చంద్రయాన్ 3 సక్సెస్ కావాలని పాక్ జాతీయురాలు సీమా హైదర్ ఉపవాసం (Video)

చంద్రయాన్ 3 మిషన్ విజయవంతం కావాలని పాకిస్తాన్ జాతీయురాలు సీమా హైదర్ ఈ రోజు ఉపవాసం ఉంటున్నారు. తనకు అనారోగ్యం ఉన్నప్పటికీ చంద్రయాన్ చంద్రుడిపై ల్యాండ్ అయ్యే వరకు ఉపవాసం ఉంటానని ఆమె ఓ వీడియోలో చెప్పారు.  

న్యూఢిల్లీ: పాకిస్తాన్ జాతీయురాలు సీమా హైదర్ చంద్రయాన్ 3 విజయవంతం కావాలని ఉపవాసం చేస్తున్నారు. చంద్రయాన్ 3 బుధవారం సాయంత్రం అంటే మరికొన్ని రోజుల్లో ల్యాండింగ్ కానుంది. ఈ సందర్భంగానే చంద్రయాన్ 3 విజయవంతం కావాలని సీమా హైదర్ ఉపవాసం చేపట్టినట్టు ఓ వీడియోలో పేర్కొంది. ఈ వీడియోను సీమా హైదర్ లాయర్ ఏపీ సింగ్ ట్విట్టర్‌లో షేర్ చేశారు.

‘నా హెల్త్ బాగోలేదు. కానీ, చంద్రయాన్ 3 విజయవంతం కావాలని ఈ రోజు ఉపవాసం ఉంటున్నాను. ఈ రోజు చంద్రయాన్ చంద్రుడిపై ల్యాండ్ అవుతుంది. ఇది భారత విజయాల్లో కీలక మైలురాయి అవుతుంది. చంద్రయాన్ విజయవంతంగా జాబిల్లిపై దిగే వరకు నేను ఉపవాసం ఉంటాను.  నేను ఎంతో విశ్వసించే రాధా క్రిష్ణ, శ్రీ రాముడికి పూజలు చేస్తున్నాను. ఈ ప్రాజెక్టు కోసం మన ప్రధానమంత్రి ఎంతో కష్టపడ్డారు. ఈ చంద్రయాన్ విజయవంతంగా ల్యాండ్ అయితే భారత పేరు ప్రపంచంలో మార్మోగుతుంది. రాధే, రాదేధ, రాధే, క్రిష్ణ’ అని సీమా హైదర్ ఆ వీడియోలో మాట్లాడారు. 

ఆమె లాయర్ మాట్లాడుతూ.. చంద్రయాన్ 3 విజయవంతం కావాలని కోరుకుంటున్నట్టు చెప్పారు.  షెడ్యూల్ ప్రకారమే చంద్రయాన్ విజయవంతంగా ల్యాండ్ అవుతుందని ఆశిస్తున్నట్టు పేర్కొన్నారు.