తెలంగాణ సెక్రటేరియట్ ముట్టడికి కానిస్టేబుల్ అభ్యర్థుల యత్నం, అరెస్ట్: కేసు నమోదు
By narsimha lode | First Published Jul 26, 2023, 3:11 PM ISTతెలంగాణ సచివాలయం వద్ద ఆందోళనకు యత్నించిన కానిస్టేబుల్ అభ్యర్థులపై పోలీసులు కేసు నమోదు చేశారు.
హైదరాబాద్:జీవో నెంబర్ 46ను రద్దు చేయాలని కోరుతూ బుధవారంనాడు హైద్రాబాద్ సెక్రటేరియట్ ను ముట్టడించేందుకు యత్నించిన కానిస్టేబుల్ అభ్యర్థులను పోలీసులు అరెస్ట్ చేశారు. పాత పద్దతిలోనే కానిస్టేబుల్ నియామకాలు చేపట్టాలని కానిస్టేబుల్ అభ్యర్థులు డిమాండ్ చేస్తున్నారు.
Latest Videos
undefined
జీవో నెంబర్ 46ను రద్దు చేయాలని కోరుతూ కానిస్టేబుల్ అభ్యర్థులు మంగళవారంనాడు డీజీపీ కార్యాలయం ముందు ఆందోళన నిర్వహించారు. ఇవాళ సెక్రటేరియట్ ముట్టడికి పిలుపునిచ్చారు. దీంతో సెక్రటేరియట్ వద్ద భారీగా పోలీసులను మోహరించారు. సెక్రటేరియట్ ముట్టడికి యత్నించిన కానిస్టేబుల్ అభ్యర్థులను పోలీసులు అరెస్ట్ చేశారు. సచివాలయం వద్ద ఆందోళనకు యత్నించిన కానిస్టేబుల్ అభ్యర్థులపై పోలీసులు కేసు నమోదు చేశారు.మెరిట్ ప్రాతిపదికనే కానిస్టేబుల్ నియామకాలు చేపట్టాలని వారు డిమాండ్ చేశారు.
అగ్నిమాపక శాఖలో, జైళ్ల శాఖలో కానిస్టేబుల్ పోస్టుల గరిష్ట వయో పరిమితిని 35 ఏళ్ల నుండి 30 ఏళ్లకు తగ్గించడంపై కానిస్టేబుల్ అభ్యర్థులు ఆందోళన వ్యక్తం చేస్తున్నారు.అంతేకాదు 2000లో కానిస్టేబుల్ నియామకానికి సంబంధించి ఇవ్వాల్సిన నోటిఫికేషన్ ను 2022 ఇచ్చారని ఆందోళన వ్యక్తం చేశారు.
గతంలో కానిస్టేబుల్ నియామకాలు చేపట్టినట్టే ఈ దఫా కూడ కానిస్టేబుల్ ఉద్యోగాలను భర్తీ చేయాలని ఆందోళన కారులు డిమాండ్ చేస్తున్నారు. జీవో 46 ప్రకారంగా జనాభా ప్రాతిపదికన పోస్టులు భర్తీ చేస్తున్నారని కానిస్టేబుల్ అభ్యర్థులు చెబుతున్నారు. దీంతో రాచకొండ,
సైబరాబాద్, హైద్రాబాద్ పోలీస్ కమిషనరేట్ పరిధిల్లో 53 శాతం పోస్టులు మాత్రమే భర్తీ అవుతున్నాయని వారు ఆవేదన చెందుతున్నారు.జీవో 46 వల్ల జిల్లాలకు కటాఫ్ పోస్టులు పెట్టడంతో తమకు ఉద్యోగాలు దక్కని పరిస్థితి నెలకొందని వారు ఆవేదన చెందారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి