షోకాజ్: కోమటిరెడ్డి రాజగోపాల్ రెడ్డి డోంట్ కేర్

గడువు ముగిసినా కానీ షోకాజ్ నోటీసుకు ఎమ్మెల్సీ కోమటిరెడ్డి రాజగోపాల్ రెడ్డి ఇంకా ఎలాంటి వివరణ ఇవ్వలేదు

హైదరాబాద్: గడువు ముగిసినా కానీ షోకాజ్ నోటీసుకు ఎమ్మెల్సీ కోమటిరెడ్డి రాజగోపాల్ రెడ్డి ఇంకా ఎలాంటి వివరణ ఇవ్వలేదు. దీంతో బుధవారం నాడు కాంగ్రెస్ పార్టీ క్రమశిక్షణ సంఘం సమావేశం కానుంది.

కాంగ్రెస్ పార్టీకి చెందిన కొందరు నేతలపై ఎమ్మెల్సీ కోమటిరెడ్డి రాజగోపాల్ రెడ్డి నాలుగు రోజుల క్రితం తీవ్రమైన విమర్శలు చేశారు. ఈ విమర్శలపై కాంగ్రెస్ పార్టీ క్రమశిక్షణ సంఘం సమావేశమై  షోకాజ్ నోటీసులు జారీ చేసింది.

ఈ నోటీసులపై సోమవారం నాడు ఉదయం కోమటిరెడ్డి రాజగోపాల్ రెడ్డి సీల్డ్ కవర్లో  వివరణ ఇచ్చారు. అయితే  షోకాజ్ ఇవ్వాలని నిర్ణయం తీసుకొన్న తర్వాత గత శుక్రవారం నాడు సాయంత్రం కోమటిరెడ్డి రాజగోపాల్ రెడ్డి మీడియా సమావేశం ఏర్పాటు చేసి  క్రమశిక్షణ సంఘం నేతలపై కూడ  విమర్శలు గుప్పించారు.

అయితే కాంగ్రెస్ పార్టీ క్రమశిక్షణ సంఘం నేతలను ఉద్దేశించి చేసిన వ్యాఖ్యలపై సోమవారం నాడు కాంగ్రెస్ పార్టీ క్రమశిక్షణ సంఘం  రెండో సారి షోకాజ్ నోటీసు జారీ చేసింది.

24 గంటల్లోపుగా ఈ షోకాజ్ కు సమాధానం ఇవ్వాలని కాంగ్రెస్ పార్టీ క్రమశిక్షణ సంఘం ఆదేశించింది. అయితే కాంగ్రెస్ పార్టీ క్రమశిక్షణ సంఘానికి ఇంతవరకు కోమటిరెడ్డి రాజగోపాల్ రెడ్డి నుండి వివరణ అందలేదు

సంబంధిత వార్తలు