తెలుగు సినీ నిర్మాతల మండలి ఎన్నికలు.. సతీసమేతంగా వచ్చి ఓటేసిన రాజేంద్రప్రసాద్

హైదరాబాద్ : తెలుగు ఫిల్మ్ ప్రొడ్యూసర్ కౌన్సిల్ ఎన్నికల్లో టాలీవుడ్ ప్రముఖ నిర్మాతలతో పాటు అనేకమంది ప్రొడ్యూసర్స్  తమ ఓటు హక్కును వినియోగించుకున్నారు..దిల్ రాజు, నాగబాబు, బెల్లంకొండ సురేష్, BVSN ప్రసాద్,  మైత్రి రవి కిరణ్ తో సహా అనేకమంది మెగా ప్రొడ్యూసర్స్ ఉదయమే ఫిలిం ఛాంబర్ కి వచ్చి తమ ఓటు వేశారు.  ప్రముఖ నటుడు రాజేంద్ర ప్రసాద్ భార్యతో కలిసివచ్చి ఓటేసారు. తన భార్య నిర్మాతగా, తాను సహ నిర్మాతగా ఓటేసినట్లు రాజేంద్రప్రసాద్ తెలిపారు. 
తెలుగు చిత్ర నిర్మాత మండలి ఎన్నికల్లో ప్రొగ్రెసివ్ ప్రొడ్యూసర్ ప్యానెల్ పేరుతో దామోదర ప్రసాద్, ప్రొడ్యూసన్ కౌన్సిల్ ప్యానెల్ తరపున జెమిని కిరణ్ బరిలోకి దిగారు. ఇవాళ ఉదయం 9 గంటలకు ఫిలిం చాంబర్ లో పోలింగ్ ప్రారంభమవగా మద్యాహ్నం రెండుగంటల వరకు పోలింగ్ జరగనుంది. ఈ రోజు నాలుగు గంటల తర్వాత ఓట్ల లెక్కింపు జరగనుంది.