Rozgar Mela: కొత్తగా ఉద్యోగాల్లో చేరే 51 వేల మందికి అపాయింట్‌మెంట్ లెటర్లు అందించ‌నున్న ప్ర‌ధాని మోడీ

New Delhi: సోమ‌వారం (ఆగ‌స్టు 28న) కొత్తగా 51,000 మంది ఉద్యోగుల‌కు ప్ర‌ధాని న‌రేంద్ర మోడీ అపాయింట్‌మెంట్ లెటర్ ల‌ను అంద‌జేయ‌నున్నారు. అలాగే, కేంద్ర మంత్రి హర్దీప్ సింగ్ పూరి ఆగస్టు 28న పంజాబ్ లో అపాయింట్‌మెంట్ లెటర్ల‌ను పంపిణీ చేస్తారని సరిహద్దు భద్రతా దళం తెలిపింది. ఉద్యోగాల ద్వారా సాధికారత సాధిస్తామని బీఎస్ఎఫ్ పంజాబ్ ఫ్రాంటియర్ తెలిపింది.  

Rozgar Mela-PM Modi: సోమ‌వారం (ఆగ‌స్టు 28న) కొత్తగా 51,000 మంది ఉద్యోగుల‌కు ప్ర‌ధాని న‌రేంద్ర మోడీ  అపాయింట్‌మెంట్ లెటర్ ల‌ను అంద‌జేయ‌నున్నారు. అలాగే, కేంద్ర మంత్రి హర్దీప్ సింగ్ పూరి ఆగస్టు 28న పంజాబ్ లో అపాయింట్‌మెంట్ లెటర్ల‌ను పంపిణీ చేస్తారని సరిహద్దు భద్రతా దళం తెలిపింది. ఉద్యోగాల ద్వారా సాధికారత సాధిస్తామని బీఎస్ఎఫ్ పంజాబ్ ఫ్రాంటియర్ తెలిపింది.

ప్రభుత్వ శాఖల్లో కొత్తగా చేరిన వారికి 51 వేలకు పైగా నియామక పత్రాలను ప్రధాని నరేంద్ర మోడీ సోమవారం వీడియో కాన్ఫరెన్స్ ద్వారా పంపిణీ చేయనున్నారు. ఈ సందర్భంగా ఆయన నియామకాలను ఉద్దేశించి ప్రసంగిస్తారని ప్ర‌ధాన మంత్రి కార్యాల‌యం (పీఎంవో) ఒక ప్రకటనలో తెలిపింది. దేశవ్యాప్తంగా 45 ప్రాంతాల్లో రోజ్ గార్ మేళా జరగనుంది. ఈ కార్యక్రమం ద్వారా కేంద్ర హోం మంత్రిత్వ శాఖ (ఎంహెచ్ఏ) సెంట్రల్ రిజర్వ్ పోలీస్ ఫోర్స్ (సీఆర్పీఎఫ్), బోర్డర్ సెక్యూరిటీ ఫోర్స్ (బీఎస్ఎఫ్), సశస్త్ర సీమా బల్ (ఎస్ఎస్బి) సహా వివిధ సెంట్రల్ ఆర్మ్డ్ పోలీస్ ఫోర్స్ (సీఎపీఎఫ్) లలో సిబ్బందిని రిక్రూట్ చేస్తోంది.

దేశవ్యాప్తంగా ఎంపికైన కొత్తవారు ఎంహెచ్ఏ పరిధిలోని వివిధ సంస్థల్లో కానిస్టేబుల్ (జనరల్ డ్యూటీ), సబ్ ఇన్స్పెక్టర్ (జనరల్ డ్యూటీ), నాన్ జనరల్ డ్యూటీ కేడర్ పోస్టుల్లో చేరుతారని పీఎంవో తెలిపింది. ఉపాధి కల్పనకు అధిక ప్రాధాన్యం ఇవ్వాలన్న ప్రధాని హామీని నెరవేర్చే దిశగా రోజ్ గార్ మేళా ఒక ముందడుగు అని ఆ ప్రకటనలో పేర్కొన్నారు. ఇది మరింత ఉపాధి కల్పనలో ఉత్ప్రేరకంగా పనిచేస్తుందనీ, యువతకు వారి సాధికారత-జాతీయ అభివృద్ధిలో భాగస్వామ్యం కోసం అర్థవంతమైన అవకాశాలను అందిస్తుందని భావిస్తున్నారు. కొత్తగా నియమితులైన వారికి ఐజీఓటీ కర్మయోగి పోర్టల్లోని ఆన్లైన్ మాడ్యూల్ కర్మయోగి ప్రారంభ్ ద్వారా శిక్షణ పొందే అవకాశం లభిస్తుందనీ, ఇందులో 673కు పైగా ఈ-లెర్నింగ్ కోర్సులను 'ఎనీవేర్ ఏ డివైజ్' లెర్నింగ్ ఫార్మాట్ కోసం అందుబాటులో ఉంచామని పీఎంవో తెలిపింది.

అంతకుముందు, ప్రధాని నరేంద్ర మోడీ జూలై 22న వీడియో కాన్ఫరెన్స్ ద్వారా కొత్తగా చేరిన రిక్రూట్‌మెంట్లకు 70,000 కంటే ఎక్కువ అపాయింట్‌మెంట్ లెటర్‌లను పంపిణీ చేశారు. 'ఆజాదీ కా అమృత్ మహోత్సవ్' సందర్భంగా దేశం అభివృద్ధి పథంలో పయనిస్తున్న సమయంలో ప్రభుత్వ ఉద్యోగిగా పనిచేసే అవకాశం రావడం గొప్ప గౌరవంగా భావిస్తున్నా. భారతదేశాన్ని అభివృద్ధి చెందిన దేశంగా మార్చాలని ఈ దేశ ప్రజలు తీర్మానించారు" అని ప్రధాని మోడీ తన వర్చువల్ ప్రసంగంలో పేర్కొన్నారు. వచ్చే 25 ఏళ్లు భారత్ కు చాలా కీలకమన్నారు. కొన్నేళ్లలో భారత్ ప్రపంచంలోని టాప్ ఆర్థిక వ్యవస్థల్లో ఒకటిగా నిలుస్తుందని నేడు నిపుణులు చెబుతున్నార‌ని అన్నారు. అంటే ఉపాధి అవకాశాలు, పౌరుల తలసరి ఆదాయం పెరుగుతుంది అని ప్ర‌ధాని మోడీ అన్నారు. కేంద్ర ప్రభుత్వ శాఖలతో పాటు రాష్ట్ర ప్రభుత్వాలు, కేంద్ర పాలిత ప్రాంతాల్లో ఈ నియామకాలు జరుగుతున్నాయి. ఉపాధి కల్పనకు అత్యధిక ప్రాధాన్యం ఇవ్వాలన్న ప్రధాన మంత్రి హామీని నెరవేర్చే దిశగా రోజ్ గార్ మేళా ఒక ముందడుగు.