Congress huge rally: సోనియాకు మ‌ద్ద‌తుగా కాంగ్రెస్ భారీ ర్యాలీ.. హైద‌రాబాద్ లో టెన్ష‌న్ టెన్ష‌న్ !

National Herald case: నేష‌న‌ల్ హెరాల్డ్ కేసుకు సంబంధించిన నేడు ఎన్‌ఫోర్స్‌మెంట్ డైరెక్టరేట్ (ఈడీ) కాంగ్రెస్ అధినేత్రి సోనియా గాంధీని విచారిస్తోంది. ఈ క్ర‌మంలోనే తెలంగాణ కాంగ్రెస్ నేత‌లు హైద‌రాబాద్ లో చేప‌ట్టిన భారీ ర్యాలీ, ధర్నా కారణంగా నగరం నడిబొడ్డున హుస్సేన్ సాగర్, బషీర్‌బాగ్ చుట్టూ ఉన్న ప్రధాన రహదారుల్లో ట్రాఫిక్‌కు అంతరాయం ఏర్పడింది.  

Telangana Congress: నేషనల్ హెరాల్డ్ కేసులో తమ అధినేత్రి సోనియా గాంధీని ఎన్‌ఫోర్స్‌మెంట్ డైరెక్టరేట్ ప్రశ్నించడాన్ని నిరసిస్తూ కాంగ్రెస్ గురువారం హైదరాబాద్‌లో భారీ ర్యాలీ నిర్వహించింది.  తెలంగాణ కాంగ్రెస్ అధ్యక్షుడు ఎ. రేవంత్ రెడ్డి నేతృత్వంలో కాంగ్రెస్ శ్రేణులు నెక్లెస్ రోడ్డులోని ఇందిరాగాంధీ విగ్రహం నుంచి బషీర్‌బాగ్‌లోని ఎన్‌ఫోర్స్‌మెంట్ డైరెక్టరేట్ (ఈడీ) ప్రాంతీయ కార్యాలయం వరకు ర్యాలీ నిర్వహించారు. తెలంగాణ కాంగ్రెస్ నేత‌లు హైద‌రాబాద్ లో చేప‌ట్టిన భారీ ర్యాలీ, ధర్నా కారణంగా నగరం నడిబొడ్డున హుస్సేన్ సాగర్, బషీర్‌బాగ్ చుట్టూ ఉన్న ప్రధాన రహదారుల్లో ట్రాఫిక్‌కు అంతరాయం ఏర్పడింది.

సోనియా గాంధీని తప్పుడు కేసులో ఇరికించేందుకు ప్ర‌ధాని న‌రేంద్ర మోడీ స‌ర్కారు చేస్తున్న ప్రయత్నాలను ఖండిస్తూ కాంగ్రెస్ నాయకులు, కార్యకర్తలు అనంతరం ఈడీ కార్యాలయం వద్ద ధర్నాకు దిగారు. న్యూఢిల్లీలోని ఈడీ కార్యాలయం నుంచి సోనియా గాంధీ బయటకు వచ్చే వరకు నిరసన కొనసాగుతుందని ప్రకటించారు. ర్యాలీ, ధర్నా కారణంగా నగరం నడిబొడ్డున హుస్సేన్ సాగర్, బషీర్‌బాగ్ చుట్టూ ఉన్న ప్రధాన రహదారుల్లో ట్రాఫిక్‌కు అంతరాయం ఏర్పడింది. ఈ ర్యాలీలో పార్టీ కార్యకర్తలు పెద్ద సంఖ్యలో పాల్గొన్నారు. పార్టీ జెండాలు, ప్లకార్డులు పట్టుకుని మోడీ ప్రభుత్వానికి వ్యతిరేకంగా నినాదాలు చేశారు. వారిలో కొందరు నల్ల జెండాలు, నల్ల బెలూన్లు ప‌ట్టుకున్నారు. "ప్ర‌తిప‌క్షంపై క‌క్ష‌.. ప్ర‌జాస్వామ్యానికి శిక్ష- ఇదే మోడీ నీతి" అంటూ నిన‌దించారు. 

మాజీ ఎంపీ అంజన్ కుమార్ యాదవ్ ఆధ్వర్యంలో ఆదర్శ్ నగర్ నుంచి ఈడీ కార్యాలయం వరకు నిరసన ర్యాలీ నిర్వహించారు. "ఈడీ ఫర్ మోడీ, బీజేపీ హటావో దేశ్ బచావో" అంటూ నినాదాలు చేశారు.  డప్పుల మోత మధ్య నిరసనకారులు భారీ బ్యానర్ల‌తో ముందుకు సాగారు. తమ అగ్రనేతలు సోనియాగాంధీ, రాహుల్ గాంధీలపై ప్రధాని నరేంద్ర మోడీ, హోంమంత్రి అమిత్ షాలు సాగించిన రాజకీయ ప్రతీకారాన్ని కాంగ్రెస్ నేతలు ఖండించారు. గత నెలలో ఈడీ రాహుల్ గాంధీని పిలిపించి ఐదు రోజుల పాటు ప్రశ్నించినప్పుడు తెలంగాణ కాంగ్రెస్ ఇదే తరహాలో నిరసనను నిర్వహించింది. తెలంగాణ ప్రదేశ్ కాంగ్రెస్ కమిటీ నిరసన కార్యక్రమాన్ని నిర్వహించాలని పార్టీ కేంద్ర నాయకత్వం ఇచ్చిన పిలుపు మేరకు ర్యాలీ నిర్వహించింది.

సోనియా గాంధీపై బీజేపీ క‌క్ష‌సాధింపు రాజకీయాలు సాగవని రేవంత్ రెడ్డి అన్నారు. ఈడీ అధికార దుర్వినియోగాన్ని సహించబోమని, న్యాయం జరిగే వరకు పోరాడతామని ఆయన అన్నారు. ర్యాలీలో కాంగ్రెస్ నాయ‌కులు మధుగౌడ్‌ యాస్కీ, ఎం.శశిధర్‌రెడ్డి, పొన్నాల లక్ష్మయ్య, జీవన్‌రెడ్డి, మల్లు రవి తదితరులు పాల్గొన్నారు. రాష్ట్ర కాంగ్రెస్ మాజీ చీఫ్ పొన్నాల లక్ష్మయ్య మాట్లాడుతూ దేశం కోసం ప్రాణాలను, ఆస్తులను, పదవులను త్యాగం చేసిన కుటుంబాన్ని మోడీ ప్రభుత్వం టార్గెట్ చేస్తుందన్నారు. మనీ లాండరింగ్ జరగలేదని, అందువల్ల మనీలాండరింగ్ చేసే ప్రశ్నే లేదని, అయితే గాంధీ కుటుంబాన్ని లక్ష్యంగా చేసుకునేందుకు కేంద్ర ప్రభుత్వం ఏజెన్సీని దుర్వినియోగం చేస్తోందని జీవన్ రెడ్డి ఆరోపించారు.