కాంగ్రెస్ పార్టీ తెలంగాణలో అత్యధిక మెజారిటీతో అతిపెద్ద పార్టీగా అవతరించే అవకాశం ఉంది. కౌంటింగ్ ప్రారంభం నుండి, ప్రభుత్వ ఏర్పాటుకు అవసరమైన మ్యాజిక్ ఫిగర్ అయిన 60కి పైగా సెగ్మెంట్లలో కాంగ్రెస్ పార్టీ స్పష్టంగా ఆధిపత్యం చెలాయించింది.
తెలంగాణ ఎన్నికల ఓట్ల ఎక్కింపు కొనసాగుతోంది. ప్రస్తుతం 119 నియోజకవర్గాలకు కౌంటింగ్ జోరుగా సాగుతోంది. ఇప్పటి వరకు ఎక్కువ నియోజకవర్గాల్లో కాంగ్రెస్ మెజార్టీలో ఉంది. ఇప్పటికే అశ్వారావుపేటలో కాంగ్రెస్ అభ్యర్థి విజయం సాధించారు. ఈ నేపథ్యంలో తెలంగాణ అసెంబ్లీ ఎన్నికలపై ఉత్కంఠకు మరికొద్ది గంటల్లో తెరపడే అవకాశం ఉంది. దాదాపు కాంగ్రెస్ విజయం ఖరారైనట్లే అనే అభిప్రాయాలు వ్యక్తమౌతున్నాయి.
మూడవ రౌండ్ ముగిసిన తర్వాత నివేదికల ఆధారంగా, కాంగ్రెస్ పార్టీ తెలంగాణలో అత్యధిక మెజారిటీతో అతిపెద్ద పార్టీగా అవతరించే అవకాశం ఉంది. కౌంటింగ్ ప్రారంభం నుండి, ప్రభుత్వ ఏర్పాటుకు అవసరమైన మ్యాజిక్ ఫిగర్ అయిన 60కి పైగా సెగ్మెంట్లలో కాంగ్రెస్ పార్టీ స్పష్టంగా ఆధిపత్యం చెలాయించింది.
ఇంతలో, అనేక మంది ప్రముఖ BRS నాయకులు వారి వారి నియోజకవర్గాల్లో వెనుకబడి ఉన్నారు. ఈ క్రమంలో బీఆర్ఎస్ మంత్రులపై కాంగ్రెస్ ఆధిపత్యం స్పష్టంగా కనిపిస్తోంది. కేసీఆర్ స్వయంగా కామారెడ్డిలో వెనకపడి ఉన్నారు. ఈ నియోజకవర్గంలో రేవంత్ రెడ్డి కేసీఆర్ తో తలపడుతున్న విషయం తెలిసిందే. కాగా, రేవంత్ రెడ్డితో మొదటి నుంచి కేసీఆర్ వెనుకబడి ఉన్నారు. ఆయన కేబినెట్‌లోని కొందరు ప్రముఖ నాయకులు సైతం భారీ ఓటమిని చూస్తున్నారు.
సబితా ఇంద్రారెడ్డి, ఎర్రబిల్లి దయాకర్‌రెడ్డి, పువ్వాడ అజయ్‌కుమార్‌, ఇంద్రకిరణ్‌రెడ్డి, నిరంజన్‌రెడ్డి వంటి కీలక మంత్రులు తమ తమ సెగ్మెంట్లలో గణనీయమైన ఓట్ల తేడాతో వెనుకంజలో ఉన్నారు. ఇప్పటికే ఈ మంత్రుల్లో ఓటమి భయం మొదలైనట్లు తెలుస్తోంది. గత ఐదేళ్లలో చెప్పుకోదగ్గ క్యాబినెట్ పదవులు నిర్వహిస్తున్న ఈ మంత్రులు, ఈ ఎన్నికల్లో ఓటమి పాలై అసెంబ్లీలో అడుగుపెట్టలేకపోతే అది కేసీఆర్ , ఆయన పార్టీకి పెద్ద ఎదురుదెబ్బ గా మారడం ఖాయం.
119 స్థానాల్లో కాంగ్రెస్ దాదాపు 65 స్థానాల్లో ఆధిక్యంలో ఉండగా, బీఆర్ఎస్ 40 సెగ్మెంట్లలో ఆధిక్యంలో ఉంది. ఎంఐఎం 3 నియోజకవర్గాల్లో ఆధిక్యంలో ఉండగా, దాదాపు 8 సెగ్మెంట్లలో బీజేపీ ఆధిక్యంలో ఉంది.
అసెంబ్లీ ఎన్నికల ఫలితాలు లైవ్ లో ఇక్కడ చూడండి..