ఉగ్రవాదం ప‌ట్ల అప్రమత్తంగా ఉండాలి.. బీఆర్ఎస్ ప్రభుత్వం పోలీసులకు స్వేచ్ఛ‌ను ఇవ్వాలి: జీ.కిషన్ రెడ్డి
By Mahesh Rajamoni | First Published May 13, 2023, 12:23 PM ISTHyderabad: రాజకీయ జోక్యం లేకుండా పోలీసులను పని చేయనివ్వాలని కేంద్ర మంత్రి జీ. కిషన్ రెడ్డి అన్నారు. మధ్యప్రదేశ్ లోని ఓ తీవ్రవాద సంస్థతో సంబంధాలున్నాయనే అనుమానంతో ఇటీవల ఐదుగురిని అరెస్టు చేయడంపై ప్రశ్నించగా.. ఎలాంటి ఉగ్రవాద కార్యకలాపాలనైనా ప్రభుత్వం ఉక్కుపాదంతో నియంత్రించాలని పేర్కొన్నారు.
Union Tourism Minister G Kishan Reddy: ఉగ్రవాదం విషయంలో తెలంగాణ ప్రభుత్వం అప్రమత్తంగా ఉండాలనీ, పోలీసులు ఎలాంటి రాజకీయ జోక్యంతో సంబంధం లేకుండా స్వేచ్ఛగా పనిచేయాలని కేంద్ర పర్యాటక శాఖ మంత్రి జీ.కిషన్ రెడ్డి అన్నారు. మధ్యప్రదేశ్ లోని ఓ తీవ్రవాద సంస్థతో సంబంధాలున్నాయనే అనుమానంతో ఇటీవల ఐదుగురిని అరెస్టు చేయడంపై ప్రశ్నించగా.. ఎలాంటి ఉగ్రవాద కార్యకలాపాలనైనా ప్రభుత్వం ఉక్కుపాదంతో నియంత్రించాలని చెప్పారు. రాష్ట్ర ప్రభుత్వం హైదరాబాద్ లో పోలీస్ కమాండ్ అండ్ కంట్రోల్ సెంటర్ ను ఏర్పాటు చేయడాన్ని ప్రస్తావిస్తూ ప్రభుత్వం ఏం చేస్తోందని ప్రశ్నించారు. మధ్యప్రదేశ్ నుంచి పోలీసులు వచ్చి ఇక్కడి ఉగ్రవాదులను గుర్తించాల్సిన పరిస్థితి నెలకొంది. కచ్చితంగా ప్రభుత్వం పోలీసులకు స్వేచ్ఛనివ్వాలని ముఖ్య‌మంత్రి కేసీఆర్ నాయ‌క‌త్వంలోని బీఆర్ఎస్ ప్ర‌భుత్వంపై విమ‌ర్శ‌లు గుప్పించారు.
హైదరాబాద్ పాతబస్తీలోకి పోలీసులు, ఇతర ప్రభుత్వ అధికారులు స్వేచ్ఛగా వెళ్లి ఆస్తిపన్ను, కరెంట్ బిల్లులు, ఇతరత్రా చెల్లించకుండా చూడలేకపోతున్నారనీ, ప్రభుత్వ అధికారులపై అనేక దాడులు జరుగుతున్నాయని కేంద్ర మంత్రి ఆరోపించారు. అధికారులకు ప్రభుత్వం నుంచి ఎలాంటి సహకారం లేదనీ, దాడి చేసిన వారిపై ఎలాంటి పోలీసు కేసులు నమోదు చేయలేదని ఆరోపించారు. దీంతో ప్రభుత్వ అధికారులు, పోలీసుల్లో ఆసక్తి కొరవడింది. బీఆర్ ఎస్ ప్రభుత్వ స్టీరింగ్ తమ చేతుల్లోనే ఉందని ఎంఐఎం నేతలు గతంలో చెప్పారని కిషన్ రెడ్డి గుర్తు చేశారు. ప్రతిపక్షాల కార్యకలాపాలపై నిఘా పెట్టడానికి పోలీసులను ఉపయోగించడానికి బీఆర్ఎస్ ప్రభుత్వం ప్రాధాన్యత ఇస్తోందనీ, శాంతిభద్రతలను కాపాడటంలో విఫలమైందని ఆయన ఆరోపించారు.
Latest Videos
undefined
తెలంగాణ పోలీసులు సమర్థులని, కానీ రాష్ట్రంలో అధికార టీఆర్ ఎస్ నేతలు తమ జోక్యంతో పోలీసులను బలహీనపరుస్తున్నారని ఆరోపించారు. మధ్యప్రదేశ్ పోలీసు యాంటీ టెర్రరిజం స్క్వాడ్ (ఎటిఎస్) మంగళవారం రాష్ట్రంలోని రెండు నగరాలకు చెందిన 11 మందిని అరెస్టు చేసింది, రాడికల్ సంస్థ హిజ్బ్-ఉత్-తహ్రీర్ (హెచ్ యూటీ) తో సంబంధాలు కలిగి ఉన్న మరో ఐదుగురిని హైదరాబాద్ లో అరెస్టు చేసినట్లు మధ్యప్రదేశ్ పోలీసు ప్రతినిధి ఒక‌రు తెలిపారు. మహారాష్ట్రకు చెందిన తమ నేతల పర్యటనకు అధికార బీఆర్ఎస్ వెసులుబాటు కల్పించి, ఎమ్మెల్యే రాజాసింగ్ ను లోపలికి వెళ్లకుండా అడ్డుకోవడంపై కిషన్ రెడ్డి మండిపడ్డారు. అంబేడ్కర్ పేరు మీద నూతనంగా నిర్మించిన సచివాలయాన్ని ఎమ్మెల్యేతో పాటు జర్నలిస్టులు, ప్రజాసంఘాల నాయకులు, ఇతరులు సందర్శించలేకపోయారని ఆరోపించారు.
మహిళా ఎంబీఏ గ్రాడ్యుయేట్ పై దాడి చేసి, అసభ్యంగా ప్రవర్తించినందుకు జగిత్యాల జిల్లాలో ఓ సబ్ ఇన్ స్పెక్టర్ పై కేసు నమోదు చేయడంపై ప్రశ్నించగా.. ఎంఐఎం ఒత్తిడితోనే తెలంగాణ ప్రభుత్వం వ్యవహరించిందన్నారు. తెలంగాణ ప్రభుత్వం ప్రతిష్టాత్మకంగా చేపట్టిన 'ధరణి' ఇంటిగ్రేటెడ్ ల్యాండ్ రికార్డ్స్ మేనేజ్ మెంట్ పోర్టల్ లో లోపాలు, దళారుల ప్రమేయంతో ప్రజలు పెద్ద ఎత్తున ఇబ్బందులు ఎదుర్కొంటున్నారని కేంద్ర మంత్రి ఆరోపించారు. ధరణిపై వచ్చిన ఫిర్యాదుల నేపథ్యంలో నియమించిన మంత్రివర్గ ఉపసంఘం తన నివేదికను సమర్పించిందా, దాని సిఫార్సులేమిటో రాష్ట్ర ప్రభుత్వం చెప్పాలని డిమాండ్ చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి