ఫార్మూలా ఈ -రేస్ రద్దు:నిర్వాహకుల ప్రకటన
By narsimha lode | First Published Jan 6, 2024, 9:59 AM ISTతెలంగాణలో ఈ ఏడాది ఫిబ్రవరి 10న నిర్వహించాల్సిన ఫార్మూలా ఈ రేస్ ను రద్దు చేస్తున్నట్టుగా నిర్వాహకులు ప్రకటించారు.
హైదరాబాద్:ఈ ఏడాది ఫిబ్రవరి 10వ తేదీన జరగాల్సిన ఫార్మూలా ఈ -రేస్ ను రద్దు చేస్తున్నట్టుగా నిర్వాహకులు ప్రకటించారు.. ఈ -రేస్ విషయమై ప్రభుత్వం స్పందించకపోవడంతో రద్దు చేస్తున్నట్టుగా ఎఫ్ఐఏ ప్రకటించింది.
We have announced an update to the Season 10 calendar, with the cancellation of the Hyderabad E-Prix, scheduled for Saturday 10th February.
— Formula E (@FIAFormulaE)
Latest Videos
undefined
భారతదేశంలో రెండో ఫార్మూలా ఈ రేస్ ఈ ఏడాది ఫిబ్రవరి 10న జరగాల్సి ఉంది. తమతో చేసుకున్న ఒప్పందాన్ని తెలంగాణ మున్సిఫల్ శాఖఉల్లంఘిస్తుందని నిర్వాహకులు అభిప్రాయపడ్డారు. దీంతో ఈ ఏడాది ఫిబ్రవరి 10న నిర్వహించాల్సిన ఈ రేస్ ను రద్దు చేసుకోవాలని నిర్వాహకులు నిర్ణయం తీసుకున్నారు.
తెలంగాణలో బీఆర్ఎస్ ప్రభుత్వం అధికారంలో ఉన్న సమయంలో హైద్రాబాద్ లో ఎఫ్ఐఏ ఫార్ములా ఈ రేసింగ్ నిర్వహించారు.గత ఏడాది ప్రారంభంలో ఫార్మూలా ఈ రేస్ నిర్వహించారు. దీంతో ఈ ఏడాది ఫిబ్రవరి 10వ తేదీన ఈ పోటీలను నిర్వహించాలని గతంలోనే నిర్ణయం తీసుకున్నారు. ఈ మేరకు 2023 అక్టోబర్ 30న కేసీఆర్ సర్కార్ ఒప్పందం చేసుకుంది.
2023 నవంబర్ మాసంలో తెలంగాణలో ఎన్నికలు జరిగాయి.ఈ ఎన్నికల్లో బీఆర్ఎస్ అధికారాన్ని కోల్పోయి కాంగ్రెస్ ప్రభుత్వం అధికారాన్ని చేపట్టింది. కాంగ్రెస్ ప్రభుత్వం ఈ రేస్ పై ఆసక్తి చూపలేదనే అభిప్రాయంతో నిర్వాహకులున్నారు. దీంతో ఈ రేస్ నిర్వహణను రద్దు చేసుకుంటున్నట్టుగా నిర్వహకులు ప్రకటించారు.ఈ సీజన్ లో టోక్యో, షాంఘై, బెర్లిన్, మొనాకో, లండన్ నగరాలున్నాయి. జనవరి 13న ఈ సీజన్ ప్రారంభం కానుంది. మెక్సికోలోని హాంకూక్ లో తొలి రేస్ జరగనుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి