శ్రద్ధా వాకర్ హత్య గురించి పోలీసులు కీలక విషయాన్ని వెల్లడించారు. ఆమె హత్యకు గల కారణాన్ని తెలిపారు. శ్రద్ధా వాకర్ ఆమె ఫ్రెండ్‌ను కలవడం అఫ్తాబ్ పూనావాలాకు తీవ్ర ఆగ్రహం తెప్పించిందని వివరించారు. ఆ కోపంలోనే శ్రద్ధా వాకర్‌ను హత్య చేసినట్టు పోలీసులు పేర్కొన్నారు.
న్యూఢిల్లీ: శ్రద్ధా వాకర్ హత్య దేశవ్యాప్తంగా కలకలం రేపింది. అత్యంత క్రూరంగా శ్రద్ధా వాకర్ హత్య జరిగింది. ఆమె బాయ్‌ఫ్రెండ్ అఫ్తాబ్ పూనావాలా ఆమెను ముక్కలుగా నరికి ఫ్రిడ్జీలో భద్రపరిచాడు. ఆ తర్వాత వాటిని సుమారు మూడు వారాల వ్యవధిలో సమీపంలోని అడవిలో పడేసి వచ్చాడు. ఈ కేసులో పోలీసులు 6,629 పేజీల చార్జిషీట్‌ను దాఖలు చేశారు. ఇందులో శ్రద్ధ వాకర్‌ను అఫ్తాబ్ పూనావాలా హత్య చేయడానికి గల కారణాలను పేర్కొన్నారు.
శ్రద్ధా వాకర్ ఓ ఫ్రెండ్‌ను కలవడానికి వెలళ్లిందని, ఆ విషయమే అఫ్తాబ్ పూనావాలాకు కోపం తెప్పించిందని పోలీసులు పేర్కొన్నారు. ఆమె ఓ ఫ్రెండ్‌ను కలవడానికి వెళ్లిందనే వాస్తవం అఫ్తాబ్ పూనావాలకు నచ్చలేదని తెలిపారు. అతను చాలా ఆందోళన చెందాడని వివరించారు. తీవ్ర ఆగ్రహంతో అదే రోజు ఆమెను చంపేశాడని జాయింట్ కమిషనర్ ఆఫ్ పోలీసు మీను చౌదరి విలేకరులకు ఈ రోజు వెల్లడించారు.
Also Read: శ్రద్ధా వాకర్‌ను రంపంతో కోసి.. శ‌రీరాన్ని ముక్క‌లు చేసిన అఫ్తాబ్.. పోస్టుమార్టంలో సంచ‌ల‌న విష‌యాలు
మహారాష్ట్రకు చెందిన శ్రద్ధా వాకర్, ఆఫ్తాబ్ పూనావాలా ఇద్దరూ లివ్ ఇన్ రిలేషన్‌షిప్‌లో కలిసి ఉన్నారు. ఆ తర్వాత వారు ఢిల్లీకి షిఫ్ట్ అయ్యారు. అక్కడే శ్రద్ధా వాకర్‌ను ఆప్తాబ్ పూనావాలా దారుణంగా చంపేశాడు. ఆమె డెడ్ బాడీని 35 భాగాలుగా నరికి రాత్రి 2 గంటల సమయంలో కొన్ని రోజులపాటు ఆ శరీర భాగాలను మెహ్రౌలీ అటవీ ప్రాంతంలో వేర్వేరు చోట్ల పడేసి వచ్చాడు. ఈ కేసు దేశవ్యాప్తంగా కలకలం రేపింది.