భారత మార్కెట్‌లో గూగుల్ కు సమస్యలు పెరుగుతూనే ఉన్నాయి. గూగుల్ చేస్తున్న అనైతిక వ్యాపార కార్యకలాపాల కారణంగా మన దేశంలో భారీ జరిమానాను గూగుల్ ఎదుర్కొంటోంది. వ్యాపార పర్యవేక్షణ సంస్థ అయిన కాంపిటీషన్ కమిషన్ ఆఫ్ ఇండియా ( CCI), గూగుల్ మీద రూ. 1,337.76 కోట్ల జరిమానా విధించింది
ప్రముఖ టెక్ దిగ్గజం గూగుల్‌కు మరో ఊహించని షాక్ తగిలింది. ఆండ్రాయిడ్ సిస్టమ్ , ఫ్లే స్టోర్ విధానాల్లో అధిపత్యానికి సంబంధించి నేషనల్ కంపెనీ లా అప్పీలేట్ ట్రైబ్యునల్ (NCLT) ఇచ్చిన ఆదేశాలపై స్టే విధించేందుకు సుప్రీం కోర్టు నిరాకరించింది. అలాగే.. మార్చి 31లోపు ఈ కేసులో తీర్పు వెలువరించాలని ఎన్‌సీఎల్‌టీని ఆదేశించింది.
అదే సమయంలో వ్యాపార పర్యవేక్షణ సంస్థ అయిన కాంపిటిషన్ కమిషన్ ఆఫ్ ఇండియా (సీసీఐ) విధించిన రూ.1,337.76 కోట్లు జరిమానాలో 10 శాతం డిపాజిట్ చేయాలని, ఎన్ఎసీఎల్‌టీ ఇచ్చిన ఆదేశాలను సుప్రీం కోర్టు సమర్థించింది. 10 శాతం ఫెనాల్టీని డిపాజిట్ చేసేందుకు గూగుల్‌కు వారం రోజుల సమయం ఇచ్చింది సుప్రీం కోర్టు. దీంతో వారం రోజుల్లో సుమారు రూ.133 కోట్లు గూగుల్ డిపాజిట్ చేయాలని ప్రధాన న్యాయమూర్తి డివై చంద్రచూడ్, న్యాయమూర్తులు పిఎస్ నరసింహ, జెబి పార్దివాలాలతో కూడిన ధర్మాసనం ఆదేశించింది.
గత ఏడాది అక్టోబర్‌లో ఆండ్రాయిడ్ సిస్టమ్, ప్లే స్టోర్‌పై ఏకపక్ష వైఖరితో గూగుల్‌పై కాంపిటీషన్ కమిషన్ ఆఫ్ ఇండియా రూ.1337.7 కోట్ల జరిమానా విధించింది. కాంపిటిషన్ కమిషన్ ఆఫ్ ఇండియా (సీసీఐ) నిర్ణయాన్ని NCLATలో సవాలు చేయబడింది. అయితే.. NCLAT Googleకి మధ్యంతర ఉపశమనం ఇవ్వడానికి నిరాకరించింది. జరిమానాలో 10 శాతం డిపాజిట్ చేయమని కోరింది. అయితే.. Google అభ్యర్థనను NCLAT అంగీకరించింది. గురువారం సుప్రీంకోర్టు జరిమానా మొత్తంలో 10 శాతం వచ్చే ఏడు రోజుల్లో డిపాజిట్ చేయాలని గూగుల్‌ని కోరింది. మార్చి 31లోగా గూగుల్ అప్పీల్‌పై నిర్ణయం తీసుకోవాలని NCLATని సుప్రీంకోర్టు కోరింది.
మళ్లీ పిటిషన్ దాఖలుకు మూడు వారాల సమయం
NCLATలో మళ్లీ పిటిషన్ దాఖలు చేసేందుకు గూగుల్‌కు సుప్రీంకోర్టు మూడు వారాల సమయం ఇచ్చింది. గూగుల్‌లో పెనాల్టీ విషయంలో సుప్రీం కోర్టు ఎలాంటి నిర్ణయం తీసుకుంటుందో తెలిసిన వారు పెద్ద నిర్ణయమే చెబుతున్నారు. ఈ కేసుపై సుప్రీంకోర్టులో గత విచారణ సందర్భంగా.. యావత్ ప్రపంచం దృష్టి ఈ విచారణపైనే ఉందని కేంద్ర ప్రభుత్వం కోర్టుకు తెలిపింది. ఇంత పెద్ద టెక్ కంపెనీతో భారత్ ఎలా వ్యవహరిస్తుందో చూడాలని ప్రపంచం కోరుకుంటోందని తెలిపింది.
యాజమాన్య హక్కుల వినియోగంపై ఆరోపణలు
యూరప్‌కు వేర్వేరు నిబంధనలు, భారత్‌కు వేర్వేరు నిబంధనలు వర్తిస్తాయా అని కోర్టు విచారణ సందర్భంగా గూగుల్‌ను ప్రశ్నించింది. భారత యాప్ డెవలపర్లు కాంపిటీషన్ కమిషన్ ఆర్డర్‌ను అనుసరిస్తే ఆండ్రాయిడ్ సిస్టమ్‌పై ఎక్కువ చెల్లించాల్సి ఉంటుందని గూగుల్ తెలిపింది. గూగుల్ ఆండ్రాయిడ్ యజమాని, కాంపిటీషన్ కమీషన్ వ్యాపారంలో దాని నుండి గూగుల్ అన్యాయమైన ప్రయోజనాన్ని పొందుతోందని కనుగొన్నారు.