తేజస్వి అలా చేయడం చూపించలేదు.. కౌశల్ కామెంట్స్!

బిగ్ బాస్ హౌస్ నుండి బయటకి వచ్చేసిన తరువాత తేజస్వి మదివాడ.. కౌశల్ పై విమర్శలు చేసిన సంగతి తెలిసిందే. హౌస్ లో ఉన్నప్పుడు కూడా కౌశల్, తేజస్విలకు ఒక్క నిమిషం కూడా పడేది కాదు.. తరచూ ఏదొక విషయంలో గొడవ పడుతూనే ఉండేవారు.

అదే కోపాన్ని బయటకి వచ్చిన తరువాత కూడా తేజస్వి కంటిన్యూ చేసింది. రీయూనియన్ సమయంలో హౌస్ లోకి వెళ్లినప్పుడు కూడా ఆమె కౌశల్ తో మాట్లాడలేదు. దానికి కారణం కూడా చెప్పుకొచ్చాడు కౌశల్.

'తేజస్వి హౌస్ లోకి రాగానే తనీష్ ని వెంట పెట్టుకొని కెమెరా దగ్గరకి వెళ్లి బిగ్ బాస్ ని అవమానించే విధంగా మాట్లాడింది. బిగ్ బాస్ హౌస్ కి విలువ ఉంటే గనుక తనీష్ కి ఓట్లు వేసి గెలిపించాలని చెప్పింది. అది నాకు చాలా అవమానకరంగా అనిపించింది.

అంటే బిగ్ బాస్ షోకి అప్పటివరకు విలువ లేదా..? అదే విషయాన్ని నేను తనీష్, సామ్రాట్ ల వద్ద ప్రస్తావించి తేజస్వి తన మాటలను వెనక్కి తీసుకునేలా చేశాను. కానీ ఆ ఎపిసోడ్ మాత్రం టెలికాస్ట్ చేయలేదు'' అంటూ చెప్పుకొచ్చాడు కౌశల్. ఇంట్లో అటువంటి సంఘటనలు చాలానే జరిగాయని అన్నారు. 

ఇవి కూడా చదవండి..