జూబ్లీహిల్స్ చెక్ పోస్ట్ సమీపంలో.. యువకుడు ఆత్మహత్యాయత్నం.. !

హైదరాబాద్ జూబ్లీహిల్స్ లో ఈ ఉదయం జరిగిన సంఘటన కాసేపు కలకలం సృష్టించింది. నడిరోడ్డులో ఓ యువకుడు ఆత్మహత్యాయత్నం చేశాడు. ఒంటిమీద పెట్రోల్ పోసుకుని ఆత్మహత్యకు ప్రయత్నించాడు. 

ఇది గమనించిన వాహనదారులు వెంటనే జూబ్లీహిల్స్ పోలీసులకు సమాచారం అందించారు. ఈ సమాచారంతో హుటాహుటిన అక్కడికి చేరుకున్న పోలీసులు యువకుడిని రక్షించి, ఉస్మానియా ఆస్పత్రికి తరలించారు. అయితే యువకుడు ఎందుకు ఆత్మహత్య చేసుకోవాలనుకున్నాడో మాత్రం తెలియరాలేదు. 

పోలీసుల విచారణలో ఆ యువకుడిది శ్రీకాకుళం జిల్లా అని తెలిసింది. అయితే ఇక్కడ ఎందుకు ఆత్మహత్య చేసుకోవాలనుకున్నాడు? ప్రేమ వ్యవహారమా? ఆర్థిక పరిస్థితా? అనేది తెలియరాలేదు. యువకుడి ఆత్మహత్య వెనక గల కారణాల కోసం పోలీసులు దర్యాప్తు చేపట్టారు.