క్రికెట్ చూస్తుండగా.. పేలిన ఫ్రిజ్డ్‌.. ఐదుగురు మృత్యువాత..

పంజాబ్ లోని జలంధర్ లో ఘోర ప్రమాదం చోటు  చేసుకుంది. రిఫ్రిజిరేటర్ కంప్రెసర్ పేలుడు కారణంగా ఇంట్లోనే కాకుండా వీధిలో కూడా గ్యాస్ వ్యాపించింది. ఈ ప్రమాదంలో ఐదురుగు ప్రాణాలు కోల్పోయారు.

పంజాబ్‌లోని జలంధర్‌లో ఘోర ప్రమాదం జరిగింది. ఒకే కుటుంబానికి చెందిన ఐదుగురు వ్యక్తులు విషాదకరంగా మరణించారు. మృతుల్లో ముగ్గురు చిన్నారులు ఉన్నారు. ఈ ఘటన జలంధర్‌లోని అవతార్ నగర్‌లోని వీధి నంబర్ 12లో చోటుచేసుకుంది. ఈ ఘటనలో మృతులను అక్షయ్, యశ్పాల్ ఘాయ్, మన్షా, దియా, రుచిగా గుర్తించారు. యశ్‌పాల్ కుమారుడు తీవ్రంగా గాయపడి లూథియానాలోని డిఎంసిలో చికిత్స పొందుతున్నాడు.

మృతుడు యశ్‌పాల్ ఘాయ్ సోదరుడు రాజ్ ఘాయ్ మాట్లాడుతూ.. తన సోదరుడు ఏడు నెలల క్రితం డబుల్ డోర్ ఫ్రిజ్ కొన్నాడని,  అర్థరాత్రి కంప్రెసర్ పేలి ఇల్లు దగ్ధమైంది. ఇంట్లో నుంచి ఎవరూ బయటకు వచ్చే అవకాశం లేకపోవడంతో 65 ఏళ్ల యశ్‌పాల్‌ ఘాయ్‌, అతని కుమారుడు, కోడలు, ఇద్దరు బాలికలు చనిపోయారని తెలిపారు.  

రిఫ్రిజిరేటర్‌లోని కంప్రెసర్‌లో పేలుడు కారణంగా, గ్యాస్ ఇంటితో పాటు వీధిలోకి వ్యాపించింది. దీంతో అగ్నిమాపక సిబ్బంది అర్థరాత్రి వరకు మంటలను అదుపు చేసే పనిలో నిమగ్నమయ్యారు. అగ్నిమాపక దళం ఉద్యోగులు ఇంటి లోపల ఉన్న వ్యక్తులను బయటకు తీశారు, తరువాత వారిని సివిల్ ఆసుపత్రికి తరలించారు, అక్కడ వైద్యులు ముగ్గురు వ్యక్తులు మరణించినట్లు ప్రకటించారు మరియు ఇద్దరు వ్యక్తులను ప్రైవేట్ ఆసుపత్రికి తరలించారు. చికిత్స పొందుతూ ఇద్దరూ కూడా చనిపోయారు.

ప్రమాదం జరిగిన సమయంలో కుటుంబ సభ్యులు క్రికెట్ మ్యాచ్ చూస్తున్నట్లు సమాచారం. ఈ సమయంలో ఒక్కసారిగా పెద్ద శబ్ధంతో మంటలు వ్యాపించాయి. కంప్రెసర్‌లో గ్యాస్‌ పేలడంతో ఇంట్లోని వ్యక్తులు స్పృహతప్పి, మంటలతో చుట్టుముట్టారు. జలంధర్‌కు చెందిన ఆమ్ ఆద్మీ పార్టీ ఎంపీ సుశీల్ రింకూ కుటుంబంలో జరిగిన సంఘటనలో బాధిత మహిళను కలుసుకుని తన సానుభూతిని తెలిపారు. కుటుంబాన్ని ఆదుకుంటామని హామీ ఇచ్చారు.