Today Rasi Phalalu: ఈ రాశివారు డబ్బుల విషయంలో జాగ్రత్తగా లేకపోతే కష్టమే!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 11.06.2025 బుధవారానికి సంబంధించినవి.

మేష రాశి ఫలాలు

స్వల్ప అనారోగ్య సమస్యలుంటాయి. చేపట్టిన పనుల్లో శ్రమ పెరుగుతుంది. ప్రయాణాలు వాయిదా పడతాయి. దైవ కార్యక్రమాల్లో పాల్గొంటారు. ఇంటా బయట బాధ్యతలు పెరుగుతాయి. వృత్తి, వ్యాపారాలు నిదానంగా సాగుతాయి.

వృషభ రాశి ఫలాలు

దూరపు బంధువుల నుంచి శుభవార్తలు అందుతాయి. ఆకస్మిక ధనప్రాప్తి కలుగుతుంది. సమాజంలో ప్రముఖులతో పరిచయాలు పెరుగుతాయి. చిన్ననాటి మిత్రుల నుంచి కీలక సమాచారం అందుతుంది. నూతన వాహనం కొనుగోలు చేస్తారు. వ్యాపారాల్లో సమస్యలు అధిగమిస్తారు. ఉద్యోగ వాతావరణం అనుకూలంగా ఉంటుంది.

మిథున రాశి ఫలాలు

దూర ప్రయాణాల్లో ఇబ్బందులు కలుగుతాయి. కుటుంబ సభ్యులతో మాటపట్టింపులు ఉంటాయి. డబ్బు విషయంలో జాగ్రత్త వహించాలి. నూతన రుణ ప్రయత్నాలు ఫలించవు. వృత్తి, వ్యాపారాలు అంతంత మాత్రంగా సాగుతాయి. ఉద్యోగ వాతావరణం నిరుత్సాహంగా ఉంటుంది.

కర్కాటక రాశి ఫలాలు

ఆర్థికంగా పురోగతి సాధిస్తారు. కుటుంబ వ్యవహారాల్లో కీలక నిర్ణయాలు తీసుకుంటారు. ఇంట్లో పిల్లల పెళ్లి ప్రస్తావన వస్తుంది. చేపట్టిన పనుల్లో విజయం దక్కుతుంది. వృత్తి, వ్యాపారాలు సంతృప్తికరంగా సాగుతాయి. నిరుద్యోగులకు అధికారుల అండదండలతో కొత్త అవకాశాలు లభిస్తాయి.

సింహ రాశి ఫలాలు

శ్రమకు తగిన ఫలితం ఉండదు. కొన్ని విషయాల్లో బంధు మిత్రులతో మాటపట్టింపులు ఉంటాయి. ఆరోగ్యం విషయంలో అశ్రద్ధ చేయడం మంచిది కాదు. ప్రయాణాలు వాయిదా వేస్తారు. వ్యాపారులకు స్వల్ప లాభాలు అందుతాయి. ఉద్యోగాల్లో గందరగోళ పరిస్థితులుంటాయి.

కన్య రాశి ఫలాలు

ఇంటా బయట ఒత్తిడులు అధిగమించి ముందుకు సాగుతారు. చేపట్టిన వ్యవహారాలు సజావుగా సాగుతాయి. భూ సంబంధిత క్రయ విక్రయాల్లో ఆశించిన ఫలితాలు పొందుతారు. వ్యాపారులకు పెట్టుబడులు సకాలంలో అందుతాయి. వృత్తి, ఉద్యోగాల్లో నూతన ప్రోత్సాహకాలు అందుతాయి. మొండి బకాయిలు వసూలవుతాయి.

తుల రాశి ఫలాలు

ఇంటా బయట మీ మాటకు విలువ పెరుగుతుంది. వాహన వ్యాపారులకు అనుకూలం. ఆత్మీయుల రాక ఆనందం కలిగిస్తుంది. ఉద్యోగాల్లో అధికారులతో చర్చలు అనుకూలిస్తాయి. నిరుద్యోగుల కలలు సాకారం అవుతాయి. కొన్ని విషయాల్లో తెలివిగా వ్యవహరించి అందరి మన్ననలు పొందుతారు.

వృశ్చిక రాశి ఫలాలు

వృత్తి, ఉద్యోగాల్లో అదనపు బాధ్యతల వల్ల విశ్రాంతి ఉండదు. వృథా ప్రయాణాలు చేయాల్సి వస్తుంది. ముఖ్యమైన వ్యవహారాల్లో ఆలోచన విధానం మార్చుకోవడం మంచిది. కుటుంబ సభ్యులతో దైవదర్శనం చేసుకుంటారు. నూతన వ్యాపార ప్రయత్నాలు మందకొడిగా సాగుతాయి.

ధనుస్సు రాశి ఫలాలు

ఇంట్లో చికాకు వాతావరణం ఉంటుంది. చేపట్టిన పనుల్లో శ్రమ అధికమవుతుంది. అప్పుల ఒత్తిడి పెరుగుతుంది. వ్యాపారులకు కష్టానికి తగిన ఫలితం ఉండదు. వృత్తి, ఉద్యోగాల్లో ఇతరులతో తొందరపడి మాట్లాడటం మంచిది కాదు. ఆర్థిక పరిస్థితి మందగిస్తుంది.

మకర రాశి ఫలాలు

ఇంట్లో ఉత్సాహకర వాతావరణం ఉంటుంది. వృత్తి, వ్యాపారాల్లో లాభాలు అందుకుంటారు. సన్నిహితుల నుంచి శుభకార్యాలకు ఆహ్వానాలు అందుతాయి. వాహన యోగం ఉంది. స్థిరాస్తి కొనుగోలు ప్రయత్నాలు ఫలిస్తాయి. ఉద్యోగాల్లో నూతన ప్రోత్సాహకాలు అందుకుంటారు. జీవిత భాగస్వామి సలహాలు కలిసివస్తాయి.

కుంభ రాశి ఫలాలు

వ్యాపారాలకు సంబంధించి ఆప్తుల సలహాలు తీసుకోవడం మంచిది. సమాజంలో విశేషమైన గౌరవ మర్యాదలు పొందుతారు. ముఖ్యమైన పనులు సజావుగా సాగుతాయి. మిత్రుల నుంచి విలువైన వస్తువులు బహుమతులుగా పొందుతారు.

మీన రాశి ఫలాలు

ఆర్థిక లావాదేవీలు మందకొడిగా సాగుతాయి. కొన్ని వ్యవహారాల్లో ఆలోచనలు మార్చుకుంటారు. చేపట్టిన పనుల్లో జాప్యం కలుగుతుంది. కుటుంబ సభ్యుల నుంచి ఆశించిన సహాయం లభించదు. ప్రయాణాలు వాయిదా వేయడం మంచిది. వ్యాపారాల్లో చిక్కులు, ఉద్యోగంలో పనిభారం పెరుగుతుంది.