మందుపాతరలకు జవాన్లు బలి అనే వార్తలను ఇకపై మనం చూసే అవకాశం ఉండదు. బాంబు పేలుడును కూడా తట్టకోగల సరికొత్త బూట్లను మన హైదరాబాద్ లో తయారు చేశారు. త్వరలో ఇవి ఆర్మీకి అందుబాటులోకి రానున్నాయి.
ల్యాండ్ మైన్ ల ధాటికి దేశంలో వేలాది మంది జవాన్లు మరణిస్తున్న విషయం తెలిసిందే. ముఖ్యంగా సరిహద్దుల్లో ఉగ్రవాదులు, చత్తీఘడ్, జార్ఘండ్ పరిసరాల్లో మావోయిస్టులు అమర్చుతున్న మైన్స్ వల్ల ప్రతి ఏటా వేల మంది బలైపోతున్నారు.
ఈ మైనింగ్ పేలుళ్ల నుంచి రక్షించే అవకాశాలున్న ప్రతీ అంశాలను హోం మంత్రిత్వ శాఖ , ఆర్మీ కూడా తీవ్రంగా పరిశీలించింది.
మైనింగ్ పేలుడు ఆపే బూట్లను ఇతర దేశాల నుంచి కొనుగోళు చేసి ప్రయోగాత్మకంగా పరిశీలించింది. కానీ, అవి ఏ మాత్రం సంతృప్తికరంగా లేవు. దీంతో ఆ ప్రతిపాదన అటకెక్కింది.
అయితే హైదరాబాద్ కు చెందిన ఇంటర్నేషనల్ అడ్వాన్సడ్ రీసెర్చ్ సెంటర్ ఫర్ పవర్ మెటలర్జీ అండ్ న్యూ మెటీరియల్స్ ( ఏఆర్సీఐ) ఈ సమస్యకు శాశ్వత పరిష్కారం కనుగొంది. ఆరేళ్లుగా ఇతర సంస్థలతో కలసి మైనింగ్ పేలుడును తట్టకుకొనే బూట్లను తయారు చేసింది. త్వరలో వీటిని భారీ స్థాయిలో తయారు చేసి ఆర్మీకి అందజేయనుంది.
ఈ యాంటీ మైనింగ్ బూట్లకు తెనెతుట్టే ఆకృతే స్ఫూర్తిగా నిలవడం విశేషం. సిరామిక్ పదార్థాన్ని తెనెతుట్టే గూడు మాదిరిగా రూపొందించి ఈ బూట్లను రూపొందించారు.
బూట్ల తయారీలో వీరికి కాన్పూర్ కు చెందిన డీఎంఎస్ఆర్డీఈ కూడా ఏంతో తోడ్పాటును అందించింది.
గతంలో 4 కేజీలున్న ఈ బూట్లను చివరకు 2.9 కేజీలకు కుదించారు. తీవ్రస్థాయిలో బాంబు పేలుడుజరిగినా దాన్ని తట్టుకొనేలా బూట్ల రూపకల్పన జరిగింది.
దీన్ని వేసుకొని మైనింగ్ మీద కాలు పెట్టినా ప్రాణాలతో భయపడపడొచ్చు. ఇప్పటికే దీనికి సంబంధించిన ప్రయోగపరీక్ష చంఢీగఢ్ లో పూర్తి చేశారు.