క్రికెటర్ హార్థిక్ పాండ్య ప్రస్తుతం టీమిండియాలో ఉన్న బెస్ట్ హిట్టర్స్ లో ఒకడు. మిడిలార్డర్ లో వచ్చి బౌలర్లపై విరుచుకుపడే హార్థిక్ కు యువతలో మంచి ఫాలోయింగ్ ఉంది.
మైదానంలోకి అడుగుపెడితే సిక్సెర్లతో విరుచుకుపడే హార్థిక్ పాండ్య.. మైదానం బయట మాత్రం ప్లే బాయ్ లాగా మారిపోతున్నాడు. ఇప్పటికే పలువురు బాలీవుడ్ ముద్దు గుమ్మలతో హార్థిక్ ప్రేమాయణం సాగించినట్లు వార్తలు వచ్చిన సంగతి తెలిసిందే.
బాలీవుడ్ ముద్దుగుమ్మలు కూడా ఈ యంగ్ ప్లేయర్ కి ఫిదా అయిపోతున్నారు. పలువురు నటీమణులతో హార్థిక్ పాండ్య రొమాంటిక్ డేట్స్ సాగించిన దృశ్యాలు ఇప్పటికే సోషల్ మీడియాలో వైరల్ అయ్యాయి. హార్థిక్ పాండ్యపై ప్రేమ వదంతులు రావడంతో.. అది కేవలం ఫ్రెండ్ షిప్ మాత్రమే అని గతంలో క్లారిటీ ఇచ్చాడు.
తాజాగా హార్థిక్ పాండ్య ప్రేమ, పెళ్లి గురించి ఆసక్తికర ప్రచారం మొదలయింది. సెర్బియాకు చెందిన నటాషా స్టాన్ కోవిచ్ అనే మోడల్ బాలీవుడ్ లో కి ఐటెం గర్ల్ గా అడుగుపెట్టింది. ఆ తర్వాత కొన్ని చిత్రాల్లో కూడా నటించింది. ప్రస్తుతం నటాషా నాచ్ బయెలీ అనే షోలో పాల్గొంటోంది.
నటాషా సొగసుకు హార్థిక్ ఫిదా అయినట్లు ఉన్నాడు. వీరిద్దరి మధ్య ప్రస్తుతం ఘాటు ఎఫైర్ సాగుతున్నట్లు తెలుస్తోంది. కొన్ని రోజుల క్రితం హార్థిక్ పాండ్య నటాషాని తన ఇంటికి తీసుకెళ్లి కుటుంబ సభ్యులకు కూడా పరిచయం చేశాడట. దీనితో వీరిద్దరి మధ్య చాలా సీరియస్ గానే ప్రేమ వ్యవహారం సాగుతోందని.. నటాషా, హార్థిక్ త్వరలో పెళ్ళి పీటలు ఎక్కబోతున్నట్లు వార్తలు వస్తున్నాయి.
నాచ్ బయెలీ షోలో నటాషాని గెలిపించాలని కూడా హార్థిక్ అభిమానులని కోరాడు. సెర్బియాలో పుట్టి పెరిగిన నటాషా బాలీవుడ్ లో అవకాశాలు వస్తుండటంతో ముంబైలో సెటిల్ అయింది.
హార్థిక్ పాండ్య గతంలో బాలీవుడ్ సుందరి ఎల్లి అవరంతో కూడా డేటింగ్ చేసినట్లు వార్తలు వచ్చాయి.