గిరిజనుల అభివృద్ధికి తెలంగాణ రోల్ మోడల్ : సీఎం కేసీఆర్
By Mahesh Rajamoni | First Published Aug 10, 2023, 2:56 PM ISTHyderabad: గిరిజనుల అభివృద్ధికి తెలంగాణ రోల్ మోడల్ అని ముఖ్యమంత్రి కే.చంద్రశేఖర్ రావు (కేసీఆర్) అన్నారు. హైదరాబాద్ బంజారాహిల్స్ లో కుమ్రం భీం, సంత్ సేవాలాల్ పేర్లతో ఆత్మగౌరవ భవనాలను ప్రభుత్వం నిర్మించింద‌నీ, గిరిజనుల కోసం కోట్లాది రూపాయలు వెచ్చించి ఉన్నత ప్రమాణాలతో కూడిన గురుకుల విద్య, విదేశీ విద్యను అందించేందుకు ప్రభుత్వం కృషి చేస్తోందని పేర్కొన్నారు.
Telangana CM KCR: గిరిజనుల అభివృద్ధికి అనేక పథకాలు అమలు చేస్తూ తెలంగాణ దేశానికే ఆదర్శంగా నిలుస్తోందని ముఖ్యమంత్రి కే.చంద్రశేఖర్ రావు (కేసీఆర్) అన్నారు. ప్రపంచ ఆదివాసీ దినోత్సవాన్ని పురస్కరించుకుని గిరిజనులకు శుభాకాంక్షలు తెలిపిన ముఖ్యమంత్రి.. అడవులపై ఆధారపడి జీవనం సాగిస్తున్న గిరిజనుల సంక్షేమానికి రాష్ట్ర ప్రభుత్వం కట్టుబడి ఉందనీ, స్వచ్ఛమైన హృదయాలతో సంతోషంగా జీవిస్తున్నదని అన్నారు. తొమ్మిదేళ్లుగా గిరిజనుల అభివృద్ధికి ఉద్దేశించిన వివిధ సంక్షేమ పథకాలను ప్రభుత్వం విజయవంతంగా అమలు చేస్తోందనీ, వారి జీవితాల్లో గుణాత్మక మార్పు తీసుకువచ్చిందని వివరించారు. జల్ జంగల్ జమీన్ (నీరు, అడవి, భూమి) నినాదంతో పోరాడిన ప్రముఖ గిరిజన యోధుడు కుమరం భీం ఆశయాలను ప్రభుత్వం నెరవేర్చిందని పేర్కొన్నారు.
''మారుమూల అడవుల్లోని గోండు ఆవాసాలకు, గిరిజన తండాలకు మిషన్ భగీరథ ద్వారా తాగునీరు అందించడం ద్వారా ప్రభుత్వం 'జల్' నినాదాన్ని నిజం చేసింది. కాళేశ్వరం, మిషన్ కాకతీయ ద్వారా సాగునీటి సౌకర్యం, గిరిజన ఆవాసాల్లో వ్యవసాయ అవసరాలకు ఉచిత విద్యుత్ సౌకర్యం కల్పిస్తున్నాం. అడవులను సంరక్షిస్తున్న ఏకైక రాష్ట్రం తెలంగాణ.. క్షీణిస్తున్న అటవీ విస్తీర్ణాన్ని పునరుద్ధరించడం ద్వారా దేశానికే ఆదర్శంగా నిలిచింది" అని అన్నారు. అలాగే, వారి 'జమీన్' (భూములు)పై గిరిజన హక్కులను పరిరక్షిస్తూనే, ప్రభుత్వం గిరిజనులకు పోడు భూముల పట్టాలను పంపిణీ చేసిందని తెలిపారు.1.50 లక్షల మంది గిరిజనులకు 4 లక్షల ఎకరాలకు పైగా పోడు భూములను పంపిణీ చేసిన తెలంగాణ దేశంలోనే మూడో అతిపెద్ద రాష్ట్రమ‌ని వెల్ల‌డించారు. గిరిజన రైతులకు ప్రభుత్వం రైతుబంధు, రైతుబీమా పథకం ప్రయోజనాలు అందించి ఆదుకుంటున్న‌ద‌ని తెలిపారు.
Latest Videos
రాష్ట్రంలో 2,471 గిరిజన ఆవాసాలను గ్రామపంచాయతీలుగా అప్ గ్రేడ్ చేసి గిరిజనులను సర్పంచులుగా ఎన్నుకుని ప్రజాస్వామిక రాజకీయ ప్రక్రియలో పాల్గొనేలా ప్రోత్సహించి గిరిజనుల ఆకాంక్షను 'మావా నాటే మావా రాజ్ ' సాకారం చేశామ‌న్నారు. విద్య, ఉద్యోగ రంగాల్లో గిరిజనులకు వారి భాగస్వామ్య నిష్పత్తిలో 10 శాతం రిజర్వేషన్లు అమలు చేసి తెలంగాణ రాష్ట్రం దేశానికే ఆదర్శంగా నిలిచిందన్నారు. హైదరాబాద్ బంజారాహిల్స్ లో కుమ్రం భీం, సంత్ సేవాలాల్ పేర్లతో ఆత్మగౌరవ భవనాలను ప్రభుత్వం నిర్మించిందన్నారు. గిరిజనుల కోసం కోట్లాది రూపాయలు వెచ్చించి ఉన్నత ప్రమాణాలతో కూడిన గురుకుల విద్య, విదేశీ విద్యను అందించేందుకు ప్రభుత్వం కృషి చేస్తోందని పేర్కొన్నారు. గిరిజన సంస్కృతి, సంప్రదాయాలను గౌరవిస్తూ సంత్ సేవాలాల్ జయంతి, కుమరంభీం జయంతి, వర్థంతులు, భౌరాపూర్ జాతర, కేస్లాపూర్, నాగోబా, జంగుబాయి జాతర, నాచారం జాతర వంటి గిరిజన ఉత్సవాలను ప్రభుత్వం అధికారికంగా నిర్వహిస్తోందని తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి