కాంగ్రెస్ ది అవినీతి సర్కారు.. రాహుల్ గాంధీపై కేంద్ర మంత్రి అమిత్ షా ఫైర్
సారాంశం
New Delhi: కాంగ్రెస్ మాజీ అధ్యక్షుడు రాహుల్ గాంధీ విదేశాల్లో సొంత దేశాన్ని విమర్శించడంపై ఏ పార్టీ నాయకుడికీ తగదని కేంద్ర హోంమంత్రి అమిత్ షా అన్నారు. భారతదేశాన్ని కించపరచడానికి రాహుల్ గాంధీ విదేశాలకు వెళుతున్నారనీ, తన పూర్వీకులను చూసి నేర్చుకోవాలని అమిత్ షా హితవు పలికారు. ఇటీవల అమెరికా పర్యటన సందర్భంగా కేంద్రంలో అధికారంలో ఉన్న ప్రధాని నరేంద్ర మోడీ నాయకత్వంలోని బీజేపీ సర్కారుపై రాహుల్ గాంధీ చేసిన విమర్శలను అమిత్ షా ప్రస్తావిస్తూ ఆయనపై మండిపడ్డారు.
Union Home Minister Amit Shah: కాంగ్రెస్ పార్టీ నాయకుడు రాహుల్ గాంధీ పై కేంద్ర హోం మంత్రి అమిత్ షా ఫైర్ అయ్యారు. ఆయన తీరును యావత్ భారతావని గమనిస్తూనే ఉందని తీవ్ర విమర్శలతో ఆగ్రహం వ్యక్తం చేశారు. కాంగ్రెస్ మాజీ అధ్యక్షుడు రాహుల్ గాంధీ విదేశాల్లో సొంత దేశాన్ని విమర్శించడం ఏ పార్టీ నాయకుడికీ తగదని షా అన్నారు. భారతదేశాన్ని కించపరచడానికి రాహుల్ గాంధీ విదేశాలకు వెళుతున్నారనీ, తన పూర్వీకులను చూసి నేర్చుకోవాలని అమిత్ షా హితవు పలికారు. ఇటీవల అమెరికా పర్యటన సందర్భంగా కేంద్రంలో అధికారంలో ఉన్న ప్రధాని నరేంద్ర మోడీ నాయకత్వంలోని బీజేపీ సర్కారుపై రాహుల్ గాంధీ చేసిన విమర్శలను అమిత్ షా ప్రస్తావిస్తూ ఆయనపై మండిపడ్డారు.
"ఏ దేశభక్తుడైనా భారత రాజకీయాలను భారత్ లోనే చర్చించాలి. విదేశాలకు వెళ్లి దేశ రాజకీయాలపై చర్చించి దేశాన్ని విమర్శించడం ఏ పార్టీ నాయకుడికీ తగదు. ఈ రాహుల్ బాబాను గుర్తుంచుకోండి, దేశ ప్రజలు దీన్ని నిశితంగా గమనిస్తున్నారు" అని అమిత్ షా అన్నారు. విదేశాల్లో కేంద్రంపై రాహుల్ గాంధీ విమర్శలు చేయడం అంశాన్ని ప్రస్తావిస్తూ.. ఏ పార్టీ నాయకుడికీ తగదని అమిత్ షా విమర్శించారు. తన పూర్వీకుల నుంచి నేర్చుకోవాలనీ, ఇటీవల అమెరికా పర్యటన సందర్భంగా భారత్ ను కించపరచడం వంటివి మానుకోవాలని ఆయన రాహుల్ గాంధీకి సూచించారు.
అలాగే, దేశంలో వేసవి తాపం నుంచి తప్పించుకునేందుకు రాహుల్ విదేశాలకు విహారయాత్రకు వెళ్తున్నారు. మోడీ ప్రభుత్వం తొమ్మిదేళ్లు పూర్తి చేసుకున్న సందర్భంగా గుజరాత్ లోని పటాన్ జిల్లా సిద్ధ్ పూర్ పట్టణంలో ఏర్పాటు చేసిన ర్యాలీలో అమిత్ షా ప్రసంగిస్తూ ఈ వ్యాఖ్యలు చేశారు. మోడీ ప్రభుత్వంలో దేశం భారీ మార్పులను చవిచూసిందన్నారు. అయితే, కాంగ్రెస్ భారత వ్యతిరేక విషయాల గురించి మాట్లాడటం మానడం లేదని ఆయన అన్నారు. కొత్త పార్లమెంటు భవనంపై రాహుల్ గాంధీ చేసిన విమర్శలపై అమిత్ షా మండిపడ్డారు. "కొత్త పార్లమెంటు భవనాన్ని, తమిళనాడుకు చెందిన చారిత్రాత్మక ఘట్టమైన 'సెంగోల్'ను అక్కడ ఏర్పాటు చేయడాన్ని మీరు వ్యతిరేకించారు. సెంగోల్ ను జవహర్ లాల్ నెహ్రూ ప్రతిష్టించాల్సి ఉంది. నెహ్రూ చేయలేదు కాబట్టే మోడీ ఇలా చేస్తున్నారు. అలాంటప్పుడు ఎందుకు వ్యతిరేకిస్తున్నారని" ప్రశ్నించారు.
కాంగ్రెస్ నేతలు ప్రధాని మోడీని పార్లమెంటులో మాట్లాడనివ్వరనీ, ప్రతిదాన్ని వ్యతిరేకిస్తూనే ఉన్నారని, ప్రధాని అభివృద్ధి రాజకీయాలు చేసే కొత్త సంప్రదాయానికి నాంది పలికారని అమిత్ షా ఆరోపించారు. అయోధ్యలో రామ మందిరం, ఆర్టికల్ 370 రద్దు అంశాలపై అమిత్ షా రాహుల్ గాంధీపై విరుచుకుపడ్డారు. బాబర్ (మొఘల్ సామ్రాజ్య స్థాపకుడు) కాలం నుంచి అయోధ్యలోని రాముడి ఆలయం అపవిత్రమైందని ఆయన అన్నారు. కానీ నేడు రాముడి గొప్ప ఆలయం నిర్మాణంలో ఉందనీ, త్వరలోనే అది పూర్తవుతుందని చెప్పారు. దళితులు, పేదలు, గిరిజనుల జీవితాలను మెరుగుపర్చడానికి ప్రభుత్వం కృషి చేసిందనీ, వారిని సమర్థులను చేసిందని అమిత్ షా ప్రశంసించారు. ప్రధాని మోడీ నాయకత్వంలోనే ఓ గిరిజన మహిళ తొలిసారిగా రాష్ట్రపతి అయ్యారన్నారు.
ఆర్థిక పరిస్థితిని మెరుగుపరచడం లేదా దేశాన్ని డిజిటల్ గా అనుసంధానించడం, సామాజిక సంక్షేమం, కోవిడ్-19 వ్యాక్సినేషన్ లేదా మౌలిక సదుపాయాల ప్రాజెక్టులను అమలు చేయడం ద్వారా భారతదేశం ప్రపంచంలో ఆశా కేంద్రంగా మారిందని ఆయన అన్నారు. మాజీ ప్రధాని మన్మోహన్ సింగ్, కాంగ్రెస్ మాజీ అధ్యక్షురాలు సోనియా గాంధీలను గురించి ప్రస్తావిస్తూ.. "మన్మోహన్-సోనియా 10 సంవత్సరాల పాలనను 10 సంవత్సరాల మోడీతో పోల్చి చూస్తే, కాంగ్రెస్ నేతృత్వంలోని 10 సంవత్సరాల ప్రభుత్వం అవినీతి, దుర్వినియోగం, ఆర్థిక పతనం, ఉగ్రవాదం-పేలవమైన శాంతిభద్రతల పరిస్థితితో కొనసాగిందని" అమిత్ షా అన్నారు. మోడీ ప్రభుత్వ పదేళ్ల పాలన సామాజిక సంక్షేమ పథంలో నడిచే సమర్థవంతమైన, సురక్షితమైన డిజిటల్ ఇండియా అని కొనియాడారు.