మహారాష్ట్రలో దూకుడు పెంచిన బీఆర్ఎస్.. కొన‌సాగుతున్న చేరిక‌లు

Hyderabad: తెలంగాణ మోడల్ ఇప్పుడు మహారాష్ట్రలో హాట్ టాపిక్ గా మారింద‌ని రిపోర్టులు పేర్కొంటున్నాయి. మహారాష్ట్రలోని బీజేపీ-శివసేన ప్రభుత్వం ఇప్పుడు తెలంగాణ మోడల్ అభివృద్ధిపై అధ్యయనం చేయాలని యోచిస్తోందని స‌మాచారం. ఇక దూకుడు పెంచిన బీఆర్ఎస్.. మ‌హారాష్ట్రలో విస్త‌ర‌ణ‌ను వేగ‌వంతం చేసింది.   

Maharashtra BRS: తెలంగాణ ముఖ్య‌మంత్రి కే.చంద్ర‌శేఖ‌ర్ రావు (కేసీఆర్) నాయ‌క‌త్వంలోని భార‌త రాష్ట్ర స‌మితి (బీఆర్ఎస్‌) విస్త‌ర‌ణ వ్యూహాల‌ను మ‌రింత‌గా పెంచింది. త‌న దూకుడును కొసాగిస్తూ.. మ‌హారాష్ట్రలో పాగా వేయాల‌ని చూస్తోంది. ఈ క్ర‌మంలోనే అక్క‌డి నాయ‌కులు, ప్ర‌జ‌ల‌ను త‌మ పార్టీలోకి ఆక‌ర్షిస్తూ బీఆర్ఎస్ కండువాలు క‌ప్పుతోంది. ఇప్పటికే ప‌లు ప్రాంతాల‌కు చెందిన కీల‌క మ‌హారాష్ట్ర నాయ‌కులు  బీఆర్ఎస్ లో చేరారు. 

మహారాష్ట్ర నుంచి బీఆర్ఎస్ లోకి ఆదివారం కూడా చేరికలు కొనసాగాయి. బీఆర్ఎస్ అధినేత సిఎం కేసీఆర్ సమక్షంలో ఆ రాష్ట్రానికి చెందిన ‘భూమి పుత్ర సంఘటన’ బీఆర్ఎస్ పార్టీలో విలీనమైంది. సంఘటన సంస్థాపక అధ్యక్షుడు సంతోష్ వాడేకర్ తో పాటు సంఘం నేతలు..కిరణ్ వాబాలే, అవినాశ్ దేశ్ ముఖ్, అశోక్ అందాలే, రాజన్ రోక్డే, అసిఫ్ బాయి షేక్ తదితరులు పార్టీలో జాయిన్ అయ్యారు. కాంగ్రేస్ పార్టీ అధ్యక్షులు సమాధాన్ అర్నికొండ, ఆప్ పార్టీకి చెందిన దీపక్ కొంపెల్వార్, యోగితా కొంపెల్వార్ రాము చౌహాన్, భారీ త్రిలోక్ జైన్, సంతోష్ కాంబ్లె, అఖిల్ భారతీయ క్రాంతి దళ్ సంఘటనకు చెందిన లక్ష్మికాంత్ భంగే,తదితరులు బీఆర్ఎస్ పార్టీలో చేరారు.

వీరితో పాటు గణేశ్ కదమ్, సంతోష్ గౌర్ ఆధ్వర్యంలో...గంగాధర్ మహారాజ్ కురుంద్కర్, గణేశ్ మహారాజ్ జాదవ్, అనంత్ మహారాజ్ బార్వే, హరిబావు మహరాజ్ , సంజీవ్ మహారాజ్, రాజ్ కుమార్ మహారాజ్, శివాజీ మహరాజ్, ఉమాకాంత్ మహారాజ్, నకీఫ్ నాథ్ మహారాజ్, వినాయక్ మహారాజ్, సంతోష్ మహరాజ్,సురేశ్ మహారాజ్, పాండురంగ మహారాజ్, శ్రీకృష్ణ మహరాజ్, భగవాన్ శాస్త్రీ, బాటాసాహెబ్ మహరాజ్, గణపతి మహరాజ్, శివాజీ మహరాజ్ లు బీఆర్ఎస్ పార్టీలో చేరారు. అలాగే, నిఖిల్ దేశ్ ముఖ్ ఆధ్వర్యంలో.. గోండ్వానా పార్టీకి విదర్భ అధ్యక్షులు ప్రణీత వికేసీ, యావత్మాల్ కు చెందిన సామాజిక కార్యకర్త వర్ష కాంబ్లే పార్టీలో చేరారు.  వీరందరికీ బీఆర్ఎస్ అధినేత సిఎం కేసీఆర్ గులాబీ కండువా కప్పి పార్టీలోకి ఆహ్వానించారు.

విదర్భకు చెందిన మహిళా బచత్ గాట్ మహిళా కమిటి అధ్యక్షురాలు కల్పన, పూనమ్ అలోర్ తదితరులు కూడా బీఆర్ఎస్ కు తమ సంపూర్ణ మద్దతు తెలిపారు. ఈ కార్య‌క్ర‌మంలో చెన్నూరు ఎమ్మెల్యే బాల్క సుమన్, మహారాష్ట్ర బీఆర్ఎస్ నాయకులు మాణిక్ కదమ్ లు పాలుపంచుకున్నారు.