ఇస్లామిక్ ఛాందసవాదులకు అస్సాం కేంద్రంగా మారుతోంది - సీఎం హిమంత బిశ్వ శర్మ

అస్సాం రాష్ట్రం ఇస్లామిక్ ఛాందసవాదులకు కేంద్రంగా మారుతోందని ఆ రాష్ట్ర సీఎం హిమంత బిశ్వ శర్మ అన్నారు. మదర్సాలలో ఇమామ్ లు పిల్లలకు ఏ విషయాలు బోధిస్తున్నారో తల్లిదండ్రులు, ప్రజలు గమనిస్తూ ఉండాలని కోరారు. 

ఇస్లామిక్ ఛాందసవాదులకు ఈశాన్య రాష్ట్రం కేంద్రంగా మారుతోందని సీఎం హిమంత బిశ్వ శర్మ అన్నారు. గత ఐదు నెలల్లో అస్సాంలో ఐదు ఉగ్రవాద కార్య‌కాల‌పాల‌ను ఛేదించడం తన భయాలకు కార‌ణం అవుతోంద‌ని అన్నారు. ‘‘ అస్సాం ఇస్లామిక్ ఛాందసవాదులకు కేంద్రంగా మారుతోందని ఎలాంటి సందేహ‌మూ లేకుండా రుజువు అయ్యింది. ఐదు మ‌డ్యూళ్ల‌ను ఛేదించిన‌ప్పుడు, అందులో మిగిలిన ఐదుగురు బంగ్లాదేశీ జాతీయుల ఆచూకీ ఇంకా తెలియ‌లేదు. అంటే ప‌రిస్థితి ఎలా ఉందో అర్థం చేసుకోవ‌చ్చు.’’ అని సీఎం మీడియాతో బుధవారం అన్నారు. 

ముస్తఫా అలియాస్ ముఫ్తీ ముస్తఫా నడుపుతున్న మోరిగావ్ లోని మదర్సాను అధికారులు ఈ రోజు కూల్చివేశారని శర్మ చెప్పారు. ‘‘ మొరిగావ్ లో విపత్తు నిర్వహణ చట్టం, యూఏపీఏ కింద జమీయుల్ హుడా మదర్సాను కూల్చివేశారు. ఈ మదర్సాలో 43 మంది విద్యార్థులు చదువుతున్నారు. వారిని ఇప్పుడు వివిధ పాఠశాలల్లో చేర్పించారు. ముస్తఫా అలియాస్ ముఫ్తీ ముస్తఫా 2017లో భోపాల్ నుంచి ఇస్లామిక్ లాలో డాక్టరేట్ పొందారు. అన్సారుల్లా బంగ్లా టీమ్ (ఏబీటీ)తో సంబంధం ఉన్న ఆరుగురు సభ్యులను ఈ ఏడాది మార్చిలో బార్పేట నుంచి అరెస్టు చేశారు ’’ అని శర్మ తెలిపారు. 

ఈ టీం నాయకుడు బంగ్లాదేశీయుడు అని, అతడు అక్రమంగా భారత్ లోకి ప్రవేశించాడని సీఎం అన్నారు. బయటి నుంచి వచ్చిన ఏ ఇమామ్ ను కూడా అలరించవద్దని స్థానికులను కోరారు. ‘‘ మీకు తెలియకపోతే దయచేసి అతడి వివరాలను సమీపంలోని పోలీస్ స్టేషన్ కు తెలియజేయండి ’’ అని అన్నారు. మదర్సాలలో పిల్లలకు ఏ విష‌యాలు బోధిస్తున్నారో తనిఖీ చేయాలని ఆయన ప్రజలను కోరారు. తమ‌ ప్రభుత్వ ప్రయత్నాల్లో భాగంగా ఇప్ప‌టికే ప్ర‌భుత్వ ఆధ్వర్యంలోని మదర్సాలను సాధారణ పాఠశాలలుగా మార్చారని శర్మ తెలియజేశారు.

‘‘ అస్సాంలో ఇప్పటికే 800 ప్రభుత్వ మదర్సాలను రద్దు చేశాం. కానీ రాష్ట్రంలో అనేక ఖవ్మీ మదరసాలు ఉన్నాయి. పౌరులు, తల్లిదండ్రులు ఈ మదర్సాలపై, అలాగే అక్కడ ఎలాంటి సబ్జెక్టులు బోధిస్తున్నారో గమనించాలి ’’ అని సీఎం అన్నారు. ఈ మీడియా స‌మావేశం సంద‌ర్భంగా అస్సాం సీఎం పాపులర్ ఫ్రంట్ ఆఫ్ ఇండియా విష‌యాన్ని కూడా ప్ర‌స్తావించారు. దేశంలోని అనేక ప్రాంతాల్లో అతివాద కార్యకలాపాల్లో నిమగ్నమైనట్లు భావిస్తున్న పీఎఫ్ఐకి, రాష్ట్రంలోని మాడ్యూళ్లతో ప్రత్యక్ష సంబంధాలు లేవని అయితే ఇది పర్యావరణ వ్యవస్థను సృష్టించడంలో నిమగ్నమైందని శర్మ చెప్పారు. అయితే అస్సాం పోలీసులు రాష్ట్రంలో పాత కేసుల్లో పీఎఫ్ఐ ప్రమేయాన్ని నిర్ధారించారని సీఎం తెలిపారు.