India Pakiatan War : భారత ఆర్మీకి అండగా ఉందాం : ఆర్ఎస్ఎస్ చీఫ్ మోహన్ భగవత్
సారాంశం
పహల్గాం ఉగ్రదాడి తర్వాత భారత్ పాకిస్థాన్ లోని ఉగ్రవాద స్థావరాలపై దాాడికోసం చేపట్టిన ఆపరేషన్ సిందూర్, ఆ తర్వాతి పరిణామాలపై ఆర్ఎస్ఎస్ చీఫ్ మోహన్ భగవత్ స్పందించారు. ఈ మేరకు ఆయన దేశ ప్రజలకు కీలక పిలుపునిచ్చారు.
India Pakistan Tension : పహల్గాంలో నిరాయుధ పర్యాటకులపై జరిగిన దాడికి ప్రతిస్పందనగా పాకిస్తాన్ ప్రాయోజిత ఉగ్రవాదులపై కేంద్ర ప్రభుత్వం తీసుకున్న నిర్ణయాత్మక చర్యను ఆర్ఎస్ఎస్ చీఫ్ మోహన్ భాగవత్ ప్రశంసించారు. దేశ భద్రతకు ఈ చర్య అవసరమని, దేశ ఆత్మగౌరవాన్ని పెంచిందని ఆయన అన్నారు. జాతీయ ఐక్యత, శాంతిని కాపాడుకోవడంలో ప్రభుత్వంతో సహకరించాలని పౌరులను కోరారు.
పహల్గాంలో నిరాయుధ పర్యాటకులపై జరిగిన పిరికిపంద దాడి తర్వాత పాకిస్తాన్ ప్రాయోజిత ఉగ్రవాదులు, వారి మద్దతు వ్యవస్థపై తీసుకున్న నిర్ణయాత్మక చర్యకు ఆర్ఎస్ఎస్ చీఫ్ మోహన్ భాగవత్ కేంద్ర ప్రభుత్వం, సాయుధ దళాల నాయకత్వాన్ని ప్రశంసించారు. ఈ మేరకు ఆయన ఒక ప్రకటన విడుదల చేశారు. హిందూ పర్యాటకుల క్రూర హత్యాకాండలో బలైనవారి కుటుంబాలకు, మొత్తం దేశానికి న్యాయం చేకూర్చడంలో ఈ చర్య దేశం మొత్తం ఆత్మగౌరవం, నైతిక స్థాయిని పెంచిందని ఆయన అన్నారు.
పాకిస్తాన్లో ఉగ్రవాదులు, వారి మౌలిక సదుపాయాలు, మద్దతిచ్చే వ్యవస్థలపై సైనిక చర్య దేశ భద్రతకు అవసరం, తప్పనిసరి అని పూర్తిగా అంగీకరిస్తున్నామని అన్నారు. ఈ జాతీయ సంక్షోభ సమయంలో దేశం మొత్తం ప్రభుత్వం, సాయుధ దళాలకు మద్దతుగా నిలిచిందన్నారు. భారత సరిహద్దులోని మతపరమైన ప్రదేశాలు, పౌర నివాసాలపై పాకిస్తాన్ సైన్యం జరిపిన దాడులను ఖండిస్తున్నామన్నారు. ఈ క్రూరమైన, అమానుష దాడి బాధిత కుటుంబాలకు సానుభూతి తెలియజేసారు. ఈ సవాలు సమయంలో ప్రభుత్వం జారీ చేసిన సూచనలను పూర్తిగా పాటించాలని ఆర్ఎస్ఎస్ పౌరులకు విజ్ఞప్తి చేస్తోంది.
దీనితో పాటు మన పౌర బాధ్యతను నిర్వర్తిస్తున్నప్పుడు, మనమందరం అప్రమత్తంగా ఉండాలి. సామాజిక ఐక్యత, సామరస్యాన్ని దెబ్బతీయడంలో దేశ వ్యతిరేక శక్తుల కుట్ర విజయవంతం కావడానికి మనం అవకాశం ఇవ్వకూడదు. అన్ని పౌరులు తమ దేశభక్తిని ప్రదర్శించడానికి, సైన్యం, పౌర పరిపాలనకు అవసరమైన చోట సహకరించడానికి, జాతీయ ఐక్యత, భద్రతను కాపాడుకోవడానికి అన్ని ప్రయత్నాలను బలోపేతం చేయడానికి సిద్ధంగా ఉండాలని ఆర్ఎస్ఎస్ చీఫ్ మోహన్ భగవత్ సూచించారు.