11 సంవత్సరాలు సర్వీస్.. స్నిఫర్ డాగ్ కి ఘనంగా వీడ్కోలు

కుక్క పోలీసు శాఖలో దాదాపు 11 సంవత్సరాల పాటు ఉత్తమ సేవలు అందించింది. కాగా..  దానికి ఘనంగా వీడ్కోలు పలికారు.

పోలీసు శాఖలో స్నిఫర్ డాగ్ లు చాలా కీలకంగా వ్యవహరిస్తాయి. ఈ విషయం మనకు తెలిసిందే. పోలీసులకు దొంగలను పట్టుకోవడంలో సహాయం చేయడంతోపాటు... బాంబులను పసిగట్టడం లాంటి చాలా కీలకమైన పనులు ఈ కుక్కలు నిర్వహిస్తాయి. కాగా... ఓ కుక్క పోలీసు శాఖలో దాదాపు 11 సంవత్సరాల పాటు ఉత్తమ సేవలు అందించింది. కాగా..  దానికి ఘనంగా వీడ్కోలు పలికారు.

11 ఏండ్ల పాటు నిర్విరామంగా సేవ‌లందించిన ఆ స్నిఫ‌ర్ డాగ్‌కు మ‌హారాష్ర్ట నాసిక్ పోలీసులు ఫిబ్ర‌వ‌రి 24న‌ ఘ‌నంగా వీడ్కోలు ప‌లికారు. పోలీసు వాహ‌నం బొనెట్‌పై బెలూన్స్‌, గులాబీ పూల‌తో డెక‌రేట్ చేశారు. బెలూన్స్ మ‌ధ్య స్నిఫ‌ర్ డాగ్‌ను కూర్చోబెట్టి.. పూల‌మాల‌తో స‌త్క‌రించి వీడ్కోలు చెప్పారు. 

ఈ శున‌కం 11 ఏండ్ల విధి నిర్వ‌హ‌ణ‌లో ఎన్నో బాంబుల‌ను గుర్తించి శ‌భాష్ అనిపించుకుంది. భ‌ద్ర‌తా ప‌ర‌మైన విధుల్లో చురుకుగా పాల్గొని, పోలీసుల‌కు ఎంతో మేలు చేసింద‌ని పోలీసు ఉన్న‌తాధికారులు పేర్కొన్నారు.