India pakistan: కాల్పల విరామ ఉల్లంఘనపై పాక్ ప్రధాని ఏమన్నారంటే

నాలుగు రోజుల ఘర్షణ తర్వాత శనివారం సాయంత్రం భారత్-పాకిస్తాన్ యుద్ధ విరామానికి అంగీకరించాయి. కానీ, కొన్ని గంటల్లోనే పాకిస్తాన్ డ్రోన్లతో దాడి చేసింది. భారత్ వాటిని కూల్చివేసింది. విదేశాంగ కార్యదర్శి హెచ్చరించాక, పాకిస్తాన్ యుద్ధ విరామానికి కట్టుబడి ఉంటామంది.

నాలుగు రోజుల ఘర్షణ తర్వాత శనివారం సాయంత్రం భారత్, పాకిస్తాన్ యుద్ధ విరామానికి అంగీకరించాయి. కానీ కొన్ని గంటల్లోనే పాకిస్తాన్ శనివారం రాత్రి యుద్ధ విరామాన్ని ఉల్లంఘించింది. భారత్‌పై దాడి చేయడానికి డ్రోన్లను పంపింది. భారత వైమానిక రక్షణ వ్యవస్థ అనేక డ్రోన్లను కూల్చివేసింది. భారత సైన్యం యుద్ధ విరామ ఉల్లంఘనకు తగిన విధంగా ప్రతిస్పందించింది. ఈ క్రమంలో భారత విదేశాంగ కార్యదర్శి విక్రమ్ మిశ్రీ విలేకరుల సమావేశంలో పాకిస్తాన్‌ను తీవ్రంగా మందలించి హెచ్చరించారు.

భారత్ హెచ్చరిక తర్వాత పాకిస్తాన్ విదేశాంగ మంత్రిత్వ శాఖ ఒక ప్రకటన విడుదల చేసి, పాకిస్తాన్ యుద్ధ విరామాన్ని అమలు చేయడానికి కట్టుబడి ఉందని పేర్కొంది. పాకిస్తాన్ విదేశాంగ మంత్రిత్వ శాఖ భారత్‌పై “కొన్ని ప్రాంతాల్లో” యుద్ధ విరామాన్ని ఉల్లంఘించిందని ఆరోపించింది, కానీ ఎక్కువ సమాచారం ఇవ్వలేదు. పాకిస్తాన్ సాయుధ దళాలు “బాధ్యతాయుతంగా, సంయమనంతో” పరిస్థితిని నిర్వహించాయని తెలిపింది.

షెహబాజ్ షరీఫ్ యుద్ధ విరామ ఉల్లంఘనపై మౌనం

పాకిస్తాన్ ప్రధాని షెహబాజ్ షరీఫ్ శనివారం అర్ధరాత్రి మీడియాతో పాటు మాట్లాడారు. అయితే కశ్మీర్‌లో జరిగిన పేలుళ్ల గురించి ఆయన ఏమీ మాట్లాడలేదు. పాకిస్తాన్ యుద్ధ విరామాన్ని ఉల్లంఘించిందనే ఆరోపణలపై కూడా మౌనం వహించారు. బదులుగా, పాకిస్తాన్ సైనిక ప్రతిస్పందనను ప్రశంసించారు, తన దేశ మిత్రదేశాలకు కృతజ్ఞతలు తెలిపారు. దీనిబట్టే సైన్యానికి ప్రధానికి మధ్య గ్యాప్ ఉన్నట్లు స్పష్టమవుతోంది. 

పీఓకేలో పేలుళ్ల శబ్ధాలు

CNN నివేదిక ప్రకారం, పీఓకేలో అనేక పేలుళ్ల శబ్ధాలు వినిపించాయి. భింబర్ జిల్లా నుంచి పేలుళ్ల శబ్ధాలు ఆకాశంలో ప్రతిధ్వనించాయి. దీనికి ముందు శ్రీనగర్‌లో పేలుళ్ల శబ్ధాలు వినిపించాయి. పాకిస్తాన్ పంపిన డ్రోన్లను భారత వైమానిక రక్షణ వ్యవస్థ కూల్చివేసింది.

ఆపరేషన్ సింధూర్ తర్వాత భారత్-పాకిస్తాన్ మధ్య సైనిక ఘర్షణ

ఏప్రిల్ 22న జమ్మూ కాశ్మీర్‌లోని పహల్గామ్ లో పాకిస్తాన్ మద్దతుగల ఉగ్రవాదులు దాడి చేశారు. ఈ దాడిలో 26 మంది మరణించారు. భారత సైన్యం ఆపరేషన్ సింధూర్ ద్వారా ప్రతీకారం తీర్చుకుంది. మే 6-7 రాత్రి ఆపరేషన్ సింధూర్ కింద పాకిస్తాన్, పాక్ ఆక్రమిత కశ్మీర్‌లో 9 చోట్ల ఉగ్ర స్థావరాలను ధ్వంసం చేసింది. దీంతో రెండు దేశాల మధ్య సైనిక ఘర్షణ మొదలైన విషయం తెలిసిందే.