Rahul Gandhi : దేశానికి అగ్ర దేశాధినేతలు వస్తున్న వేళ.. విదేశాలకు రాహుల్ గాంధీ..

Rahul Gandhi : కాంగ్రెస్ అధినేత రాహుల్ గాంధీ మరోసారి యూరప్ పర్యటనకు వెళ్లనున్నారు. ఈ సందర్భంగా రాహుల్ గాంధీ యూరోపియన్ యూనియన్ (ఈయూ) లాయర్లు, విద్యార్థులు, ప్రవాస భారతీయులతో సమావేశమవుతారు

Rahul Gandhi : కాంగ్రెస్ పార్టీ మాజీ అధినేత రాహుల్ గాంధీ మరోసారి విదేశీ పర్యటనకు వెళ్లనున్నారు. సెప్టెంబర్ మెదటివారంలో ఈ పర్యటన ప్రారంభం కాగా.. దాదాపు వారం రోజులపాటు ఈ పర్యటన సాగనున్నది. ఈ సందర్భంగా ఆయన యూరోపియన్ యూనియన్ (EU) చట్టసభ సభ్యులతో పాటు పారిస్‌లోని యూనివర్సిటీలో విద్యార్థులు, భారతీయ ప్రవాస భారతీయులతో సమావేశమవుతారని వర్గాలు తెలిపాయి.

రాహుల్ గాంధీ యూరప్ షెడ్యూల్‌

• విశ్వసనీయ మూలాల ప్రకారం.. రాహుల్ గాంధీ సెప్టెంబర్ 3న యూరప్ వెళ్లనున్నారు.
• సెప్టెంబరు 7న బ్రస్సెల్స్‌లో EU న్యాయవాదుల బృందంతో భేటీ కానున్నారు. హేగ్‌లో కూడా అదే విధమైన సమావేశం కానున్నారు.  
• సెప్టెంబర్ 8, 9 తేదీల్లో పారిస్ లో పర్యటించనున్నారు.
• సెప్టెంబర్ 8 న పారిస్‌లోని పియరీ అండ్ మేరీ క్యూరీ విశ్వవిద్యాలయ విద్యార్థులతో సమావేశమవుతారు. వారిని ఉద్దేశించి ప్రసంగిస్తారు.
•  సెప్టెంబర్ 9న పారిస్‌లో జరిగే ఫ్రెంచ్ కార్మిక సంఘం సమావేశంలో రాహుల్ గాంధీ పాల్గొంటారు. అనంతరం నార్వేకు బయలుదేరి వెళ్లనున్నారు. 
• సెప్టెంబర్ 10న రాహుల్ ఓస్లోలో జరిగే డయాస్పోరా కార్యక్రమంలో ప్రసంగిస్తారు. 
• సెప్టెంబర్ 11న నార్వేలోని ప్రవాస భారతీయులతో సంభాషిస్తారు
• సెప్టెంబర్ 14న రాహుల్ భారత్‌కు తిరిగి రానున్నారు.

న్యూఢిల్లీలో సెప్టెంబర్ 9 నుంచి 10 వరకు జీ20 సదస్సు జరగనుంది. గ్రూప్‌కు ప్రస్తుత చైర్‌గా భారత్ జి20 సమ్మిట్‌ను నిర్వహిస్తోంది. ఈ సందర్భంగా 30 మందికి పైగా జాతీయ అధ్యక్షులు పాల్గొంటారు. దేశాధినేతలతో పాటు, EU ఆహ్వానించబడిన అతిథి దేశాల నుండి ఉన్నతాధికారులు, 14 అంతర్జాతీయ సంస్థల అధిపతులు పాల్గొంటారు. ఈ తరుణంలో రాహుల్ గాంధీ యూరప్ లో పర్యటించనున్నారనేది చర్చనీయాంశంగా మారింది. అలాగే.. రాహుల్ గాంధీ గత విదేశీ పర్యటనలో భారత్ లో కీలక పరిణాలు తీవ్ర వ్యాఖ్యలు చేసి విమర్శలపాలైన విషయం తెలిసిందే.