Pahalgam Terror: ఉగ్రదాడిలో మరణించిన వ్యక్తి భార్యతో మాట్లాడిన ఎంపీ తేజస్వి.. అండగా ఉంటామని హామీ
సారాంశం
పహల్గామ్ ఉగ్రవాద దాడిలో మరణించిన శివమొగ్గకు చెందిన వ్యాపారవేత్త మంజునాథ్ భార్య పల్లవిని పార్లమెంట్ సభ్యుడు, బిజెపి యువ మోర్చా జాతీయ అధ్యక్షుడు తేజస్వి సూర్య కశ్మీర్ లో కలిశారు. ఈ క్లిష్టమైన సమయంలో తేజస్వి సూర్య, ఎమ్మెల్యే సునీల్ శర్మతో కలిసి కుటుంబానికి అవసరమైన అన్ని రకాల సహాయాన్ని అందిస్తామని హామీ ఇచ్చారు.
కుటుంబాన్ని బెంగళూరుకు తిరిగి రావడానికి ఏర్పాట్లు చేసినట్లు సూర్య సోషల్ మీడియాలో పంచుకున్నారు. "కేంద్ర హోంమంత్రి శ్రీ అమిత్ షా శ్రీనగర్లో ఉన్నారు. కుటుంబాలతో కూడా టచ్లో ఉన్నారు. కర్ణాటక మంత్రి శ్రీ సంతోష్ ఎస్. లాడ్తో పాటు, మేము ప్రతి అడుగులోనూ కుటుంబంతో ఉంటాము - మృత దేహాన్ని గౌరవంగా తిరిగి తీసుకువచ్చే వరకు, కుటుంబం సురక్షితంగా బెంగళూరుకు ఆ తర్వాత శివమొగ్గలోని వారి స్వస్థలానికి తిరిగి వచ్చే వరకు బాధ్యత తీసుకుంటామని తెలిపారు.
మంజునాథ్ మామ మాధవ్ మూర్తి మాట్లాడుతూ, తన కొడుకు రెండవ కుమారుడు పరీక్షలలో అద్భుతమైన ప్రతిభను కనబరిచినందుకు మంజునాథ్ కుటుంబాన్ని జమ్మూ కాశ్మీర్కు 8 రోజుల ప్యాకేజీ టూర్లో తీసుకెళ్లాడని చెప్పుకొచ్చాడు. దాడి సమయంలో మంజునాథ్ కుమారుడు సంఘటన జరిగిన సమయంలో తన తల్లి, తండ్రితో ఉన్నాడు. ఉగ్రవాదులు దాడి చేసినప్పుడు వారు పానీపూరి తింటున్నారు.
అయితే దాడి చేసిన సమయంలో ఉగ్రవాదులు పల్లవితో మాట్లాడుతూ.. వెళ్లి ప్రధాని మోదీకి ఈ విషయం చెప్పండి. అని తెలిపినట్లు తెలుస్తోంది. మంజునాథ్ భౌతికకాయాన్ని బెంగళూరుకు తిరిగి తీసుకురావడానికి శివమొగ్గ ఎంపీ, స్థానిక ఎమ్మెల్యేలు, ఆర్ఎస్ఎస్ సభ్యులు సహా అనేక మంది రాజకీయ నాయకులు కలిసి పనిచేస్తున్నారు.