపు బాధ్యతలు వల్ల విశ్రాంతి ఉండదు. నిరుద్యోగ ప్రయత్నాలు ఫలిస్తాయి.

కుంభ రాశి ఫలాలు

ఆర్థికంగా కొంత ప్రతికూల వాతావరణం ఉంటుంది. వృత్తి, వ్యాపారాల్లో అవసరానికి మించి ఖర్చులు పెరుగుతాయి. ముఖ్యమైన పనులు మందకొడిగా సాగుతాయి. ఉద్యోగ బాధ్యతలు సమర్థవంతంగా నిర్వహించడంలో ఇబ్బందులు తప్పవు. నిరుద్యోగ ప్రయత్నాలు మందగిస్తాయి.

మీన రాశి ఫలాలు

ఆర్థిక లావాదేవీలు కొంత నిరుత్సాహపరుస్తాయి. చేపట్టిన పనులు శ్రమతో కానీ పూర్తికావు. దూర ప్రయాణాల్లో వాహన ఇబ్బందులు ఉంటాయి. ఇంటా బయట వివాదాలు తప్పవు. ఆధ్యాత్మిక సేవా కార్యక్రమాల్లో విశేషంగా పాల్గొంటారు. వృత్తి, వ్యాపారాల్లో భాగస్వాములతో వివాదాలు కలుగుతాయి. నిరుద్యోగ ప్రయత్నాలు వాయిదా పడతాయి.