జార్ఖండ్‌లోని దుమ్కాలోని రామ్‌గఢ్ పోలీస్ స్టేషన్ పరిధిలో ఓ దారుణం వెలుగులోకి వచ్చింది. తుసు మేళాకు హాజరై తిరిగి వస్తుండగా 14 ఏళ్ల బాలికపై ఐదుగురు వ్యక్తులు సామూహిక అత్యాచారానికి పాల్పడ్డారు. ఐదుగురు గుర్తుతెలియని దుండగులు బాలికను పొదల్లోకి తోసి వంతులవారీగా అత్యాచారానికి పాల్పడ్డారు. జనవరి 14న మకర సంక్రాంతి రోజున ఈ ఘటన జరిగింది.
మహిళలు, చిన్నారుల రక్షణ కోసం కేంద్ర, రాష్ట్ర ప్రభుత్వాలు ఎన్ని కఠిన చట్టాలు చేసినా ఫలితం లేకుండా పోయింది. నిత్యం ఏదోక చోట దారుణం వెలుగులోకి వస్తునే ఉన్నాయి. కామాంధులు .. చిన్నా పెద్ద అనే తేడా లేకుండా ఒంటరిగా మహిళలు కనిపిస్తే చాలు వారిపై అఘాయిత్యాలకు పాల్పడుతున్నారు. నిందితులను ఎంత కఠినంగా శిక్షించినా అఘాయిత్యాలు మాత్రం ఆగడంలేదు. తాజాగా జార్ఖండ్‌లోని దుమ్కాలోని రామ్‌గఢ్ దారుణం వెలుగులోకి వచ్చింది. ఓ మైనర్ బాలికపై ఐదుగురు యువకులు గ్యాంగ్ రేప్ కు పాల్పడ్డారు.
మైనర్ గిరిజన బాలికపై సామూహిక అత్యాచారం చేసిన ఘటన జార్ఖండ్‌లోని దుమ్కాలోని రామ్‌గఢ్ పోలీస్ స్టేషన్ పరిధిలో వెలుగు చూసింది. జనవరి 14న జరిగిన సంఘటన గురించి చెబుతున్నారు. అయితే, దాని సమాచారం ఇప్పుడు తెరపైకి వచ్చింది. సోహ్రాయ్ వేడుకలు జరుపుకోవడానికి బాలిక సమీపంలోని గ్రామానికి వెళ్లింది. సాయంత్రం ఇంటికి తిరిగి వస్తుండగా దారిలో ఐదుగురు బాలురు పట్టుకున్నారు.
అనంతరం అతడిని బలవంతంగా ఎత్తుకుని సమీపంలోని పొదల్లోకి తీసుకెళ్లారు. అక్కడ వరుసగా ఆమెపై అత్యాచారం చేశారు. అనంతరం అపస్మారక స్థితిలో ఉన్న చిన్నారిని అక్కడే వదిలేసి దుండగులు పరారయ్యారు. స్పృహలోకి వచ్చిన ఆమె ఎలాగోలా ఇంటికి చేరుకుంది.ఆ బాలిక భయంతో కుటుంబ సభ్యులకు ఈ విషయాన్ని తెలియజేయలేదు.
రెండు రోజులు గడిచినా పరిస్థితి మెరుగుపడకపోవడంతో కుటుంబ సభ్యులు విచారించారు. దీంతో బాలిక తనపై జరిగిన దారుణాన్ని కుటుంబ సభ్యులకు చెప్పింది. ఈ ఘటనపై సమాచారం అందిన వెంటనే బాలిక కుటుంబ సభ్యులు ఒక్కసారిగా షాక్‌కు గురయ్యారు. వారు వెంటనే పోలీసులకు సమాచారం ఇవ్వకుండా బాలికను చికిత్స కోసం దుమ్కా మెడికల్ కాలేజీ ఆసుపత్రికి తరలించారు. బాలిక పరిస్థితిని చూసిన వైద్యులు ఆమెను ఆస్పత్రికి తరలించారు. బాలికను ఆస్పత్రికి తరలించిన తర్వాతే పోలీసులకు ఈ విషయం తెలిసింది. బాధితురాలి ఫిర్యాదు మేరకు పోలీసులు కేసు నమోదు చేశారు.అయితే.. ఇప్పటి వరకు ఈ కేసులో ఎవరినీ అరెస్టు చేయలేదు.
ఈ ఘటనపై ఇన్‌స్పెక్టర్ జనరల్ (ఆపరేషన్స్) AV హోంకర్ మీడియాతో మాట్లాడుతూ.. బాధితురాలి ఫిర్యాదు మేరకు కేసు నమోదు చేసుకున్నామనీ, నిందితులపై భారతీయ శిక్షాస్మృతిలోని సంబంధిత సెక్షన్ల కింద కేసు రిజిస్టర్ చేశామని తెలిపారు.చట్టపరమైన చర్యలు ప్రారంభించామని, పోలీసు సూపరింటెండెంట్ అంబర్ లక్డా కేసును పర్యవేక్షిస్తున్నారని ఆయన తెలిపారు.