15 రోజుల పాటు కంటిన్యూగా దానిమ్మ పండును తింటే ఏమౌతుందో తెలుసా?
By Shivaleela Rajamoni | First Published Jul 16, 2024, 12:21 PM ISTదానిమ్మలో ఎన్నో ఔషదగుణాలుంటాయి. ఈ పండును తింటే ఒంట్లో రక్తం పెరుగుతుందన్న ముచ్చట ప్రతి ఒక్కరికీ తెలుసు. అయితే ఈ పండును తింటే ఈ ఒక్క ప్రయోజనమే కాదు మరెన్నో బెనిఫిట్స్ ఉంటాయి. ఈ పండును గనుక 15 రోజుల పాటు రోజూ తిన్నారంటే ఎన్నో ప్రయోజనాలను పొందుతారు. అవేంటంటే?
పండ్లలో ఒకటైన దానిమ్మ పండును తింటే ఆరోగ్యం బేషుగ్గా ఉంటుంది. ఈ హెల్తీ పండులో ప్రోటీన్, ఫైబర్, ఫోలేట్, పొటాషియం, విటమిన్ సి వంటి పోషకాలు సమృద్ధిగా ఉంటాయి. రోజూ ఒక దానిమ్మ పండును తినే వారికి రోగాలు వచ్చే ప్రమాదం చాలా వరకు తగ్గుతుందని ఆరోగ్య నిపుణులు చెబుతున్నారు. ఆరోగ్య నిపుణుల ప్రకారం.. మీరు గనుక ఒక 15 రోజుల పాటు దానిమ్మ పండును తింటే మీ శరీరంలో ఎన్నో మార్పులు కనిపిస్తాయి. నేషనల్ ఇనిస్టిట్యూట్ ఆఫ్ హెల్త్ నివేదిక ప్రకారం.. 15 రోజుల పాటు రోజూ 1 దానిమ్మ పండును తింటే ఎలాంటి ప్రయోజనాలు కలుగుతాయో ఇప్పుడు తెలుసుకుందాం పదండి.
రక్తం పరిశుభ్రం: దానిమ్మ పండు జ్యూస్ బ్లడ్ క్లెన్సింగ్ గా పనిచేస్తుందని ఆరోగ్య నిపుణులు చెబుతున్నారు. దీనిలో ఉండే ఎక్కువ యాంటీ ఆక్సిడెంట్లు మన రక్త ప్రసరణను మెరుగుపరుస్తాయి. అలాగే శరీరం లో ఉండే విష సమ్మేళనాలను కూడా బయటకు పంపుతాయి. ఇది మీ రక్తాన్ని శుభ్రపరుస్తుంది.
Latest Videos
undefined
గుండె ఆరోగ్యం: దానిమ్మ పండును మీరు గనుక 15 రోజుల పాటుగా తింటే మీ శరీరంలో పేరుకుపోయిన కొలెస్ట్రాల్ కంట్రోల్ అవుతుంది. దానిమ్మలో ఉండే పాలీఫెనాల్ సమ్మేళనాలు మన గుండెను ఆరోగ్యంగా ఉంచుతాయి. అలాగే గుండెపోటు, స్ట్రోక్ వంటి గుండెజబ్బులొచ్చే ప్రమాదాన్ని చాలా వరకు తగ్గిస్తాయి.
క్యాన్సర్ ప్రమాదాన్ని తగ్గిస్తుంది: దానిమ్మ పండులో యాంటీ ఆక్సిడెంట్లు, ఫ్లేవనాయిడ్లు పుష్కలంగా ఉంటాయి. ఇవి కణాల నష్టాన్ని నివారించడానికి బాగా సహాయపడతాయి. వీటిని రోజూ ఒకటి తింటే క్యాన్సర్ ప్రమాదం చాలా వరకు తగ్గుతుందని పరిశోధనలు చెబుతున్నాయి.
రోగనిరోధక శక్తి: దానిమ్మ పండులో విటమిన్ సి పుష్కలంగా ఉంటుంది. ఇది మన రోగనిరోధక శక్తిని పెంచుతుంది. దీంతో మనకు అంటువ్యాధులు, ఇన్ఫెక్షన్లు, దగ్గు, జలుబు వంటి అనారోగ్య సమస్యలు వచ్చే ప్రమాదం తగ్గుతుంది.
బరువు తగ్గడానికి: దానిమ్మ పండులో డైటరీ ఫైబర్ మెండుగా ఉంటుంది. ఇది మీరు ఆరోగ్యంగా బరువు తగ్గడానికి సహాయపడుతుంది. దానిమ్మ పండులో కేలరీలు చాలా తక్కువగా ఉంటాయి. అందుకే మీరు బరువు తగ్గాలనుకుంటే దానిమ్మను తినండి. దానిమ్మ బెల్లీ ఫ్యాట్ ను తగ్గించడానికి కూడా సహాయపడుతుంది. ఈ పండును 15 రోజుల పాటు తింటే తేడా మీకే కనిపిస్తుంది.
కిడ్నీ ఆరోగ్యం: దానిమ్మ పండులో ఆక్సలేట్స్, క్యాల్షియం పుష్కలంగా ఉంటాయి. ఇవి మీ కిడ్నీలో రాళ్లు ఏర్పడకుండా కాపాడుతాయి. దానిమ్మ పండును తింటే కిడ్నీ స్టోన్స్ కూడా తగ్గిపోతాయి.
రక్త నష్టం: దానిమ్మ పండును మీరు 15 రోజుల పాటు కంటిన్యూగా తినడం వల్ల శరీరంలో రక్తం తగ్గే అవకాశం ఉండదు. ఇది రక్త లోటును తీరుస్తుంది. రక్తహీనతతో బాధపడేవారు రోజూ 1 దానిమ్మ తినాలి. ఇది మీ శరీరంలో రక్తాన్ని పెంచుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి