టెన్నిస్ స్టార్ సానియా మీర్జా, బాలివుడ్ స్టార్ నేహా దుపియా ఇద్దరూ కలిసి ఒక కార్యక్రమంలో పాల్గొన్నారు. హైదరాబాద్ లోని సానియామీర్జా అకాడమీలో వరల్డ్ టెన్నిస్ అసోషియేషన్ నిర్వహించే టోర్నమెంట్ ప్రమోషన్ కార్యక్రమం జరిగింది. దీనికి వీరిద్దరు తారలు హాజరయ్యారు.
గ‌తంలో కంటే ఇప్పుడు మ‌హిళ‌ల‌కు దేశంలో ప్రాధాన్య‌త పెరుగుతుందని సానియా మీర్జా అన్నారు. త‌న అకాడమీ ద్వారా దేశానికి మంచి టెన్నిస్ క్రీడాకారులను ఇవ్వాలన్నది త‌న కోరికగా చెప్పుకొచ్చారు. సానియా మీడియాతో మాట్లాడిన త‌రువాత అక్క‌డి విద్యార్థులతో కలిసి నేహా దుపియా, సానియా బాలీవుడ్ పాట‌ల‌కు డ్యాన్స్ చేశారు. వీరిద్దరితో పోటీపడి విద్యార్థులు కూడా డ్యాన్స్ చేశారు.