బాలికలతో మాట్లాడకుండా, చదువుకోవాలని చెప్పినందుకు టీచర్ ను కత్తితో పొడిచిన స్టూడెంట్.. వీడియో వైరల్

బాలికలతో మాట్లాడకుండా చక్కగా చదువుకోవాలని, క్రమ శిక్షణగా మెలగాలని ఓ టీచర్ తన వద్ద ట్యూషన్ కు వచ్చే విద్యార్థికి సూచించాడు. దీంతో కోపం పెంచుకున్న ఆ విద్యార్థి నడి రోడ్డుపై ఆ ట్యూషన్ టీచర్ ను పొడిచాడు. అనంతరం అక్కడి నుంచి పారిపోయాడు. ఈ ఘటన మహారాష్ట్రలో జరిగింది.

బుద్ధిగా చదువుకోవాలని, బాలికలతో మాట్లాడకూడదని సూచించినందుకు ఓ స్టూడెంట్ టీచర్ ను కత్తితో పొడిచాడు. ఈ ఘటన మహారాష్ట్రలోని ముంబైలో జరిగింది. దీనికి సంబంధించిన వీడియో సోషల్ మీడియాలో వైరల్ గా మారింది. మైనర్ అయిన నిందితుడిని పోలీసులు ప్రస్తుతం అదుపులోకి తీసుకున్నారు. ఆ టీచర్ హాస్పిటల్ లో చికిత్స పొందుతున్నాడు.

‘ఇండియా టుడే’ కథనం ప్రకారం.. ముంబాయిలోని మీరా రోడ్డులో 26 ఠాకూర్ అనే టీచర్ ట్యూషన్ చెపుతుంటారు. అయితే అతడి వద్ద ట్యూషన్ కోసం స్థానిక ప్రాంతాల నుంచి బాలురు, బాలికలు వస్తుంటారు. అయితే కొంత కాలం కిందట ఓ బాలుడు బాలికతో తరచూ మాట్లాడటాన్ని ఠాకూర్ గమనించారు. దీంతో బాలికతో మాట్లాడకూడని, వారితో సన్నిహితంగా ఉండకూడదని ఆయన విద్యార్థికి సూచించారు. చక్కగా చదువుకోవాలని చెప్పాడు.

దీంతో ఆ బాలుడు టీచర్ పై కోపం పెంచుకున్నాడు. ఈ క్రమంలో ఠాకూర్ రోడ్డుపై నిలపడి పలువురు యువకులతో మాట్లాడుతున్నాడు. అదే సమయంలో బాలుడు ఓ కత్తి తీసుకొని వచ్చి టీచర్ పై దాడి చేయబోయాడు. పక్కనున్న అందరూ ఆ బాలుడిని అడ్డుకునే ప్రయత్నం చేశారు. కానీ ఆ బాలుడు ఆగకుండా టీచర్ ను పొడిచాడు. ఠాకూర్ కింద పడిపోయినా ఆగకుండా పొడుస్తూనే ఉన్నాడు. అనంతరం కత్తిని అక్కడే పారేసి పారిపోయాడు. ఇదంతా అక్కడున్న సీసీ కెమెరాల్లో రికార్డు అయ్యింది.

గాయాలపాలైన టీచర్ ను అక్కడున్న స్థానికులు ఓ హాస్పిటల్ కు తీసుకెళ్లారు. ఈ వీడియో వైరల్ కావడంతో పోలీసులు రంగంలోకి దిగారు. నిందితుడైన మైనర్ బాలుడిని గుర్తించారు. ఘటనా స్థలం నుంచి కత్తిని పోలీసులు స్వాధీనం చేసుకున్నారు. అనంతరం నిందితుడిని అదుపులోకి తీసుకున్నారు. అయితే ట్యూషన్ క్లాసులు చెప్పే సమయంలో టీచర్ ఠాకూర్ బాలుడిని కొట్టాడా అనే కోణంలో పోలీసులు దర్యాప్తు చేస్తున్నారు.