☰
పహల్గాం ఉగ్రదాడి నేపథ్యంలో పలువురు నాయకులు తమ కార్యక్రమాలను రద్దు చేసుకుంటున్నారు. విదేశీ పర్యటనలో ఉన్న పలువురు కీలక నేతలు మధ్యలోనే ముగించుకొని వస్తున్నారు. ఈ క్రమంలోనే రాహుల్ గాంధీ సైతం తన అమెరికా పర్యటనను మధ్యలోనే ముగించుకొని భారత్ కు వచ్చారు.
Pahalgam terror attack: జమ్మూ కాశ్మీర్‌లోని పహల్గాంలో జరిగిన ఉగ్రదాడి నేపథ్యంలో పలువురు నాయకులు తమ కార్యక్రమాలను రద్దు చేసుకున్నారు. ప్రధాని నరేంద్ర మోడీ తన సౌదీ అరేబియా పర్యటనను మధ్యలోనే ముగించి భారత్‌కు తిరిగి వచ్చారు. కాంగ్రెస్ నాయకుడు రాహుల్ గాంధీ కూడా తన అమెరికా పర్యటనను మధ్యలోనే ముగించి ఢిల్లీకి తిరిగి వచ్చారు. గురువారం జరగనున్న CWC సమావేశంలో ఆయన పాల్గొంటారు. దాడి తీవ్రత దృష్ట్యా రాహుల్ గాంధీ తన విదేశీ పర్యటనను రద్దు చేసుకున్నట్లు కాంగ్రెస్ ప్రధాన కార్యదర్శి జైరాం రమేష్ తెలిపారు.
లోక్‌సభలో ప్రతిపక్ష నేత రాహుల్ గాంధీ తన అమెరికా పర్యటనను మధ్యలోనే ముగించినట్లు కాంగ్రెస్ ప్రధాన కార్యదర్శి జైరాం రమేష్ ఎక్స్‌ వేదికగా తెలిపారు. గురువారం ఉదయం 10:30 గంటలకు న్యూఢిల్లీలో జరగనున్న కాంగ్రెస్ వర్కింగ్ కమిటీ (CWC) సమావేశంలో ఆయన స్వయంగా పాల్గొంటారు. పహల్గాం ఉగ్రదాడి నేపథ్యంలో కాంగ్రెస్ ఈ అత్యవసర సమావేశాన్ని ఏర్పాటు చేసింది.
| Lok Sabha LoP and Congress MP Rahul Gandhi arrives in Delhi as he returns from the US
Congress MP Jairam Ramesh tweeted that, "Rahul Gandhi has cut short his US visit and will be attending in person the CWC meeting in New Delhi tomorrow at 10:30 AM" pic.twitter.com/PVXXUj48v7
— ANI (@ANI)
ఈ దాడి నేపథ్యంలో కేంద్ర ప్రభుత్వం ఏప్రిల్ 24న సర్వపక్ష సమావేశాన్ని ఏర్పాటు చేయనున్నట్లు తెలుస్తోంది. రక్షణ మంత్రి రాజ్‌నాథ్ సింగ్ ఈ సమావేశానికి అధ్యక్షత వహిస్తారు. పహల్గాం దాడిపై అన్ని రాజకీయ పార్టీలకు పూర్తి సమాచారం అందించడంతో పాటు, పాకిస్తాన్‌పై తీసుకోవాల్సిన చర్యలపై చర్చించనున్నారు. దాడి తర్వాత పరిస్థితి, భద్రతా ఏర్పాట్లు, భవిష్యత్తు వ్యూహంపై కూడా చర్చ జరుగుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి