ప్రణయ్ హత్య: మారుతీరావుకు ఉరిశిక్ష విధించాలి.. హైదరాబాద్‌లో ఏఐవైఎఫ్ ఆందోళన

తక్కువ కులం వ్యక్తి తన కూతురిని పెళ్లి చేసుకున్నాడనే అక్కసుతో ప్రణయ్‌ని చంపించిన మారుతీరావుకు వెంటనే ఉరిశిక్ష విధించాలనే డిమాండ్లు  సర్వత్రా వినిపిస్తున్నాయి. ఈ నేపథ్యంలో మారుతీరావును వెంటనే ఉరి తీయాలంటూ  హైదరాబాద్‌లో ఏఐఎస్ఎఫ్, ఏఐవైఎఫ్ ఆధ్వర్యంలో ఆందోళన నిర్వహించారు.

సత్యనారాయణ రెడ్డి భవన్ నుంచి హిమాయత్ నగర్‌ వై జంక్షన్ వరకు మారుతీరావు దిష్టిబొమ్మను ర్యాలీగా తీసుకువచ్చి.. ఉరివేశారు. అనంతరం వారు మాట్లాడుతూ.. ప్రణయ్ హత్యపై హైకోర్టు సిట్టింగ్ జడ్జితో న్యాయవిచారణ జరిపించాలని.. హత్యలో ప్రమేయమున్న అధికార పార్టీ నాయకులను, అధికారులను తక్షణం అరెస్ట్ చేయాలని డిమాండ్ చేశారు. మారుతీరావు లాంటి వారికి ఉరిశిక్షే సరైన శిక్షని అభిప్రాయపడ్డారు.