ఉల్లి కి కొరత లేదు

వ్యవసాయ మార్కెట్ కమిటీ సెలక్షన్ గ్రేడ్ కార్యదర్శి రాజశేఖర్ రెడ్డి

కరెన్సీ కొరత కారణంగా వస్తున్న సమస్యలని అధిగమించడానికి మలక్ పేట్ మార్కెట్ యార్డులో వ్యవసాయ మార్కెటింగ్ శాఖ ద్వారా చేపట్టిన ఉల్లి అమ్మకాలు సత్ఫలితాలనిస్తున్నాయి. జోగులాంబ గద్వాల , వనపర్తి జిల్లాలలో రైతుల వద్ద నుంచి సేకరించిన 6400 బ్యాగుల ఉల్లిని హైదరాబాద్ లోని మలక్ పేట్ యార్డ్ లో  ఈ రోజు మార్కెటింగ్ శాఖ అధికారులు విక్రయించారు. కాగా, నగరంలోని 10 రైతు బజార్లలో కూడా సరిపడా ఉల్లి నిల్వలలు అందుబాటులో ఉన్నాయని, ఈ విషయంలో వినియోగదారులు ఎటువంటి ఆందోళన చెందవలసిన అవసరం లేదని హైదరాబాద్ వ్యవసాయ మార్కెట్ కమిటీ సెలక్షన్ గ్రేడ్ కార్యదర్శి కె. రాజశేఖర్ రెడ్డి ఒక ప్రకటనల తెలిపారు.