ఉత్తరాఖండ్‌లో రాత్రిపూట ఎద్దుపై స్వారీ చేసిన యువకుడు.. వీడియో వైరల్
By Mahesh K | First Published May 9, 2023, 6:42 PM ISTఉత్తరాఖండ్‌లో ఓ యువకుడు ఎద్దుపై స్వారీ చేసిన వీడియో సోషల్ మీడియాలో వైరల్ అయింది. రాత్రిపూట వీధుల్లో ఆ ఎద్దును పరుగు పెట్టిస్తుంటే జనాలు భయాలకు లోనయ్యారు. ఈ వీడియో వైరల్ అయిన తర్వాత పోలీసులు రంగంలోకి దిగారు.
న్యూఢిల్లీ: సోషల్ మీడియాలో ఒక వీడియో వైరల్ అయింది. ఓ యువకుడు ఎద్దుపై స్వారీ చేస్తున్న వీడియో కనిపించింది. రాత్రిపూట వీధుల్లో ఎద్దుపై స్వారీ చేస్తుంటే అక్కడక్కడ జనాలు బెంబేలెత్తుతున్న దృశ్యాలు ఆ వీడియోలో ఉన్నాయి. ఈ ఘటన ఉత్తరాఖండ్‌లోని రిషికేశ్ ఏరియాలో తపోవన్ ఏరియాలో చోటుచేసుకుంది.
మద్యం మత్తులో ఉన్న ఆ యువకుడు వైరల్ వీడియో కోసం ప్రయత్నించాడు. ఆ వీడియోలో సదరు వ్యక్తి ఎద్దుపై స్వారీ చేశాడు. రాత్రిపూట ఆ ప్రయత్నం చాలా మందిని బెంబేలెత్తించింది. ఈ వీడియో పోలీసులకు దృష్టికి వచ్చింది. వెంటనే యాక్షన్‌లోకి దిగారు. జంతువులతో తప్పుగా వ్యవహరించినందుకూ ఆయనపై కేసు ఫైల్ అయింది.
Latest Videos
Also Read: మోడీకి 30 మంది దత్తపుత్రులు.. జగన్‌కు 30 మంది సలహాదారులు, వారిద్దరిదీ రహస్య బంధం : సీపీఐ నారాయణ
ఆ యువకుడిపై చట్టపరమైన చర్యలు తీసుకున్నట్టు పోలీసులు తెలిపారు. మళ్లీ ఇలా జంతువులతో క్రూరంగా వ్యవహరించరాదని హెచ్చరించారు.
05 मई की देर रात्रि तपोवन ऋषिकेश में नशे में युवक के सांड के ऊपर सवार होने संबंधी सोशल मीडिया पर प्रसारित वीडियो का संज्ञान लेते हुए युवक के विरुद्व वैधानिक कार्यवाही करते हुए युवक को चेतावनी दी गयी कि पशुओं के साथ भविष्य में इस प्रकार दुर्व्यवहार न करें। pic.twitter.com/VrSxRdhqJX
— उत्तराखण्ड पुलिस - Uttarakhand Police (@uttarakhandcops)ఈ ఘటనపై ఉత్తరాఖండ్ పోలీసులు ట్వీట్ చేశారు. సోషల్ మీడియాలో వైరల్ అవుతున్న ఈ వీడియోను పరిగణనలోకి తీసుకున్నామని తెలిపారు. ఉత్తరాఖండ్ రిషికేశ్‌లోని తపోవన్‌లో ఎద్దుపై ఓ యువకుడు స్వారీ చేశాడని వివరించారు. మే 5వ తేదీన రాత్రిపూట ఈ ఘటన జరిగిందని తెలిపారు. ఆ యువకుడిని అదుపులోకి తీసుకుని భవిష్యత్‌లో మళ్లీ జంతువులను హింసించరాదని హెచ్చరించినట్టు పేర్కొన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి