యూపీ పర్యాటక రంగంలో విప్లవాత్మక మార్పులు ... యోగి సర్కార్ లక్ష్యమిదే
By Arun Kumar P | First Published Nov 13, 2024, 5:58 PM ISTఉత్తరప్రదేశ్‌లో పర్యాటకాన్ని ప్రోత్సహించడానికి యోగి ప్రభుత్వం అనేక చర్యలు తీసుకుంది. హోటళ్ల నిర్మాణాన్ని సులభతరం చేయడం, పర్యాటక ప్రదేశాల అభివృద్ధి, కొత్త ఉపాధి అవకాశాలను సృష్టించడంపై దృష్టి సారించింది.
లక్నో: ముఖ్యమంత్రి యోగి ఆదిత్యనాథ్ నేతృత్వంలోని రాష్ట్ర ప్రభుత్వం పర్యాటకాన్ని కొత్త శిఖరాలకు తీసుకెళ్లడానికి అనేక ముఖ్యమైన చర్యలు తీసుకుంది. ఈ ప్రయత్నాల ప్రధాన ఉద్దేశ్యం రాష్ట్రంలో పర్యాటకుల సంఖ్యను పెంచడం, స్థానిక ఆర్థిక వ్యవస్థను బలోపేతం చేయడం, ఉపాధి అవకాశాలను పెంచడం. పర్యాటక రంగంలో చేస్తున్న ప్రయత్నాల ద్వారా రాష్ట్రం దేశంలోని ప్రముఖ పర్యాటక ప్రదేశాలలో ఒకటిగా మారుతుందని యోగి ప్రభుత్వం విశ్వసిస్తోంది. అంతేకాకుండా రాష్ట్ర గొప్ప సాంస్కృతిక వారసత్వానికి ప్రపంచవ్యాప్తంగా గుర్తింపు లభిస్తుంది. పర్యాటకుల వసతి సమస్యలను పరిష్కరించడంపై యోగి ప్రభుత్వం ప్రధానంగా దృష్టి సారించింది.
రాష్ట్రంలో హోటళ్ల కొరతను దృష్టిలో ఉంచుకుని కొత్త హోటళ్ల నిర్మాణానికి నిబంధనలను మరింత అనుకూలంగా మార్చింది యోగి సర్కార్. ప్రస్తుతం ఉత్తరప్రదేశ్‌లో లక్ష జనాభాకు సగటున 30 హోటల్ గదులువుంటే జాతీయ సగటు లక్షకు దాదాపు 180 గదులుగా వుంది. ఈ అంతరాన్ని తగ్గించడానికి యోగి ప్రభుత్వం హోటళ్ల నిర్మాణానికి కొత్త విధానాలను ఆమోదించింది. దీని కింద రాష్ట్ర గృహనిర్మాణ శాఖ అధికారిక ఉత్తర్వులు జారీ చేసింది, ఇది పెట్టుబడిదారులను రాష్ట్రంలో హోటళ్లను నిర్మించేలా ప్రోత్సహిస్తుంది. కొత్త హోటళ్ల ఏర్పాటు వల్ల పర్యాటకుల వసతి సమస్య పరిష్కారమవడమే కాకుండా స్థానిక వ్యాపారులు, చిన్న వ్యాపారవేత్తలకు కూడా ప్రయోజనం చేకూరుతుంది.
పర్యాటక రంగంలో 19.2% వృద్ధి లక్ష్యం
Latest Videos
undefined
గత కొన్ని సంవత్సరాలుగా ఉత్తరప్రదేశ్ పర్యాటక రంగంలో గణనీయమైన మెరుగుదల కనిపించింది. 2020-21 నుండి 2023-24 మధ్య పర్యాటక రంగంలో 44.9% వృద్ధి నమోదైంది. ఈ పెరుగుతున్న ధోరణిని దృష్టిలో ఉంచుకుని, యోగి ప్రభుత్వం 2023-24 నుండి 2024-25 వరకు మరో 19.2% వృద్ధిని లక్ష్యంగా నిర్దేశించుకుంది. దీని కోసం రాష్ట్ర ప్రభుత్వం అనేక పర్యాటక ప్రదేశాల అభివృద్ధిపై దృష్టి సారించింది, దీని వలన రాష్ట్ర గొప్ప సాంస్కృతిక వారసత్వానికి ప్రపంచవ్యాప్త గుర్తింపు లభిస్తుంది.
రాష్ట్రంలోని ముఖ్యమైన పర్యాటక ప్రదేశాలను మరింత ఆకర్షణీయంగా మార్చడానికి యోగి ప్రభుత్వం సమగ్ర ప్రణాళికలను రూపొందించింది. నైమిశారణ్య, ప్రయాగరాజ్ వంటి ప్రసిద్ధ ప్రదేశాలకు పర్యాటక మాస్టర్ ప్లాన్‌ను రూపొందించారు. ఈ ప్రణాళికల ప్రకారం వివరణాత్మక ప్రాజెక్ట్ నివేదిక (DPR) ఆమోదించబడింది, ప్రాజెక్టుల అమలు కోసం వివిధ ఏజెన్సీల ఎంపిక ప్రక్రియ కూడా ప్రారంభమైంది. అంతేకాకుండా రాష్ట్రంలోని మరో ఆరు ప్రధాన పర్యాటక సర్క్యూట్‌ల అభివృద్ధికి కూడా కార్యాచరణ ప్రణాళికలు రూపొందిస్తున్నారు. ఈ సర్క్యూట్‌ల నిర్మాణం, సౌకర్యాలను మెరుగుపరచడానికి, ప్రభుత్వం గ్యాప్ విశ్లేషణ కోసం నిపుణులైన ఏజెన్సీలను నియమించే ప్రక్రియను ప్రారంభించింది. ఈ ప్రయత్నాల ఉద్దేశ్యం పర్యాటకుల అనుభవాన్ని మెరుగుపరచడం, తద్వారా వారు ఉత్తరప్రదేశ్‌కు పదే పదే వచ్చేలా ప్రోత్సహించడం.
రాష్ట్ర ఆర్థిక వ్యవస్థకు బలం
యోగి ప్రభుత్వం పర్యాటక రంగాన్ని ప్రోత్సహించే ఈ ప్రయత్నాల వల్ల రాష్ట్రంలో పర్యాటకుల సంఖ్య పెరగడమే కాకుండా స్థానికులకు ఉపాధి అవకాశాలు కూడా లభిస్తాయి. కొత్త హోటల్ ప్రాజెక్టులు, పర్యాటక ప్రదేశాల అభివృద్ధి, ఇతర పథకాల అమలు ద్వారా రాష్ట్ర ఆర్థిక వ్యవస్థకు బలం చేకూరుతుంది. దీంతో పాటు స్థానిక హస్తకళలు, ఆహార ఉత్పత్తులు మరియు సాంస్కృతిక కార్యకలాపాలు కూడా ప్రోత్సహించబడతాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి