అనంత్ అంబానీ ధరించిన తలపాగా 'కల్గీ' ధర అన్ని వందల కోట్లా.. !
By Mahesh Rajamoni | First Published Jul 14, 2024, 10:29 PM ISTAnant Ambani Wedding : తన పెళ్లి సందర్భంగా అనంత్ అంబానీ హీరామానెక్ & సన్ తయారు చేసిన అద్భుతమైన పాంథర్ ఎమరాల్డ్, డైమండ్ బ్రూచ్ ధరించి చాలా అందంగా కనిపించాడు.
Anant Ambani Radhika Merchant Wedding : భార‌తీయ అపర కుబేరుడు ముఖేష్ అంబానీ చిన్న కుమారుడు అనంత్ అంబానీ వివాహం ఘ‌నంగా జరిగింది. రిచెస్ట్ వెడ్డింగ్ గుర్తింపుతో అనంత్ అంబానీ-రాధికా మర్చంట్ ల మూడు రోజుల వివాహ వేడుకలు అంగరంగ వైభవంగా జరుగుతున్నాయి. ముంబైలోని బీకేసీలోని విలాసవంతమైన జియో వరల్డ్ కన్వెన్షన్ సెంటర్ లో జరిగిన ఈ గ్రాండ్ ఈవెంట్లో 'ఇండియన్ చిక్' థీమ్ తో లాంఛనంగా వెడ్డింగ్ రిసెప్షన్ జరిగింది. కోట్ల రూపాయ‌ల విలువైన అంద‌మైన దుస్తుల్లో అనంత్ అంబానీ మెరిశారు. మ‌రీ ముఖ్యంగా తన పెళ్లి సందర్భంగా అనంత్ అంబానీ హీరామానెక్ అండ్ సన్ తయారు చేసిన అద్భుతమైన పాంథర్ ఎమరాల్డ్, డైమండ్ బ్రూచ్ ధరించి చాలా అందంగా కనిపించాడు.
అయితే, అనంత్ అంబానీ పెళ్లి వేడుక‌లో ధరించిన తలపాగా ఇప్పుడు హాట్ టాపిక్ గా మారింది. ఎందుకుంటే ఒక్క త‌ల‌పాగానే వందల కోట్ల విలువ‌చేస్తుంద‌ని స‌మాచారం. అనంత్ అంబానీ బంగారు సఫా (తలపాగా) పై వజ్రాలతో నిండిన కల్గీ (బ్రూచ్) అనే నిజమైన రాయల్ యాక్సెసరీని ధరించాడు. దానిని తన బారత్ లో కూడా ధరించాలని నిర్ణ‌యించుకున్నారు. విరాల్ భయానీ ఇన్స్టాగ్రామ్ పోస్ట్ ప్రకారం.. ఈ అద్భుతమైన కల్గీ ధర రూ .160 కోట్లు ! ఎంతో శ్రమతో కూడిన, క్లిష్టమైన డైమండ్ వర్క్, రాయల్టీకి సరిపోయే డిజైన్ కలిగి ఉన్న అనంత్ దుస్తులకు ఈ 'కల్గీ' అసమానమైన రాజరిక దర్పాన్ని జోడిస్తుంది. సఫా వేడుక సందర్భంగా కూడా అనంత్ అంబానీ దీనిని ధరించాడు. దీనిని షలీనా నథానీ డిజైన్ చేయగా, అతని దుస్తులను అబూ జానీ సందీప్ ఖోస్లా డిజైన్ చేశారు.
Latest Videos
undefined
అనంత్ అంబానీ పెళ్లి చేసిన పూజారి ఈయనే.. దక్షిణ ఎంతిచ్చారో తెలుసా?
ముంబైలోని బాంద్రా కుర్లా కాంప్లెక్స్ (బీకేసీ)లోని జియో వరల్డ్ కన్వెన్షన్ సెంటర్ మంగళ్ ఉత్సవ్ కు ఆతిథ్యం ఇస్తోంది. ప్రీ వెడ్డింగ్ ఈవెంట్స్ నుంచి గ్రాండ్ వెడ్డింగ్ వేడుక వరకు అనంత్, రాధికల వెడ్డింగ్ సిరీస్ మొత్తానికి ఈ అత్యాధునిక వేదిక నేపథ్యంగా నిలిచింది. దాని అద్భుతమైన వాస్తుశిల్పం, విశాలమైన ప్రదేశాలు ఈ డికేడ్ లో అత్యంత ఖరీదైన వివాహాలలో ఒకదానికి తగిన గుర్తింపును అందించాయి. అలాగే, పెళ్లి కోసం అబూ జానీ సందీప్ ఖోస్లా డిజైన్ చేసిన ఎరుపు, తెలుపు లెహంగాలో రాధికా మర్చంట్ మెరిసింది. ఈ లెహంగాలో అద్దిరిపోయే ఎంబ్రాయిడరీ ఉంది. బంగారు డిజైన్లు, ఎమరాల్డ్, డైమండ్ బటన్లతో అలంకరించిన సబ్యసాచి ముఖర్జీ రూపొందించిన ఎరుపు రంగు షేర్వానీలో అనంత్ అంబానీ ఆమెకు స్వాగతం పలికారు.
మంగళ్ ఉత్సవ్ తర్వాత జూలై 15న జియో వరల్డ్ సెంటర్ లో అంబానీ కుటుంబ సిబ్బందికి మరో ప్రత్యేక రిసెప్షన్ ఉంటుంది. అంబానీ కుటుంబ ప్రయాణంలో భాగమైన వారితో కలిసి సెలబ్రేట్ చేసుకునే అవకాశాన్ని ఈ ఈవెంట్ కల్పిస్తుంది. అనంత్, రాధికల వివాహం లగ్జరీ, వైభవానికి నిదర్శనంగా నిలుస్తోంది.
అనంత్ అంబానీ పెళ్లిలో నీతా అంబానీ చేతిలో ప‌ట్టుకున్న వ‌స్తువు స్పెష‌ల్ ఏంటో తెలుసా?
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి