తాగొచ్చి పెళ్లి పీటలెక్కిన వరుడు.. దండలు మార్చుకుంటుండగా పెళ్లి వద్దని తేల్చి చెప్పిన వధువు.. ఎక్కడంటే ?

ఓ వరుడు తాగి వచ్చి పెళ్లి పీటలు ఎక్కాడు. పెళ్లి కూతురు మెడలో పూల దండ వేస్తుండగా అతడు తాగి ఉన్నాడనే విషయాన్ని ఆమె గ్రహించింది. దీంతో తనకు ఈ పెళ్లి వద్దని మండపం దిగి తన గదిలోకి వెళ్లిపోయింది. పెద్దలు కూడా చేసేదేమీ లేక వివాహాన్ని రద్దు చేశారు. 

తాగోబోతు వరుడు తనకొద్దని పెళ్లిని రద్దు చేసింది ఓ యువతి. ఈ ఘటన ఉత్తరప్రదేశ్ లో చోటు చేసుకుంది. మరి కాసేపట్లో వరుడు వధువు మెడలో తాళి కట్టబోతున్న సమయంలో పెళ్లి కూతురు ఇలా చేయడం అందరిని షాక్ కు గురి చేసింది. కానీ ఆ వధువు చేసిన పనిలో తప్పు లేకపోవడంతో అందరూ ఆమెకే మద్దతు తెలిపారు. చివరికి ఇరువురి తరఫు బంధువులు పెళ్లి చూడకుండానే వెనుదిరిగారు.

ఉత్తర్‌ప్రదేశ్‌లోని వారణాసి జిల్లా చౌబేపుర్‌ పోలీస్‌ స్టేషన్‌ ఓ గ్రామానికి చెందిన యువకుడికి స్థానికంగా ఉండే మరో గ్రామానికి చెందిన యువతితో పెద్దలు పెళ్లి నిశ్చయించారు. వీరి పెళ్లికి ఆదివారం రాత్రి ఘనంగా ఏర్పాట్లు చేశారు. అదే రోజు సాయంత్ర పెళ్లి కొడుకు, అతడు తరుఫు బంధువులు కల్యాణ మండపానికి ఊరేగింపుగా చేరుకున్నారు. తరువాత పెళ్లి కొడుకు తన స్నేహితుల కలిసి మద్యం సేవించాడు.

కొంత సమయం తరువాత పెళ్లి పీటలపైకి ఎక్కి కూర్చున్నాడు. పురోహితుడు పూజ కార్యక్రమాలు నిర్వహించాడు. కాసేపు అయిన తరువాత పెళ్లి కూతురు కూడా మండపానికి వచ్చింది. పెళ్లి పీటలపై కూర్చుకుంది. ఆమెతో పురోహితుడు పూజా కార్యక్రమాలు చేయిస్తుండగా.. వరుడి స్నేహితులు వధువు స్నేహితుల ను చూసి కేకలు వేశారు. దీనిని ఆమె గమనించింది. అక్కడున్న బంధువులు కూడా చూసి ఆగ్రహం వ్యక్తం చేశారు. 

అయితే పెళ్లి కొడుకు పెళ్లి కూతురు మెడలో పూల దండ వేయబోతుండగా.. అతడు కూడా తాగి ఉన్నట్టు ఆమె గమనించింది. దీంతో ‘ఆగండి’ అని ఒక్క సారిగా చెప్పింది. మండపంపై నుంచి కిందికి తిగి ఫంక్షన్ హాల్ లో తన కోసం కేటాయించిన గదిలోకి వెళ్లిపోయింది. తాను ఈ పెళ్లి చేసుకోబోనని, జీవితాంతం ఇలాంటి వ్యక్తితో కలిసి ఉండలేనని వారికి చెప్పింది. అయితే పెద్దలు ఆమెను ఒప్పించేందుకు ప్రయత్నించారు. కానీ ఆమె వినలేదు. చివరికి రెండు కుటుంబాలు ఈ పెళ్లి రద్దు చేసుకోవాలని నిర్ణయించుకున్నాయి. తరువాత ఇరువురి తరుఫు బంధువులు కల్యాణ మండపం నుంచి ఇంటికి వెళ్లిపోయారు.