పబ్లిసిటీ కోసం చేయకండి.. 'మీటూ'పై రకుల్ కామెంట్!

హాలీవుడ్ నుండి మీటూ ఉద్యమం బాలీవుడ్ కి ఇప్పుడు టాలీవుడ్ కి కూడా పాకింది. భారతీయ చిత్ర పరిశ్రమని ఈ ఉద్యమం కుదిపేస్తోంది. దేశ వ్యాప్తంగా స్టార్లందరూ 'మీటూ' ఉద్యమంపై స్పందిస్తున్నారు.

బాధితులకు మద్దతు తెలుపుతూ సోషల్ మీడియాలో పోస్ట్ లు పెడుతున్నారు. తాజాగా టాలీవుడ్ హీరోయిన్ రకుల్ ప్రీత్ సింగ్ 'మీటూ' ఉద్యమం గురించి స్పందించింది. ''భారత్ లో ఈ ఉద్యమంపై పోరాడుతుండడం ఆనందంగా అనిపిస్తోంది.

లైంగిక కోరికలు తీర్చమని వేధించడం, ఎదుటివారితో మిస్ బిహేవ్ చేయడం వంటివి పూర్తిగా భిన్నమైనవని నా అభిప్రాయం. ఈ రెండింటికీ మధ్య చిన్న గీత ఉంది. ఏదేమైనా ఈ ఉద్యమానికి ఈ స్థాయిలో మద్దతు రావడానికి కారణం సోషల్ మీడియా. ఈ లైంగిక వేధింపుల విషయంలో నేను చాలా లక్కీ అనుకుంటాను.

నేనెప్పుడూ ఇలాంటి పరిస్థితులను ఎదుర్కోలేదు. కానీ వేధింపులకి సంబంధించిన విషయాలను మాత్రం విన్నాను. ఇప్పటికైనా బాధితులందరూ బయటకి వచ్చి మాట్లాడుతుండడం అభినందించాల్సిన విషయం. అయితే పబ్లిసిటీ కోసం ఎవరూ ఈ ఉద్యమాన్ని దుర్వినియోగం చేయకూడదని కోరుకుంటున్నాను'' అంటూ చెప్పుకొచ్చింది!

ఇవి కూడా చదవండి..