Kumbhmela 2025 : వసంత పంచమి ఏర్పాట్లు భేష్ : యోగిపై సాధువుల ప్రశంసలు

మహా కుంభమేళా 2025లో వసంత పంచమి సందర్భంగా అమృత స్నానం చేసారు సాధువులు. అఖాడాలకు చెందిన సాధువులు, నాగ సన్యాసులు ఈ ఏర్పాట్లను ప్రశంసించారు. 

మహా కుంభ నగర్ : వసంత పంచమి పర్వదినమైన సోమవారం మహా కుంభమేళాలోని అఖాడాల సాధువులు అమృత స్నానం చేశాయి. సాధువులు, సన్యాసులు, భక్తులు పెద్ద సంఖ్యలో సంగమ తీరానికి వచ్చారు. ఈ సందర్భంగా దేశంలోని ప్రముఖ సాధువులు ప్రభుత్వ ఏర్పాట్లపై సంతృప్తి వ్యక్తం చేసారు... యూపీ ముఖ్యమంత్రి యోగి ఆదిత్యనాథ్‌ను ప్రశంసించారు.

సాధువుల మాటలు

వసంత పంచమి నాడు ప్రపంచం భారతదేశం వైపు చూస్తోంది. మన సామాజిక సామరస్యం, ఆధ్యాత్మిక విలువలు ప్రపంచానికి ఆదర్శం. యోగా, ఆయుర్వేదం ద్వారా భారతదేశం గుర్తింపు పెరుగుతోంది. మేము ప్రపంచాన్నే కుటుంబంగా భావిస్తాం. చెట్లు పెంచాలని, ప్లాస్టిక్ వాడకం తగ్గించాలని కోరుకుంటున్నాం.

జూనా అఖాడా పీఠాధిపతి : 

వసంత పంచమి నాడు సనాతనులు సరస్వతి దేవిని పూజిస్తారు. అన్ని అఖాడాలు పవిత్ర స్నానం చేస్తున్నాయి. ప్రభుత్వంలో ధర్మాన్ని అర్థం చేసుకునే వ్యక్తి ఉంటేనే ఈ సంప్రదాయాన్ని అర్థం చేసుకోగలరు. యోగి ఆదిత్యనాథ్ కంటే ధర్మాన్ని బాగా అర్థం చేసుకున్న వారు లేరు.

 నిరంజన్ పీఠాధిపతి స్వామి కైలాసానంద గిరి జీ మహారాజ్ 

అమృత స్నానానికి ముఖ్యమంత్రి యోగి ఆదిత్యనాథ్ చాలా బాగా ఏర్పాట్లు చేశారు. ప్రభుత్వం, అధికారులు పూర్తి సహకారం అందించారు. అన్ని అఖాడాలు తమ సమయానికి సంగమంలో స్నానం చేస్తున్నాయి. అందరికీ అమృత స్నాన ఫలితం దక్కుతుంది.

ఆనంద అఖాడా ఆచార్య స్వామి బాలికానంద గిరి జీ

వసంత పంచమి నాడు చివరి అమృత స్నానం. ఈ స్నానం తర్వాత మేము వారణాసి వెళ్తాము. మాకు స్నానానికి 40 నిమిషాల సమయం ఇచ్చారు. అవసరం లేకుండా సంగమ తీరానికి రావద్దని భక్తులను కోరుతున్నాను.

 మహంత్ రవీంద్ర పురి 

అమృత స్నానం ప్రశాంతంగా, చక్కగా జరిగింది. ఈ కుంభమేళా ఉద్దేశ్యం ప్రపంచంలో శాంతి, ఐక్యత నెలకొల్పడం. అందరూ దీని నుండి నేర్చుకోవాలి. ఇక్కడ అన్ని కులాల, మతాల వారు కలుస్తారు. ఐక్యత, శ్రేయస్సు, సోదరభావం కొనసాగాలని అఖిల భారత అఖాడా పరిషత్ అధ్యక్షులు  మహంత్ రవీంద్ర పురి పేర్కొన్నారు.

అటల్ పీఠాధిశ్వరుడు స్వామి విశ్వాత్మానంద సరస్వతి

మహా కుంభమే అమృత స్నానం. మొఘల్ సామ్రాజ్యంలో దీన్ని షాహీ స్నానం అనేవారు. ఇప్పుడు వేద సంస్కృతిలో దీన్ని అమృత స్నానం అంటున్నారు. గంగా దర్శనం చేతనే పాపాలు తొలగిపోతాయి 

 స్వామి జ్యోతిర్మయానంద గిరి మహారాజ్ 

వసంత పంచమి నాడు అమృత స్నానం జరుగుతోంది. ఇంతకు ముందు ఎప్పుడూ కుంభమేళాకు ఇంతమంది రాలేదు. పిల్లలు, వృద్ధులకు ముందు స్నానం చేయించాలి. భక్తులు అందరినీ జాగ్రత్తగా చూసుకోవాలి. యువకులు అందరి భద్రతను చూసుకోవాలని కోరుతున్నాను.