ఎరవాడ సెంట్రల్ జైలులో జైలర్‌పై ఖైదీల దాడి, మణికట్టు ఫ్రాక్చర్...
By SumaBala Bukka | First Published Feb 16, 2024, 10:40 AM ISTఖైదీలు జైలర్ మీద దాడి చేసిన ఘటన పూణెలో కలకలం రేపింది. ఈ దాడిలో జైలర్ తీవ్రంగా గాయపడ్డారు.
పూణె : పూణెలోని ఎరవాడ సెంట్రల్ జైలులో కొందరు ఖైదీలు జైలర్ మీద దాడి చేశారు. ఈ దాడిలో జైలర్ గాయపడ్డారని అధికారులు తెలిపారు. గురువారం ఉదయం జరిగిన ఈ దాడిలో జైలర్ షెర్ఖాన్ పఠాన్ ముఖానికి గాయాలు అయ్యాయని, మణికట్టు విరిగిందని తెలిపారు.
"పఠాన్ జైలు సర్కిల్ I ప్రాంతంలో విధులు నిర్వహిస్తున్నప్పుడు, ఖైదీలు ప్రకాష్ రేనూస్, వికీ కాంబ్లే, మరో 10 మంది అతనిపై దాడి చేశారు. వీరిమీద కేసు నమోదు చేయబడింది. దర్యాప్తు జరుగుతోంది" అన్నారాయన.
Latest Videos
2023 డిసెంబర్ లో కూడా ఇలాంటి ఘటనే ఎరవాడ జైలులో జరిగింది. ఆ సమయంలో జైలులో ఉన్న 27 ఏళ్ల అండర్ ట్రయల్ మీద నలుగురు ఖైదీల దాడి చేశారు. పాత శత్రుత్వాలే ఈ దాడికి కారణం. దీంతో ఆ ఖైదీ తీవ్రగాయాలతో మరణించాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి