గాంబియాలో చిన్నారుల మరణాలకు భారత్ లో తయారైన దగ్గు సిరప్ వినియోగానికి సంబంధాలున్నాయ్ - సీడీసీ నివేదిక

భారత్ లో తయారైన దగ్గు మందు తాగి పశ్చిమ ఆఫ్రికాలోని గాంబియా దేశంలో గతేడాది 70 మంది చిన్నారులు మరణించారని ఆరోపణలు వచ్చాయి. అయితే ఆ చిన్నారుల మరణానికి భారత దగ్గు మందుకు బలమైన సంబంధాలు ఉన్నాయని అమెరికాకు చెందిన సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ), గాంబియా ఆరోగ్య అధికారులు సంయుక్తంగా జరిపిన దర్యాప్తులో తేలింది.

గాంబియాలో చాలా మంది పిల్లల మరణానికి, కలుషితమైన మేడిన్ ఇండియా దగ్గు సిరప్ ల వినియోగానికి మధ్య బలమైన సంబంధం ఉందని అమెరికాకు చెందిన సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ), గాంబియా ఆరోగ్య అధికారులు సంయుక్తంగా జరిపిన దర్యాప్తులో తేలింది.

భారత్ కు చెందిన మెయిడెన్ ఫార్మాస్యూటికల్స్ లిమిటెడ్ గాంబియాకు సరఫరా చేస్తున్న నాలుగు దగ్గు సిరప్ లు నాసిరకంగా ఉన్నాయని, గాంబియాలో పలువురు చిన్నారుల మరణానికి ఇవి కారణమని పేర్కొంటూ ప్రపంచ ఆరోగ్య సంస్థ (డబ్ల్యూహెచ్ వో) అక్టోబర్ లో హెచ్చరికలు జారీ చేసింది. అయితే శుక్రవారం విడుదల చేసిన సీడీసీ నివేదిక లో ‘‘గాంబియాలోకి దిగుమతి చేసుకున్న డైథైలీన్ గ్లైకాల్ [డీఈజీ) లేదా ఇథిలీన్ గ్లైకాల్ [ఈజీ]తో కలుషితమైన మందులు పిల్లలలో ఈ తీవ్రమైన మూత్రపిండాల గాయం (ఏకేఐ) క్లస్టర్ కు దారితీశాయని ఈ పరిశోధన బలంగా సూచిస్తుంది.’’ అని పేర్కొంది. 

‘‘డీఈజీ విషం ఉన్న రోగులు మారిన మానసిక స్థితి, తలనొప్పి, జీర్ణశయాంతర లక్షణాలతో సహా అనేక సంకేతాలు, లక్షణాలను అనుభవించవచ్చు; ఏదేమైనా ఇది అత్యంత స్థిరమైన వ్యక్తీకరణ ఏకేఐ, ఒలిగురియా (తక్కువ మూత్ర ఉత్పత్తి) లేదా అనురియాకు దారి తీయొచ్చు. ఇది 1-3 రోజుల్లో మూత్రపిండాల వైఫల్యం జరగవచ్చు’’ అని నివేదిక పేర్కొంది.

గత డీఈజీ వ్యాప్తిలో తయారీదారులు మరింత ఖరీదైన, ఫార్మాస్యూటికల్-గ్రేడ్ ద్రావకాల స్థానంలో డీఈజీని భర్తీ చేసినట్లు అనుమానిస్తున్నట్లు నివేదిక తెలిపింది. డీఈజీ కలుషిత వైద్య ఉత్పత్తులతో సంబంధం ఉన్న ఏకేఐ నివేదికల్లో.. డీఈజీ కలుషిత మందులను దేశీయంగా తయారు చేయకుండా దేశంలోకి దిగుమతి చేసుకోవడం ఇదే తొలిసారని తెలిపింది. అయితే ఎగుమతి కోసం తయారు చేసే మందులు తక్కువ కఠినమైన నియంత్రణ ప్రమాణాలకు లోబడి ఉండవచ్చని పేర్కొంది. అదే సమయంలో దిగుమతి చేసుకున్న ఔషధాలను పర్యవేక్షించడానికి, పరీక్షించడానికి తక్కువ వనరులున్న దేశాలకు మానవ, ఆర్థిక వనరులు ఉండకపోవచ్చని పేర్కొంది.

కేంద్ర ఆరోగ్య శాఖ సహాయ మంత్రి భారతి ప్రవీణ్ పవార్ ఫిబ్రవరి 3 న లోక్ సభకు ఇచ్చిన సమాధానంలో.. పరీక్ష తర్వాత దగ్గు సిరప్ ల నమూనాలు ప్రామాణిక నాణ్యతతో ఉన్నాయని ప్రకటించారు. డైథైలీన్ గ్లైకాల్ (డీఈజీ), ఇథిలీన్ గ్లైకాల్ (ఈజీ) రెండింటికీ నమూనాలు ప్రతికూలంగా ఉన్నాయని పవార్ ఒక ప్రశ్నకు లిఖితపూర్వక సమాధానంలో తెలిపారు.