హైద్రాబాద్ రాజేంద్రనగర్‌లో కారు ఢీకొని యువతికి గాయాలు: పోలీసుల దర్యాప్తు
By narsimha lode | First Published Jul 7, 2022, 10:11 AM ISTహైద్రాబాద్ నగరంలోని రాజేంద్రనగర్ లో రోడ్డు పక్కన నడుచుకుంటూ వెళ్తున్న యువతిని కారు ఢీకొట్టి వెళ్లింది. ఈ ఘటనపై బాధిత కుటుంబ సభ్యులు పోలీసులకు ఫిర్యాదు చేశారు. పొరపాటున ఈ ప్రమాదం జరిగిందా లేదా ఉద్దేశ్యపూర్వకంగానే యువతిని కారుతో ఢీకొట్టారా అనే కోణంలో పోలీసులు దర్యాప్తు చేస్తున్నారు.
హైదరాబాద్: hyderabad నగరంలోని Rajendra Nagar లో రోడ్డు పక్కన నడుచుకొంటూ వెళ్తున్న యువతిని Car ఢీకొట్టి వెళ్లింది.ఈ ఘటనలో యువతి తీవ్రంగా గాయపడింది. ఆమెను కుటుంబ సభ్యులు ఆసుపత్రిలో చేర్పించారు. పొరపాటును కారుతో యువతిని ఢీకొట్టారా లేదా ఉద్దేశ్యపూర్వకంగా కారుతో యువతిని ఢీకొట్టారా అనే కోణంలో పోలీసులు దర్యాప్తు చేస్తున్నారు. కారును రివర్స్ తీసుకెళ్లి మరీ ఢీ కొట్టినట్టుగా CCTV పుటేజీలో దృశ్యాలు ఉన్నట్టుగా ప్రముఖ తెలుగు న్యూస్ చానెల్ ఎన్టీవీ కథనాన్ని ప్రసారం చేసింది.
యువతిని ఢీకొట్టేందుకు కారును రివర్స్ తీసుకెళ్లారా లేదా మరే ఇతర కారణాలున్నాయా అనే విషయమై కూడా పోలీసులు దర్యాప్తు చేస్తున్నారు. యువతి కుటుంబ సభ్యలను ఈ విషయమై పోలీసులు విచారణ చేస్తున్నారు. బాధిత కుటుంబ సభ్యులకు ఎవరితోనైనా వివాదాలున్నాయా అనే కోణంలో కూడా పోలీసులు ప్రశ్నించే అవకాశం ఉంది. మరో వైపు ఈ ఘటనకు సంబంధించి పోలీసులు కేసు నమోదు చేసుకొని దర్యాప్తు చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి