'సర్కార్' స్పెషల్ షోలకి నో పర్మిషన్!

తమిళ స్టార్ హీరో విజయ్-మురుగదాస్ కాంబినేషన్ లో తెరకెక్కిన చిత్రం 'సర్కార్'. కీర్తి సురేష్, వరలక్ష్మీ శరత్ కుమార్ ప్రధాన పాత్రల్లో నటించిన ఈ సినిమా దీపావళి కానుకగా నవంబర్ 6న ప్రేక్షకుల ముందుకు రానుంది. స్పెషల్ షో ద్వారా సినిమాను ముందే చూడాలనుకున్న అభిమానులకి నిరాశే ఎదురైంది.

మద్రాస్ హైకోర్టు 'సర్కార్' సినిమా ప్రత్యేక షోల ప్రదర్శనపై నిషేధం విధించింది. సామాజిక కార్యకర్త దేవరాజ్ ఈ మేరకు కోర్టులో కేసు వేశారు. దీంతో దీపావళి సమయంలో సినిమా ప్రత్యేక షోలు, అదనపు షోలని ప్రదర్శించడంపై కోర్టు నిషేధం విధించింది.

దీంతో విజయ్ అభిమానులు నిరాశకి గురయ్యారు. ఇది ఇలా ఉండగా ఇటీవల ఈ సినిమా కథ విషయంలో వివాదం చెలరేగింది. వరుణ్ రాజేంద్రన్ అనే రచయిత 'సర్కార్' కథ తనదేనంటూ కేసు వేశాడు. ఈ క్రమంలో వరుణ్ తో రాజీ పడ్డ చిత్రబృందం అతడికి సినిమా కథ విషయంలో క్రెడిట్ ఇస్తూ టైటిల్స్ లో పేరు వేయడానికి ఒప్పుకున్నారు. 

ఇవి కూడా చదవండి..