Hyderabad: మహిళ హత్య.. ప్లాస్టిక్ బ్యాగ్‌లో కుళ్లిపోయినన స్థితిలో మృతదేహం లభ్యం

హైదరాబాద్‌లో ఓ మహిళ మృతదేహం కుళ్లిపోయిన స్థితిలో కనిపించింది. మూడు రోజుల క్రితం హత్యచేసిన ఓ ప్లాస్టిక్ బ్యాగ్‌లో ఆ డెడ్ బాడీని నగర శివారులో వదిలిపెట్టి వెళ్లినట్టు పోలీసులు చెప్పారు.  

హైదరాబాద్: గుర్తు తెలియని ఓ మహిళ మృత దేహం కుళ్లిపోయిన స్థితిలో హైరదాబాద్‌లో కనిపించింది. పహాడీ షరీఫ్ శివారులో మంగళవారం రాత్రి ఈ డెడ్ బాడీ లభించింది. ప్లాస్టిక్ బ్యాగ్‌లో ఆ డెడ్ బాడీ ప్యాక్ చేసి ఉన్నది.

పోలీసుల వివరాల ప్రకారం, తుక్కుగూడ- శ్రీశైలం హైవే దారిలో హార్డ్ వేర్ పార్క్ దగ్గర కుళ్లిపోయిన స్థితిలో ఓ డెడ్ బాడీని స్థానికులు గుర్తించారు. వారు వెంటనే పోలీసులకు సమాచారం అందజేశారు. పహాడీ షరీఫ్ పోలీసు స్టేషన్  పరిధిలో ఈ డెడ్ బాడీ లభించింది. అంటే రాచకొండ పోలీసు కమిషనరేట్ పరిధిలో లభించింది.

ఆ మహిళను టవల్‌తో గొంతు నులిమి చంపేసి ఉంటారని పోలీసులు అనుమానిస్తున్నారు. ఆ తర్వాత ఆ డెడ్ బాడీని నిర్మానుష్య ప్రాంతంలో వదిలిపెట్టి ఉంటారని చెబుతున్నారు. ఆ మహిళను మూడు రోజుల క్రితం హత్యచేసి ఉండొచ్చని వివరించారు. ఆ డెడ్ బాడీ కుళ్లిపోయిన స్థితిలో ఉన్నదని తెలిపారు. ఆ మహిళను గుర్తించడానికి, హంతకులనూ పట్టుకోవడానికి ప్రత్యేక బృందాలు ఏర్పడినట్టు ఏసీపీ మహేశ్వరం, సీ అంజయ్య వివరించారు.

పోలీసు స్టేషన్‌లో మిస్సింగ్ కంప్లైంట్‌లను పరిశీలించి మృతు రాలిని గుర్తిస్తామని పోలీసులు వివరించారు. అలాగే, ఈ ఘటనపై కేసు నమోదు చేశామని తెలిపారు. కేసులో దర్యాప్తు కూడా ప్రారంభించినట్టు పోలీసులు తెలిపారు.